Selemia 47:1 - Tosi Tapu

¹ Ti na tuku loa le folafola a le Eteleno kia Selemia, le polofeta, o uiga mo le kau Filisitini, i mua o le taai o Kasa e Falaone.

Selemia 47:1 ပူးပေါင်းရင်းမြစ်များ

Senesi 10:19

Na natu loa a koiga o Kanaane i Sitone, i le fetuu o Kela, o kaku ki Kasa, ti na lotou soko atu loa i ai ki Sotoma mo Komola, ki Atema mo Sepoimi, o tau ki Lesa.

Uluaki tosi o Sau 4:24

Na pule a ia ki le fenua katoa i leia atu fetuu o le vaitafe, mei Tifesake o kaku ki Kasa, ki sau fuli o leia atu fetuu o le vaitafe. Ti na maua e ia le tokamalie mei potu fuli.

Esaia 14:29

Aua na ke fakafiafia, fenua o le kau Filisitini, I le fatii o le laakau leia na taai ia a koe ! Talie e ulu loa mei le aka o le gata se gata utikona, Ti e liliu loa lona fua ko se talakone lele.

Selemia 25:20

Ki Alapia katoa, ki sau fuli o le fenua o Ute, Ki sau fuli o le fenua o le kau Filisitini, Ki Asekaloni, ki Kasa, ki Ekeloni, ki le nea leia e toe i Asetoti ;

Esekiele 25:15

E folafola le Aliki, le Eteleno, o pati : O tupu na fakasoko e le kau Filisitini Loku sausau mo se loto fia lagavaka, O tupu na lotou fai le tautea mo le vesia ti mo le loto katoa, O lotou loto ke maumaui nea fuli, i lolatou vesia lee gato,

Esekiele 25:16

Koia e folafola ai le Aliki, le Eteleno, o pati : Ko leinei, e kau falo loku lima ki le kau Filisitini, E kau tuuti le kau Keleti, Ti e kau maumaui le nea leia e toe i le mata tai.

Soele 3:4

Kolea le nea e kotou loto ki ai, Tile mo Sitone, Ti mo koutou fuli, fenua o le kau Filisitini ? Pe kotou loto ke kotou lagavaka mai kiate au ? Kapau e kotou fia lagavaka mai kiate au, E leaise tuvai loa laku fakavilo lakoutou lagavaka ki okoutou ulu.