Selemia 41:2 - Tosi Tapu

² Ti na tuu ake loa Isemaele, vosa o Netania mo le tino agafulu leia na au mo ia, o tamate ki le seleta a Ketalia, vosa o Asikame, vosa o Safani ; na tamate loa e Isemaele i Misipa leia na fakanofo e le sau o Papilone ko le kovana o le fenua.

Selemia 41:2 ပူးပေါင်းရင်းမြစ်များ

Lua tosi a Samuele 3:27

I le kaku mai a Apenele ki Epelone, na ave loa a ia e Soape ki se ganea kese i loto o le matapa o le kolo, ke masau fakafufu a ia kiate ia, ti na sukii loa e ia a Apenele ki se seleta i lona manava o mate ai, ke totogi ai le mate o Asaele, lona taina.

Lua tosi o Sau 25:25

Kae i le fitu o masina, na au loa Isemaele, vosa o Netania, vosa o Elisama, mei le famili sau, mo ni tagata e tino agafulu, ti na lotou taai loa Ketalia, o mate ai, mo le kau Sutea, ti mo le kau Kaletea leia na nonofo mo ia i Misipa.

Pesalemo 109:5

E lotou totogi mai kiate au le veli ki le malie, Ti mo le vesia ki loku alofa.

Pesalemo 41:9

E veli lona masaki, Ko lena kua moe a ia i lalo, e leaise toe tuu loa a ia ki aluga !

Selemia 40:14

Ti na lotou pati loa kiate ia : Pe ke iloa kua fakatotonu e Paalise, sau o le kau Amone, kia Isemaele, vosa o Netania, ke tamate a koe ? Kae na leaise tui Ketalia, vosa o Asikame, kia latou.

Selemia 40:16

Ti na tali loa Ketalia, vosa o Asikame, kia Sokanane, vosa o Kalease : Aua na ke fai le nea lena ; talie e sala le nea leia e ke pati ki ai o uiga mo Isemaele.

Selemia 40:5

I le tuvai o le tali a Selemia, na pati loa le pule kiate ia : Toe liliu kia Ketalia, vosa o Asikame, vosa o Safani, leia kua fakanofo e le sau o Papilone ke pule ki kolo o Suta, o nofo mo ia mo le kakai, ti kapau e leai, ano ki le ganea leia e malie kiate koe. Ti na soli loa e Nepusalatane kia Selemia ni nea kai mo ni nea alofa, ti na kakau loa e ia a ia ke ano.

Selemia 40:7

I le maua e kau pule solia fuli ala na nonofo i kolo vao, e latou mo alatou kau solia, le logo leia kua fakanofo e le sau o Papilone a Ketalia, vosa o Asikame, ko le kovana o le fenua, ti kua tuku e le sau kiate ia a tagata, mo fafine, mo fanau, mo le kau mativa o le fenua, ala na leaise ave popula ki Papilone,

Selemia 40:8

Na lotou ano loa kia Ketalia i Misipa, mo Isemaele, vosa o Netania, mo Sokanane, mo Sonatane, vosa o Kalease, mo Selasa, vosa o Tanumete, mo vosa o Efai mei Netofa, mo Sesania, vosa o se tagata Maaka, latou mo alatou kakai.

Selemia 41:3

Ti na tamate foki e Isemaele le kau Sutea katoa leia na nonofo mo Ketalia i Misipa, mo le kau Kaletea leia na nofo i ai, ko ni tagata tau.

Soane 13:18

E leaise kau masau kia koutou fuli ; e kau iloa latou ala kua kau filifili. Kae e tonu ke fakasoko le Tosi : Ko leia e kai ia mo au le pane Kua siki lona mulivae kiate au.