Selemia 40:11 - Tosi Tapu

¹¹ Na logo loa le kau Sutea katoa, leia na nofo i le fenua o Moape, mo le fenua o le kau Amone, mo le fenua o Etome, mo fenua fuli, kua tuku e le sau o Papilone se ga toetoega i Suta, ti kua fakanofo e ia Ketalia, vosa o Asikame, vosa o Safani, ke pule kia latou.

Selemia 40:11 ပူးပေါင်းရင်းမြစ်များ

Senesi 36:8

Na nofo loa Esau i le mauga o Seili. Ko Esau, ko Etome a ia.

Esaia 11:14

E la lele fakatasi loa ki mauga liliki o le kau Filisitini i le potu uesite, Ti e la maumaui loa mo kaia loa a koloa o vosa o le potu esite ; Ko Etome mo Moape ko le nea kai o ona lima ; Ti e fakalogo loa a vosa o Amone kia laua.

Esaia 16:4

Tuku le kau popula o Moape ke nofo i lou fenua ; Ke ke liliu kia latou ko se ulufaga i le tagata tukipo ! Talie e gato loa le popula, ti e oki loa le maumaui, Ti e puli loa leia e takatakafi ia le fenua.

Selemia 24:9

E kau fakaliliu loa latou ko se nea fakaii mo se nea fakatupu lauveli ki puleaga fuli o le malama nei, ko se nea fakalumaluma, mo se nea fakagologolo, mo se nea fakakata, ti mo se nea fakatupu malaia i ganea fuli ala e kau kapu loa latou ki ai.

Selemia 41:10

Na fakapilisoni loa e Isemaele latou fuli ala na toe i Misipa, a taineliki o le sau mo latou fuli o le kakai leia na nonofo i ai, latou ala na tuku e Nepusalatane, pule o tagata leo, kia Ketalia, vosa o Asikame. Ti na ave fakapopula loa latou e Isemaele, vosa o Netania, ti na ano loa a ia ki le kau Amone.

Selemia 43:5

Ti na too loa e Sokanane, vosa o Kalease, mo kau pule solia fuli, a toetoega fuli o Suta, ala, i le oki o lolatou mavetevete i mua i atu puleaga fuli, na toe liliu mai ke nofo i le fenua o Suta,

Selemia 43:6

A tagata, mo fafine, mo fanau, mo taineliki o le sau, mo le kakai katoa leia na tuku e Nepusalatane, pule o le kau leo, ke nonofo mo Ketalia, vosa o Asikame, vosa o Safani, mo Selemia, le polofeta, mo Paluke, vosa o Nelisa.

Selemia 9:26

Esipito, Suta, Etome, fanau o Amone, Moape, Latou fuli ala e tele ia olatou ma, Latou ala e nonofo i le toafa ; Talie e lee silikosisio a atu puleaga fuli, Ti e lee silikosisio le loto o le fale katoa o Iselaele.

Esekiele 25:12

E folafola le Aliki, le Eteleno, o pati : O tupu na tautea fakaveliveli e Etome Le fale o Suta, O tupu na lotou agasala lasi,

Esekiele 25:2

Vosa o le tagata, mafuli ou mata ki fanau o Amone, Ti ke kikite kia latou !

Esekiele 25:6

Talie e folafola le Aliki, le Eteleno : O tupu na ke pasipasi ou lima, Ti na tukituki ou vae, O tupu na ke fakafiafia ki malaia o le kele o Iselaele, O ke fakasa ai lou vesia ki loku kakai,

Esekiele 25:8

E folafola le Aliki, le Eteleno, o pati : O tupu na pati Moape mo Seili : Ko leinei, e fai le fale o Suta pe puleaga fuli !

Esekiele 34:6

E sese laku kau manu i aluga o mauga fuli, i aluga o mauga liliki, ti e mavetevete laku kau manu i le fenua katoa. E leaise tokaga se tasi kiate ia, ti e leaise afa a ia e se tasi.

Esekiele 35:15

O tupu ko le fiafia leia na ke maua Talie kua maumau le tofiga o le fale o Iselaele, E kau fai fakatatau loa kiate koe ; E ke liliu loa ko se potu lavaki, mauga o Seili, A koe mo Etome katoa. Ti e lotou iloa loa ko au ko le Eteleno.

Esekiele 35:5

O tupu na ke nofo fualoa mo lou vesia, O tupu na ke tamate ki le seleta a fanau a Iselaele, I le aso o lolatou mamae, I le aso leia na kaku ai le agaveli ki lona gatoaga,

Esekiele 5:12

E mate loa le tolu vaega o lou kakai i le masaki veli ti mo le oge i loto malie o ou ; ti e mate loa le tasi vaega i le seleta i ou tafatafa ; ti e kau veteki loa le tasi vaega ki matagi fuli, ti e kau tuli loa latou ki le seleta.

Esekiele 5:3

E ke too loa se ga lukuga fului ulu, ti e ke nonoa loa a ia ki le tapatapa o lou kofu.

Numelo 22:1

Na ano loa fanau a Iselaele, ti na lotou nonofo loa i le fenua o Moape, i le kauvai esite o le Solotane, i mua o Seliko.

Numelo 25:1

Na nofo loa Iselaele i Sitime ; ti na kamata fai feauaki loa le kakai ki taineliki o Moape.

Numelo 25:2

Na fakaafe loa e taineliki le kakai ki sakilifisio ki atua o Moape ; ti na kai loa le kakai, ti na punou loa a ia i mua olatou atua.

Uluaki tosi a Samuele 11:1

Na au loa Nakase, le tagata Amone, o taui Sapesi i Kalaate. Na pati loa le kakai katoa o Sapesi kia Nakase : Ke ke fai se sai mo matou, ti e motou fakasausau loa kiate koe.

Uluaki tosi a Samuele 12:12

Kae i lakotou tio kia Nakase, sau o le kau Amone, kua au o taui koutou, na kotou pati mai loa kiate au : Leai ! E motou loto ki se sau ke lagiaki kia matou. Kae ko lokoutou sau ko le Eteleno, lokoutou Atua.