Selemia 41:10 - Tosi Tapu

¹⁰ Na fakapilisoni loa e Isemaele latou fuli ala na toe i Misipa, a taineliki o le sau mo latou fuli o le kakai leia na nonofo i ai, latou ala na tuku e Nepusalatane, pule o tagata leo, kia Ketalia, vosa o Asikame. Ti na ave fakapopula loa latou e Isemaele, vosa o Netania, ti na ano loa a ia ki le kau Amone.

Selemia 41:10 ပူးပေါင်းရင်းမြစ်များ

Neemia 2:10

I le logo ki ai a Sanepala, le tagata Oloni, mo Topisa, lana tagata fakasausau Amone, na la veli ia ai le kaku ake o se tagata ke tokaga ki le malie o fanau a Iselaele.

Neemia 2:19

I le logo ki ai a Sanepala, le tagata Oloni, mo Topisa, lona oloi, le tagata Amone, ti mo Kesemi, le tagata Alape, na lotou kata fakagologolo loa kia matou, ti na lotou vesia loa kia matou. Na lotou pati : Kolea le nea lena e kotou fai ? Pe kotou loto ke kotou agatuu ki le sau ?

Selemia 22:30

E folafola le Eteleno, o pati : Kotou tosi le tagata leinei e sala fanau, Ofaipe leia e leaise manuia loa i lona mauli, Talie e leaise mafai loa e se tasi o lona sakoga Ke eke i le ekeekeaga fakasau o Tavite, O pule i Suta.

Selemia 38:23

E taki loa au avaga fuli mo au fanau ki le kau Kaletea ; ti ko koe, e leaise ke sao loa mei olatou lima, e too loa a koe e le lima o le sau o Papilone, ti e tutu loa le kolo leinei e le afi.

Selemia 39:6

Na fakatotonu loa e le sau o Papilone ke tamate a vosa o Setesiasi i ona mua ; ti na toe fakatotonu foki e le sau o Papilone ke tamate a kau lalasi fuli o Suta.

Selemia 40:14

Ti na lotou pati loa kiate ia : Pe ke iloa kua fakatotonu e Paalise, sau o le kau Amone, kia Isemaele, vosa o Netania, ke tamate a koe ? Kae na leaise tui Ketalia, vosa o Asikame, kia latou.

Selemia 40:7

I le maua e kau pule solia fuli ala na nonofo i kolo vao, e latou mo alatou kau solia, le logo leia kua fakanofo e le sau o Papilone a Ketalia, vosa o Asikame, ko le kovana o le fenua, ti kua tuku e le sau kiate ia a tagata, mo fafine, mo fanau, mo le kau mativa o le fenua, ala na leaise ave popula ki Papilone,