Selemia 40:5 - Tosi Tapu

⁵ I le tuvai o le tali a Selemia, na pati loa le pule kiate ia : Toe liliu kia Ketalia, vosa o Asikame, vosa o Safani, leia kua fakanofo e le sau o Papilone ke pule ki kolo o Suta, o nofo mo ia mo le kakai, ti kapau e leai, ano ki le ganea leia e malie kiate koe. Ti na soli loa e Nepusalatane kia Selemia ni nea kai mo ni nea alofa, ti na kakau loa e ia a ia ke ano.

Selemia 40:5 ပူးပေါင်းရင်းမြစ်များ

Lua tosi o Sau 22:12

Ti na tuku loa e le sau le fakatotonu leinei ki le tagata faisakilifisio ko Ilekisa, mo Asikame, vosa o Safani, mo Akepole, vosa o Mikea, mo Safani, le sekalaipe, ti mo Asaia, le tagata fakasausau a le sau :

Lua tosi o Sau 22:14

Na ano loa le tagata faisakilifisio ko Ilekisa, mo Asikame, mo Akepole, mo Safani, ti mo Asaia, ki le fafine polofeta ko Ulita, avaga o Salume, le vosa o Tikeva, vosa o Alase, le tagata leoleo o kofu. Na nofo a ia i Selusalemi i leia ake fetuu o le kolo.

Lua tosi o Koloniko 34:20

Ti na tuku loa e le sau le fakatotonu leinei kia Ilekisa, mo Asikame, vosa o Safani, mo Apetone, vosa o Mikea, mo Safani, le sekalaipe, mo Asaia, tagata fakasausau a le sau :

Esetalasi 7:27

Ke fakafetai ki le Eteleno, le Atua o otatou tamana, leia na teuteui ia le loto o le sau ke fakakololia feneeki ai le fale o le Eteleno i Selusalemi,

Esetalasi 7:6

Na au loa le Esetalasi lena mei Papilone : ko se tagata sekelipa a ia, leia na poto i le lao a Moisese leia na tuku kiate ia e le Eteleno, le Atua o Iselaele. Ti na kau mo ia le lima o le Eteleno, lona Atua, koia na soli ai e le sau kia Esetalasi a nea fuli ala na kole e ia kiate ia.

Neemia 1:11

Ei Aliki, ke tokaga mai lou taliga ki le kole a lau tagata fakasausau, ti mo le kole a au tagata fakasausau ala e loto ke i ki lou suafa ! Tapuaki i le aso nei lau tagata fakasausau, o ke tuku ke maua e ia se manava alofa i mua o le tagata leinei ! I le temi aia na kau pule ki le vino a le sau.

Sopo 22:29

Talie e fakaveli e le Atua a fakatuutuu fuli ala e fia taualuga ; Kae tuku e ia lana tokoi ki leia e taulalo.

Taagapati 16:7

Ka malie a ala o se tagata ki le Eteleno, E fai e ia ke malilie mo ia ona fili foki.

Taagapati 21:1

Ko le loto o le sau ko se vaitafe i le lima o le Eteleno ; E fulusi e ia a ia ki ganea fuli e loto a ia ki ai.

Selemia 15:11

Na pati loa le Eteleno : E maoki, e ke maua loa se apogipogi manuia ; E maoki, e kau fakamakeke loa ki le fili ke fai kiate koe ana kole fakamolemole, I le aso o le malaia ti mo le aso o le mamae.

Selemia 26:24

Kae na kau loa le lima o Asikame, vosa o Safani, mo Selemia, ti na taofi loa e ia ke aua na tuku a ia ki le kakai ke tamate.

Selemia 39:14

Ke afa mai Selemia mei le malae o le fale pilisoni, ti na lotou tuku loa a ia kia Ketalia, vosa o Asikame, vosa o Safani, ke taki a ia ki lona fale. Ti na nofo loa Selemia i loto malie o le kakai.

Selemia 40:4

I le aso nei, e kau saofaki a koe mei tini ala e piki i ou lima ; kapau e ke fia ano mo au ki Papilone, ti e ke ano loa mo au, e kau taupau loa a koe ; ti kapau e leaise ke fia ano mo au ki Papilone, ti aua na ke au mo au ; tio, e tuu le fenua katoa i ou mua, ano ki le ganea leia e ke malie ia ti e ke fia ano ki ai.

Selemia 41:1

I le masina fitu, na au loa Isemaele, vosa o Netania, vosa o Elisama, mei le famili sau, mo ni kau tagata lalasi a le sau, mo se kau tagata e tino agafulu, kia Ketalia, vosa o Asikame i Misipa. Ti na lotou kakai fakatasi loa i Misipa.

Selemia 41:18

o mamao mei le kau Kaletea, ala na lotou i ki ai, o tupu ko le tamate e Isemaele, vosa o Netania, a Ketalia, vosa o Asikame, leia na fakanofo e le sau o Papilone ko le kovana o le fenua.

Selemia 41:2

Ti na tuu ake loa Isemaele, vosa o Netania mo le tino agafulu leia na au mo ia, o tamate ki le seleta a Ketalia, vosa o Asikame, vosa o Safani ; na tamate loa e Isemaele i Misipa leia na fakanofo e le sau o Papilone ko le kovana o le fenua.

Gaoi 27:3

I leia ake a aso, na motou tau loa ki Sitone ; ti ko Suliusi, leia na tokaga fakamalielie kia Paulo, na fakataga ia loa ke ano a ia ki ona kaukau nea ti ke lotou tokaga kiate ia.

Gaoi 27:43

Kae na taofi loa latou e le setulio, leia na loto ke fakamauli ia Paulo. Ti na fakatotonu loa e ia kia latou ala e poto i le kakau ke uluaki sopo ki le tai, o kakau ki uta,

Gaoi 28:10

Na lasi ai lalatou fai nea alofa kia matou ; ti i lamatou mavae, na lotou soli mai loa kia matou a nea fuli ala na aoga kia matou.

Epelo 13:6

Koia e mafai ai ke tou pati makeke ai : Ko le Aliki ko loku tokoi, e leaise kau i loa ki se nea ; Kolea e mafai e se tagata kiate au ?