Selemia 41:1 - Tosi Tapu

¹ I le masina fitu, na au loa Isemaele, vosa o Netania, vosa o Elisama, mei le famili sau, mo ni kau tagata lalasi a le sau, mo se kau tagata e tino agafulu, kia Ketalia, vosa o Asikame i Misipa. Ti na lotou kakai fakatasi loa i Misipa.

Selemia 41:1 ပူးပေါင်းရင်းမြစ်များ

Lua tosi a Samuele 3:27

I le kaku mai a Apenele ki Epelone, na ave loa a ia e Soape ki se ganea kese i loto o le matapa o le kolo, ke masau fakafufu a ia kiate ia, ti na sukii loa e ia a Apenele ki se seleta i lona manava o mate ai, ke totogi ai le mate o Asaele, lona taina.

Lua tosi o Sau 11:1

I le tio loa a Atalia, tinana o Akasia, kua mate lona tama, na tuu ake loa a ia, o tamate le sakoga sau fuli.

Lua tosi o Sau 25:22

Na ave popula loa i ai a Suta o mamao mei lona fenua. Ti na fakanofo loa e Nepukatenesale, sau o Papilone, ke pule ki le kakai leia na tuku loa e ia ke nofo i le fenua o Suta, a Ketalia, vosa o Asikame, vosa o Safani.

Lua tosi o Sau 25:25

Kae i le fitu o masina, na au loa Isemaele, vosa o Netania, vosa o Elisama, mei le famili sau, mo ni tagata e tino agafulu, ti na lotou taai loa Ketalia, o mate ai, mo le kau Sutea, ti mo le kau Kaletea leia na nonofo mo ia i Misipa.

Lua tosi o Koloniko 22:10

I le tio loa a Atalia, tinana o Akasia, kua mate lona tama, na tuu loa a ia o tamate le sakoga sau fuli o le fale o Suta.

Pesalemo 109:5

E lotou totogi mai kiate au le veli ki le malie, Ti mo le vesia ki loku alofa.

Pesalemo 41:9

E veli lona masaki, Ko lena kua moe a ia i lalo, e leaise toe tuu loa a ia ki aluga !

Taagapati 13:10

E tupu fai a fefele mei le fia nealasi, Kae e nofo le poto mo latou ala e fakalogo ki tokoi.

Taagapati 27:4

E tukipo le fakamakeke, ti e fai le ita pe se liua e tafe makeke, Kae ko ai e tuu loa i mua o le finenonofo ?

Selemia 36:12

na ifo loa a ia ki le fale o le sau, i le kogafale o le sekalaipe, leia na nonofo ai a kau pule fuli, ko Elisama, le sekalaipe, mo Telasa, vosa o Semaesa, mo Elenatane, vosa o Akepole, mo Kemalia, vosa o Safani, mo Setesiasi, vosa o Anania, ti mo la ake kau pule fuli.

Selemia 36:20

Na lotou ano loa ki le sau i le malae, kae lotou tuku le tosi i le kogafale o le sekalaipe ko Elisama, ti na lotou fakamatala loa a folafola fuli ki le sau.

Selemia 39:14

Ke afa mai Selemia mei le malae o le fale pilisoni, ti na lotou tuku loa a ia kia Ketalia, vosa o Asikame, vosa o Safani, ke taki a ia ki lona fale. Ti na nofo loa Selemia i loto malie o le kakai.

Selemia 40:13

Ti na au loa Sokanane, vosa o Kalease, mo kau pule fuli o kau tau ala na nonofo i kolo vao kia Ketalia i Misipa.

Selemia 40:5

I le tuvai o le tali a Selemia, na pati loa le pule kiate ia : Toe liliu kia Ketalia, vosa o Asikame, vosa o Safani, leia kua fakanofo e le sau o Papilone ke pule ki kolo o Suta, o nofo mo ia mo le kakai, ti kapau e leai, ano ki le ganea leia e malie kiate koe. Ti na soli loa e Nepusalatane kia Selemia ni nea kai mo ni nea alofa, ti na kakau loa e ia a ia ke ano.

Selemia 40:6

Ti na ano loa Selemia kia Ketalia, vosa o Asikame, i Misipa, ti na nofo loa a ia mo Ketalia mo le kakai leia na nofo i le fenua.

Selemia 40:7

I le maua e kau pule solia fuli ala na nonofo i kolo vao, e latou mo alatou kau solia, le logo leia kua fakanofo e le sau o Papilone a Ketalia, vosa o Asikame, ko le kovana o le fenua, ti kua tuku e le sau kiate ia a tagata, mo fafine, mo fanau, mo le kau mativa o le fenua, ala na leaise ave popula ki Papilone,

Selemia 40:8

Na lotou ano loa kia Ketalia i Misipa, mo Isemaele, vosa o Netania, mo Sokanane, mo Sonatane, vosa o Kalease, mo Selasa, vosa o Tanumete, mo vosa o Efai mei Netofa, mo Sesania, vosa o se tagata Maaka, latou mo alatou kakai.

Esekiele 17:13

Ti kua filifili e ia se tasi o le sakoga sau, ti kua fai e ia se sai mo ia, o fakamaua a ia ke fakapapau, ti kua ave e ia le kau lalasi o le fenua,

Soane 13:18

E leaise kau masau kia koutou fuli ; e kau iloa latou ala kua kau filifili. Kae e tonu ke fakasoko le Tosi : Ko leia e kai ia mo au le pane Kua siki lona mulivae kiate au.