Selemia 43:9 - Tosi Tapu

⁹ Too i lou lima ni fa fatu lalasi, o fufu latou i mua o le kau Sutea, i le kelemea o le gutuumu fai piliki leia e tuu i le uluaga o le fale o Falaone, i Takepanese.

Selemia 43:9 ပူးပေါင်းရင်းမြစ်များ

Lua tosi a Samuele 12:31

Na fakamavae loa e ia le kakai mei le kolo, ti na fakagaoii loa e ia latou ki ni gaoi mamafa, ki le tutuu, ki le ta fatu, ki toki mo le fai piliki ; na toe fai felaaki e ia ki la ake a kolo fuli o vosa o Amone. Ti na toe liliu loa Tavite ki Selusalemi mo le kakai katoa.

Ekesote 1:14

Na lotou fakamamae lolatou mauli ki ni gaoi mamafa ki le kelepulu, mo le fau piliki, ti mo gaoi kesekese i faisaga. Ti na lotou fakamaua kia latou a gaoi fuli ana ki le aga tukipo.

Selemia 25:19

Kia Falaone, sau o Esipito, Ki ana tagata fakasausau, mo ona pule, mo lona kakai katoa ;

Selemia 43:10

Ti e ke pati loa ki le kau Sutea : E folafola le Eteleno o kau tau, le Atua o Iselaele, o pati : E kau fakatotonu loa ke au Nepukatenesale, sau o Papilone, laku tagata fakasausau, ti e kau fakatuu loa lona ekeekeaga fakasau i aluga o fatu anei kua kau aga o fufu, ti e folasi loa e ia lona la i aluga.

Selemia 43:8

Ti na tuku loa le folafola a le Eteleno kia Selemia i Takepanese, o pati :

Selemia 44:30

Ti e folafola le Eteleno, o pati : E kau tuku loa Falaone Ofala, sau o Esipito, ki lima o ona fili, mo lima o latou ala e loto ki lona mauli, ofaipe laku tuku Setesiasi, sau o Suta, ki lima o Nepukatenesale, sau o Papilone, lona fili, leia na loto ki lona mauli.

Esekiele 4:1

Ti ko koe, vosa o le tagata, too se fa piliki, ti ke tuku a ia i ou mua, ti e ke paaki loa i ai se kolo, Selusalemi.

Oseo 12:10

Kae ko au, ko le Eteleno au, ko lou Atua, talu mei le fenua o Esipito ; E kau toe fakanofo loa a koe i ni falela, ofaipe aso o lafeti.

Naume 3:14

Asu se vai ki le tau ! Fakamakeke ou kolo tau ! Ulu ki le pela, takatakafi le kele pupulu ! Toe fakatuu le gutuumu fau piliki !

Gaoi 21:11

o au loa kia matou. Na too loa e ia le kilipipi o Paulo, o sai ki ona vae mo ona lima, o pati : Ko leinei le nea leia e fakasa e le Laumalie Maokioki : Ko le tagata leia o ona le kilipipi leinei, e saisai feneeki loa a ia e le kau Sutea i Selusalemi, ti e lotou tuku loa a ia ki lima o le kau pagani.

Apokalipisi 18:21

Ti na too loa e se aselo mafimafi se fatu ofaipe se fuaga, o ti a ia ki le tai, o pati : E fenaaki loa le ti fakaveliveli o Papilone, le kolo lasi, ti e leaise toe maua loa a ia.