Selemia 40:10 - Tosi Tapu

¹⁰ Ko leinei, e kau nofo i Misipa, o fakafofoga koutou i mua o le kau Kaletea ala e au loa kia tatou ; kae ko koutou, kotou fai le tanaki o le vino, mo fuai laakau o le temi vevela, mo le lolo ; kotou tanaki latou ki ni fagu, ti kotou nonofo i okoutou kolo, ala kua kotou nonofo ai.

Selemia 40:10 ပူးပေါင်းရင်းမြစ်များ

Lua tosi a Samuele 16:1

I le tuku fakaikiiki ki muli e Tavite le tumutumu o le mauga, ko leinei, na au loa ki ona mua Tesipa, tagata fakasausau a Mefiposete, mo ni asino e lua ala na amoga ia ni fa pane e kau lelau lua, mo ni paapaa vite malo e kau lelau fa, mo ni paapaa fuai laakau e kau lelau fa i fuai laakau o le temi vevela, ti mo se utele vino e tasi.

Uluaki tosi o Sau 10:8

Manuia lou kakai, manuia au tagata fakasausau ala e nonofo tuumau i ou mua, ala e logo ki lou poto !

Taagapati 22:29

Kapau e ke tio ki se tagata leia e poto i le gaoi, E tonu ke gaoi a ia ki le sau ; E leaise tonu ke nofo fakapulipuli a ia.

Taagapati 27:25

Tuuti le mutie o faisaga, tuku ke sosomo le mutie foou, Ti ke ano o tanaki le mutie o mauga.

Esaia 16:9

Koia e kau tagi ai ki le vite o Sipema, ofaipe laku tagi kia Saesele ; Eseponi mo Eleale, e kau fakavai kolua ki oku loimata ! Talie kua vilo se kalaga tau Ki akoutou taukai vite mo akoutou taukai fulumeto.

Selemia 35:19

o tupu ko le nea lena, e folafola le Eteleno o kau tau, le Atua o Iselaele, o pati : E leaise mativa loa Sonatape, vosa o Lekape, i se tagata ke tuu i oku mua, o lee gato.

Selemia 39:10

Kae na tuku loa e Nepusalatane, pule o le kau leo, i le fenua o Suta le kakai mativa, latou ala na leai salatou nea ; ti na soli loa e ia kia latou ni faisaga vite mo ni faisaga.

Selemia 40:12

Ti na toe liliu mai loa le kau Sutea katoa mei ganea fuli ala na lotou mavetevete ai, o lotou au loa ki le fenua o Suta, kia Ketalia i Misipa, ti na lotou fai loa se tanaki lasi o le vino mo fuai laakau o le temi vevela.

Selemia 40:6

Ti na ano loa Selemia kia Ketalia, vosa o Asikame, i Misipa, ti na nofo loa a ia mo Ketalia mo le kakai leia na nofo i le fenua.

Selemia 43:5

Ti na too loa e Sokanane, vosa o Kalease, mo kau pule solia fuli, a toetoega fuli o Suta, ala, i le oki o lolatou mavetevete i mua i atu puleaga fuli, na toe liliu mai ke nofo i le fenua o Suta,

Selemia 48:32

Vite o Sipema, e kau tagi kiate koe o lasi ake ia Saesele ; Na ano ou laa o kaku ki le tai ; Na lotou solofa o kaku ki le tai o Saesele ; Na oso le tagata maumau kiate koe, o tuuti lou fulumeto mo tau lou vite.

Mikea 7:1

Malaia kiate au ! talie kua kau fai pe se tagata leia e ano o afa ni fuai laakau i le oki o le tau kai, Leia e ano o afa ni fui vite i le oki o le tau o le vite : E leaise maua e ia se fui vite ke kai, pe ko se fa fiki suamalie leia e manako ki ai lona laumalie.

Luka 21:36

Koia kotou alaala ai, ti kotou faikole i temi fuli, o tupu ke kotou maua le makeke ke kotou sao ai i nea fuli ala ka soko mai, ti ke kotou tutuu i mua o le Vosa o le tagata.

Tetelonome 1:38

Kae ko Sosue, vosa o Nune, leia e fakasausau kiate koe, e ulu loa ki le fenua. Fakamakekei a ia, talie ko ia leia e fakaulu ia loa Iselaele ki le fenua leia ko lona tofiga.

Tetelonome 16:13

E ke fai loa le aso o tapenakulo i aso e fitu, mo ka ke tanaki loa le fua o lau sasaaga fulumeto mo lau tatauaga vite.