Selemia 45:5 - Tosi Tapu

⁵ Ti ko koe, pe ke afa loa ni nea lalasi kiate koe ? Aua na ke afa latou ! Talie ko leinei, e pati le Eteleno, e kau aumai loa le malaia ki kanofi fuli ; kae e kau soli atu loa lou mauli kiate koe ofaipe sou koloa i le vae koloa, i ganea fuli ala e ke ano loa ki ai.

Selemia 45:5 ပူးပေါင်းရင်းမြစ်များ

Senesi 6:12

Na tio loa le Atua ki le malama nei, ti ko leinei, kua veli ai a ia ; talie kua fakalialia a ala o tagata fuli i le malama nei.

Uluaki tosi o Sau 3:11

Ti na pati loa le Atua kiate ia : Talie kua ke kole le nea lena, ti na leaise ke kole mai se mauli fualoa, pe ko ni koloa, pe ko le mate o ou fili, kae kua ke kole mai le poto ki le fai o le fakamaau totonu,

Uluaki tosi o Sau 3:9

Koia ke ke soli ki lau tagata fakasausau se loto poto ke fakamaaui ai lou kakai, ke tio ai ki le nea leia e malie mo le nea leia e veli ! Talie ko ai e mafai ia loa ke fakamaaui ia lou kakai, le kakai api leinei ?

Lua tosi o Sau 5:26

Kae na pati loa Eliseo kiate ia : Na leaise puli loku laumalie i le temi leia na ifo ai le tagata lena mei lana saliote, o au ke fakafetaulaki mai kiate koe. Pe ko le temi leinei ke too ai ni paaga, mo ni nea lava, o tupu ke totogi ai ni faisaga olive, mo ni faisaga vite, mo ni ovi, mo ni pipi, mo ni tagata fakasausau, ti mo ni fafine fakasausau ?

Pesalemo 131:1

Katiko o le fanoga tapu. A Tavite. Eteleno ! e leaise kau maua se loto leia e fia nealasi, Pe ko ni mata ala e fia aliki ; E leaise kau tokaga ki ni nea lalasi mo taualuga ake iate au.

Esaia 66:16

Talie e fai e le Eteleno ana fakamaauaga ki le afi, Ti e tautea e ia a kanofi fuli ki le seleta ; Ti e toka api loa latou ala e tamate loa e le Eteleno.

Selemia 21:9

Ko leia e nofo loa i le kolo leinei e mate loa i le seleta, mo le oge, mo le taumasaki ; kae ko leia e mavae loa o ano ki le kau Kaletea ala e takatakai ia koutou e mauli loa a ia, ti e liliu loa lona mauli ko lona koloa.

Selemia 25:15

Talie na masau mai kiate au le Eteleno, le Atua o Iselaele, o pati : Too i loku lima le ipu leinei kua apele i le vino o loku sausau, Ti ke fakainu a ia ki atu puleaga fuli Ala e kau kakau loa a koe ki ai.

Selemia 25:16

E lotou inu loa, ti e lotou sisiga loa ti e lotou fai loa pe ni vale, Mo ka lotou tio loa ki le seleta leia e kau kakau loa kia latou.

Selemia 25:26

Ki sau fuli o le potu noleto, Feofi pe mamao, Ki la mo la, Ki atu puleaga fuli o le malama nei, Ala e nonofo i fuga o le kele. Ti e inu loa e le sau o Papilone o fakamulimuli.

Selemia 25:31

E kaku loa le logoa ki potupotu o le malama nei ; Talie kua fefele le Eteleno mo atu puleaga, Ti kua fakamaui e ia tagata fuli, Ti kua tuku e ia le kau agaveli ki le seleta, e pati le Eteleno.

Selemia 38:2

E folafola le Eteleno, o pati : Ko leia e nofo loa i le kolo leinei e mate loa i le seleta, mo le oge, mo le taumasaki ; kae ko leia e mavae loa o ano ki le kau Kaletea e saofaki loa e ia lona mauli ; ti ko lona totogi ko lona mauli, io, e mauli loa a ia.

Selemia 39:18

E kau saofaki loa a koe, ti e leaise ke mate loa i le seleta ; ko lou totogi ko lou mauli, talie na ke fanaki kiate au, e pati le Eteleno.

Sofoni 3:8

Koia e pati ai le Eteleno : Kotou talitali mai la kiate au ! I le aso leia e kau tuu ake ai loa o tanaki le koloa o le tau, Talie kua kau fakapapau ke fakatasi a atu puleaga, Ke fakatasi a atu puleaga sau, O tupu ke kau liligi kia latou loku sausau, Le mamafa katoa o loku ita ; Talie e tutu loa le fenua katoa e le afi o loku finenonofo.

Loma 12:16

Ke kotou maua ni manatu loto tatau i okoutou vasaa. Ke aua na kotou oli ki nea taualuga, kae ke kotou oli ki nea taulalo. Ke aua na kotou fia poto.

Epelo 13:5

Ke aua na manumanu ki le paaga ; kae ke kotou fiafia i le nea leia e kotou maua, talie kua pati le Atua totonu : E leaise kau tuku loa a koe, ti e leaise kau tiaki loa a koe