Selemia 40:4 - Tosi Tapu

⁴ I le aso nei, e kau saofaki a koe mei tini ala e piki i ou lima ; kapau e ke fia ano mo au ki Papilone, ti e ke ano loa mo au, e kau taupau loa a koe ; ti kapau e leaise ke fia ano mo au ki Papilone, ti aua na ke au mo au ; tio, e tuu le fenua katoa i ou mua, ano ki le ganea leia e ke malie ia ti e ke fia ano ki ai.

Selemia 40:4 ပူးပေါင်းရင်းမြစ်များ

Senesi 13:9

Pe leaise tuu le fenua katoa i ou mua ? Koia mavae ai a koe iate au : kapau e ke ano ki le fetuu sema, ti e kau ano loa ki le fetuu atamai ; kapau e ke ano ki le fetuu atamai, ti e kau ano loa ki le fetuu sema.

Senesi 20:15

Na pati loa Apimeleke : Ko leinei, e tuu loku fenua i ou mua ; nofo i le ganea leia e ke loto ki ai.

Senesi 44:21

Na ke pati mai loa ki au tagata fakasausau : Kotou aumai a ia kiate au, e kau fia tio mata kiate ia.

Senesi 47:6

e fakalogo le fenua katoa o Esipito kiate koe. Filifili e koe le ganea malie tukupau o le fenua ke lotou nonofo ai. Ke lotou nonofo i le fenua o Koseni ! Ti kapau e ke maua ia latou ni tagata poto i le tausi manu, ti ke tuku latou ke tokaga ki aku kau manu.

Esitele 3:11

Ti na pati loa le sau kia Amane : Kua soli atu kiate koe le paaga ti mo le kakai lena ; fai le nea leia e ke loto ki ai.

Selemia 37:14

Na tali loa Selemia : E sala ! E leaise kau sola ki le kau Kaletea. Kae na leaise fia fakalogo Sileisa kiate ia ; ti na too loa e ia Selemia, o taki ki mua o le kau pule.

Tagi laulau a Selemia 3:7

Na takatakai e ia au ki se paa, ke aua na kau toe ano ki fafo ; Na soli e ia kiate au ni tini mamafa.