Selemia 45:4 - Tosi Tapu

⁴ Pati kiate ia : E folafola le Eteleno, o pati : Ko leinei, e kau maumaui loa le nea leia kua kau fakatuu ; ti e kau taaki loa le nea leia kua kau to, io, le fenua katoa leinei.

Selemia 45:4 ပူးပေါင်းရင်းမြစ်များ

Ekelesiasi 3:3

se temi ke tamate ai, ti mo se temi ke fakamauli ai ; se temi ke soloi ai, ti mo se temi ke laga ai ;

Selemia 1:10

Tio, kua kau tuku kiate koe i le aso nei se makeke ki atu kakai mo atu puleaga, o tupu ke ke taaki mo veteki, ke ke maumaui mo soloi, ke ke lagai ake mo to.

Selemia 11:17

Kua aumai kiate koe le malaia e le Eteleno o kau tau, leia na to ia a koe, O tupu ko le agaveli o le fale o Iselaele mo le fale o Suta, Ala na fai ia le nea ke tupu ai loku sausau, o la momoli le iseso kia Paale.

Selemia 12:2

Na ke to latou, ti kua lotou tauaka ; E lotou lalasi, e lotou fua ; E ke ofi ki lolatou gutu, Kae e ke mamao i lolatou loto.

Selemia 31:28

Ti e faipe laku tokaga kia latou O taaki, mo fatii ki lalo, mo maumaui, mo fakamativa, ti mo fakaveli, E kau toe tokaga loa kia latou o fakatuu mo to, E pati le Eteleno.

Tagi laulau a Selemia 2:6

Na veteki e ia lona a ofaipe leia o se oloto, Na maumaui e ia le ganea o lana fakatasi ; Na galoi e le Eteleno i Sione a aso lalasi mo le sapato, Ti na tiaki e ia i lona sausau lasi le sau mo le tagata faisakilifisio.

Oseo 2:14

E kau maumaui loa ana faisaga vite mo ana faisaga fiki, ala e pati a ia ki ai : Ko loku totogi leinei kua soli mai e aku feauaki ! E kau fakaliliu loa a faisaga ko ni vaomatua, ti e kai loa latou e manu o le vao.

Tetelonome 28:63

O tatau mo le fiafia leia na maua e le Eteleno o fai kia koutou le nea malie ti mo liuliuga koutou, e toe tatau foki mo le fiafia leia e maua loa e le Eteleno o tamate koutou ti mo maumaui koutou. Ti e taaki loa e ia koutou mei le kele leia e ke ulu loa ki ai o maua tofiga.