Selemia 47:4 - Tosi Tapu

⁴ Talie kua soko mai le aso leia e maumaui ai loa le kau Filisitini katoa, Ti e tamate ai loa latou fuli ala koi tokoi ki Tile mo Sitone ; Talie e maumaui loa e le Eteleno le kau Filisitini, Mo toetoega o le motu ko Kafetoli.

Selemia 47:4 ပူးပေါင်းရင်းမြစ်များ

Senesi 10:15

Na fakatupu loa e Kanaane a Sitone, ko lona uluaki, mo Eti ;

Uluaki tosi o Koloniko 1:12

mo le kau Patelusimi, mo le kau Kaseluimi, ala na au mei ai le kau Filisitini mo le kau Kafetolimi.

Sopo 9:13

E leaise ma taofi le sausau o le Atua. E mapelu ki lalo i ona vae a fanakiaga o le kau fia nealasi

Pesalemo 37:13

E kata le Eteleno ki le tagata agaveli, Talie e tio a ia kua soko mai lona aso.

Esaia 10:3

Kolea ka kotou fai loa i le aso o le tautea Ti mo le maumau leia ka vilo loa kia koutou mei se fenua mamao ? Ko ai leia ka kotou sosola loa ki ai, ke tokoi atu kia koutou, Ti kofea ka kotou tuku ai loa lokoutou kololia ?

Esaia 14:31

Matapa, ke ke tagi ! Kolo, ke ke lauga ! Fenua katoa o le kau Filisitini, ke ke lulu ! Talie kua ifo mai se afu mei le potu noleto, Ti kua kopikopi fua a atu tau o le fili.

Esaia 20:6

Ti e pati loa le kakai o le potu tai lena i le aso lena : Ko le ikuaga loa leinei o atatou amanaki malie ! Na tou fanaki ke tokoi mai a ia kia tatou, ke saofaki e ia tatou mei le sau o Asilia ! Ti e feaki loa lotatou sao ?

Esaia 31:8

Ti e vilo loa le tagata Asilia i se seleta e leaise ko se seleta a se tagata, Ti e kai loa a ia e se seleta e leaise ko se seleta a se tagata. E sola loa a ia i mua o le seleta, Ti e popula loa ana tagata tau muli.

Selemia 46:10

Ko le aso leinei o le Aliki, o le Eteleno o kau tau ; Ko se aso o le lagavaka, leia e totogi ai e ia ki ona fili. E kai le seleta, e makona a ia, E kona a ia i lolatou toto. Talie e i ai ni vikitima a le Aliki, a le Eteleno o kau tau, I le fenua o le potu noleto, i laugutu o le Eufalate.

Esekiele 21:25

E ke tofa loa le tasi a ala ke kaku ai le seleta ki Lapa, le kolo o le kau Amone, ti mo le tasi ake a ala ke kaku ai ki Suta, mo Selusalemi, le kolo makeke.

Esekiele 21:29

Koia e folafola le Aliki, le Eteleno, o pati : O tupu e kotou fakamanatu tuumau mai kiate au akoutou agaveveli, o fakasa ki tafa akoutou patigataa mo akoutou agasala i akoutou gaoiaga fuli ; o tupu e kotou fakamanatu tuumau latou kiate au, e too loa koutou e lona lima makeke.

Esekiele 25:16

Koia e folafola ai le Aliki, le Eteleno, o pati : Ko leinei, e kau falo loku lima ki le kau Filisitini, E kau tuuti le kau Keleti, Ti e kau maumaui le nea leia e toe i le mata tai.

Esekiele 30:8

Ti e lotou iloa loa ko au ko le Eteleno, Mo ka kau tuku ia loa le afi ki Esipito, Ti mo ka kau fatifati loa latou fuli ala e tokoi kiate ia.

Esekiele 7:12

Kua soko mai le temi, kua ofi mai le aso ! Ke aua na fiafia leia e totogi, Ke aua na mamae leia e fakatau ! Talie kua mapaa le sausau ki le kakai katoa.

Oseo 9:7

Kua lotou soko mai, a aso o le tautea, Kua lotou kaku mai, a aso o le totogi o gaoi : E tonu ke iloa a ia e Iselaele ! Kua valea le polofeta, kua ulu vale le tagata tio malama ! O tupu ko le lasi o au agaveli mo au agatuu.

Amosi 9:7

Fanau a Iselaele, pe leaise kotou fai kiate au Pe fanau a le kau Etiopia ? e pati le Eteleno. Pe na leaise kau fakamavae Iselaele mei le fenua o Esipito, Ofaipe le kau Filisitini mei Kafetoli ti mo le kau Silia mei Kile !

Luka 21:22

Talie ko aso loa ana ko ni aso o le tautea, o tupu ke fakasoko a nea fuli ala na tosi.

Tetelonome 2:23

Ko le kau Avi, ala na nonofo i kolo liliki o le fenua ko Kasa, na maumaui loa e le kau Kafetolimi, kakai na ifo meia Kafetoli, ala na nonofo loa i lolatou fenua.

Sosue 22:30

I le logo a le tagata faisakilifisio ko Finesi, mo pule o le kakai, ti mo pule o tino afe o Iselaele ala na ano mo ia, ki masau ala na fakasa e vosa o Lupeni, mo vosa o Kate, ti mo vosa o Manase, na latou tokamalie katoa loa.