Selemia 47:3 - Tosi Tapu

³ O tupu ko le patatu o vae o ana osi makeke, Mo le gugulu o ana saliote ti mo le kiki o teka. E leaise toe tagaki ki muli a tamana ki alatou fanau, I le gaegae lasi olatou lima,

Selemia 47:3 ပူးပေါင်းရင်းမြစ်များ

Esaia 5:28

Kua matakakai ana gasau, Ti kua toso fakakitakita ana kalolo ; Kua fai a vae o ana osi pe ni fatu, Ti kua fai a teka o ana saliote pe se asesio.

Selemia 46:9

Kotou pale, osi ! Kotou makape, saliote ! Ke lotou sa mai, a tagata toa, Latou o Etiopia mo Puti ala e too ia le paletau, Ti mo latou o Lute ala e faikalolo !

Selemia 50:42

E lotou too le kalolo mo le tao ; E lotou tukipo, sala manava alofa ; E gugulu lolatou leo ofaipe le tai ; E lotou eke i ni osi, O teuteu pe se fa tagata e tasi, Ke tau kiate koe, taine o Papilone !

Selemia 8:16

E logo mai le tagi o osi mei le fetuu o Tane, Ti e galulu le kele katoa i le logoa o olatou tagi ; E lotou au, e lotou kai le fenua ti mo nea fuli e maua i ai, Le kolo ti mo latou e nonofo i ai.

Esekiele 23:24

E lotou au loa kiate koe mo ni masafu, mo ni saliote tau, mo nea fuli e maua ia ni teka, Ti mo se solia toka api ; Mo le paletau lasi ti mo le paletau ikiiki, mo puloga ukamea. E lotou au mei potu fuli kiate koe. E kau tuku loa le fakamaau kia latou, Ti e lotou fakamaau loa a koe o mulimuli ki alatou lao.

Naume 2:4

Kua kula a paletau o ana tagata toa, Kua kofu kula a tagata tau. Kua sa a saliote mo le ukamea leia kua gigila, I le aso leia na fakatuutuu e ia ki le tau, Ti kua siki a tao.

Naume 2:8

Kua oki a ia : Kua telefua Ninive, kua ave a ia. Kua tagi laulau ana fafine fakasausau ofaipe ni lupe, Ti kua lotou pa olatou fatafata.

Apokalipisi 9:9

Ti na lotou maua ni kofu tau ofaipe ni kofu tau ukamea, ti ko le logoa o olatou kapakau na faipe se logoa o saliote ala kua toso e ni osi mauke, o makape ki le tau.

Tuifakamaau 5:22

Koia na patato ai loa a vae o osi, I le sosola, i le sosola fakatavili o le kau tau na eke ia latou.