Selemia 42:2 - Tosi Tapu

² O pati kia Selemia, le polofeta : Tali malie amatou kole ! Ulufaki matou ki le Eteleno, lou Atua, mo latou fuli ala koi toe, talie na motou api ti kua motou lavaki, ofaipe le nea leia e ke tio ki ai ;

Selemia 42:2 ပူးပေါင်းရင်းမြစ်များ

Uluaki tosi o Sau 13:6

Koia na masau loa le sau, o pati ki le tagata a le Atua : Kole ki le Eteleno, lou Atua, ti ke ulufaki au, o tupu ke mafai ke toe peluki loku lima. Na kole loa e le tagata a le Atua ki le Eteleno, ti na mafai loa e le sau ke toe peluki lona lima, leia na toe liliu loa ofaipe le masani.

Pesalemo 119:170

Ke kaku atu kiate koe laku tagi ! Saofaki au, o mulimuli ki lau fakapapau !

Ekesote 8:28

Kae na toe fakafefeka loa e Falaone lona loto, i le faiaga foki lena, ti na leaise tuku loa e ia ke ano le kakai.

Ekesote 9:28

Kolua kole ki le Eteleno ke taofi le mana mo le ua fatu ; ti e kau tuku loa koutou ke ano, talie e leaise kau toe taofi loa koutou.

Esaia 1:15

Ka kotou falo mai okoutou lima, e kau fulusi kese oku mata ia koutou ; Ka kotou liuliuga a faikole, e leaise kau fakalogo atu kia koutou : E apele okoutou lima i le toto.

Esaia 1:9

Ka na leaise tuku e le Eteleno o kau tau Se ga toetoega gaegae ia matou, Na motou liliu loa ofaipe Sotoma, Na motou tatau loa mo Komola.

Esaia 37:4

Na lagi kua logo le Eteleno, lou Atua, ki masau a Lapesake, leia na kakau mai e le sau o Asilia, lona pule, ke au o tauvelei le Atua mauli, ti e lagi fakasoko loa e le Eteleno, lou Atua ana tautea o tupu ko masau ala na logo a ia ki ai. Koia ke ke faikole o uiga mo le toetoega leia koi mauli.

Esaia 42:20

Na ke tio ki nea mauke ai, kae na leaise ke tokaga fua ki ai ; Na fakamavaa a taliga, kae na leaise logo fua.

Selemia 15:11

Na pati loa le Eteleno : E maoki, e ke maua loa se apogipogi manuia ; E maoki, e kau fakamakeke loa ki le fili ke fai kiate koe ana kole fakamolemole, I le aso o le malaia ti mo le aso o le mamae.

Selemia 2:27

E lotou pati ki le laakau : Ko loku tamana a koe ! Ti ki le fatu : Na ke soli mai kiate au le mauli ! Talie e lotou titua mai kiate au, E leaise lotou agaaga mai kiate au. Ti ka lotou nofo i le malaia, E lotou pati : Tuu ki aluga, o fakamauli matou !

Selemia 21:2

Afa le finegalo o le Eteleno kia tatou ; talie ko leinei kua au Nepukatenesale, sau o Papilone, o taui tatou ; E lagi fai loa e le Eteleno kia tatou se milakulo ke fakamamao ai Nepukatenesale meia tatou.

Selemia 36:7

E lagi logo loa le Eteleno ki alatou kolekole, ti e lagi tasi tafoki mai loa le tagata mei lona ala veli ; talie kua lasi ai le ita mo le sausau o le Eteleno leia ka to ki le kakai leinei.

Selemia 37:20

Ko leinei, e kau kole atu kiate koe, ei loku aliki sau : tali malie laku kole i ou mua ! Aua na ke toe fakaliliu au ki le fale o Sonatane, le sekalaipe, talie ke aua na kau mate loa i ai !

Selemia 37:3

Na kakau loa e le sau ko Setesiasi a Sukale, vosa o Selemia, mo Sofoni, vosa o Maasesa, le tagata faisakilifisio, ke ano o pati kia Selemia, le polofeta : Ulufaki matou ki le Eteleno, lotatou Atua.

Selemia 38:14

Na kakau loa e le sau ko Setesiasi ke afa ake kiate ia Selemia, le polofeta, ti na taki ake loa a ia kiate ia i le uluaga lasi o le fale o le Eteleno. Ti na pati loa le sau kia Selemia : E i ai se nea leia e kau fia kole atu kiate koe : Aua na ke fufu mai kiate au se nea.

Selemia 40:15

Ti na pati fakafufu loa Sokanane, vosa o Kalease, kia Ketalia i Misipa : Fakataga mai ke kau ano o tamate Isemaele, vosa o Netania. E leaise iloa loa a ia e se tasi. Kolea e tamate ai loa e ia a koe ? Kolea e mavetevete ai loa latou fuli o Suta ala kua fakatasi mai kiate koe ? ti kolea e mate ai loa le toetoega o Suta ?

Selemia 42:20

E kotou kakaai a koutou totonu, talie na kotou kakau au ki le Eteleno, lokoutou Atua, o pati : Faikole ki le Eteleno, lomatou Atua, o uiga mo matou ; fakasa mai kia matou a nea fuli ala e pati loa ki ai le Eteleno, lomatou Atua, ti e motou fai loa latou.

Tagi laulau a Selemia 1:1

Kolea ! Kua tonatona toka tasi a ia, Le kolo leia na apiapi ! Kua fai a ia pe se fafine lokonui ! A ia leia na lasi i atu puleaga, a ia leia na fafine aliki i atu puleaga, Kua tuku a ia ki le popula !

Esekiele 12:16

Kae e kau fakatoe loa ia latou ni tagata Ala e sao loa i le seleta, mo le oge, ti mo le taumasaki, O tupu ke lotou fakamatala alatou aga fakalialia fuli I puleaga ala e lotou ano loa ki ai. Ti e lotou iloa loa ko au ko le Eteleno.

Oseo 8:10

Logo ai na lotou fai ni nea alofa ki atu puleaga, I le temi nei e kau fakatasi latou, Ti kua vave fua le temi leia e lotou mamae ai loa i le kavega a le sau o aliki.

Levitiko 26:22

E kau kakau mai loa kia koutou a manu fekai o le vao, ti e lotou tamate loa okoutou fanau, ti e lotou kai loa akoutou kau manu, ti e lotou fakateiki loa koutou, ti e lavaki loa okoutou ala.

Amosi 7:2

Na soko loa na kai e seseivaka le mutie katoa o le fenua, Ti na kau pati loa : Aliki Eteleno, fakamolemole ki lou kakai ! Pe toe tuu feaki loa Sakopo ? Talie e gaegae ai a ia !

Mateo 24:22

Ti kana leaise fakateiki a aso ana, e leaise sao loa se tasi ; kae o tupu ko le kau filifiliia e fakateiki loa a aso ana.

Gaoi 8:24

Na tali loa Simone : Kolua ulufaki au e koulua totonu ki le Aliki, ke aua na soko mai kiate au se nea i nea ala kua kolua masau ki ai.

Tetelonome 28:62

I le oki o lou toka api o tatau mo fetuu o le lagi, e kotou toe loa ko se ga toka teiki fua, o tupu na leaise ke fakalogo loa ki le leo o le Eteleno, lou Atua.

Tetelonome 28:63

O tatau mo le fiafia leia na maua e le Eteleno o fai kia koutou le nea malie ti mo liuliuga koutou, e toe tatau foki mo le fiafia leia e maua loa e le Eteleno o tamate koutou ti mo maumaui koutou. Ti e taaki loa e ia koutou mei le kele leia e ke ulu loa ki ai o maua tofiga.

Tetelonome 4:27

E fakamavetevete loa koutou e le Eteleno i atu puleaga, ti e toe loa se ga toka teiki fua i puleaga ala e ave loa koutou ki ai e le Eteleno.

Sakopo 5:16

Koia ke kotou fekofesioaki akoutou agasala, ti kotou fefaikoleaki, o tupu ke kotou mauli. E aoga lasi ai le faikole fakamalotoloto a le tagata agatonu.

Uluaki tosi a Samuele 12:19

Ti na pati loa le kakai katoa kia Samuele : Faikole ki le Eteleno, lou Atua, o uiga mo au tagata fakasausau, ke aua na motou mamate ; talie na motou toe fakalasi amatou agasala, o kole se sau kia matou.

Uluaki tosi a Samuele 12:23

Ke mamao foki meiate au le agasala, o taofi laku faikole ki le Eteleno, o uiga mo koutou ! E kau ako loa kia koutou le ala malie mo sako.

Uluaki tosi a Samuele 7:8

ti na lotou pati loa kia Samuele : Aua na toe gato lau tagi ki le Eteleno lotatou Atua o uiga mo matou, o tupu ke saofaki e ia matou i le lima o le kau Filisitini.