Selemia 4:5 - Tosi Tapu

⁵ Kotou fakasa i Suta, kotou kalaga i Selusalemi, Ti kotou pati : Kotou pupusi le fakatagi pupusi i le fenua ! Kotou kalaga i le makeke katoa, ti kotou pati : Kotou fakamaopo mai, ti ke tou ano ki kolo tau !

Selemia 4:5 ပူးပေါင်းရင်းမြစ်များ

Esaia 28:19

I temi fuli e mapaa ai loa a ia, e kukumi loa e ia koutou ; Talie e natu loa a ia i usu fuli, i le ao mo le pouli ; Ti ko le logo fai ki lona gugulu e fakatupu ia le i lasi.

Selemia 11:2

Kotou fakalogo mai ki kupu o le sai leinei, Ti kotou masau ki tagata o Suta mo le kakai o Selusalemi !

Selemia 35:11

I le temi leia na pale mai ai Nepukatenesale, sau o Papilone, o taui le fenua leinei, na motou pati : Tou ano, tou mavae o ano ki Selusalemi, o mamao mei le solia a le kau Kaletea, mo le solia a le kau Silia. Ko le tupuaga lena o lomatou nonofo i Selusalemi nei.

Selemia 5:20

Kotou fakasa le nea leinei ki le fale o Sakopo, Kotou kalaga a ia i Suta, ti kotou pati :

Selemia 6:1

Kotou sosola, fanau o Pesamino, i loto malie o Selusalemi, Kotou pupusi le fakatagi pupusi i Tekoa, Kotou toso se manumanu i Pete-Akelemi ! Talie kua sa mei le potu noleto se malaia, Ti mo se maumau lasi.

Selemia 8:14

Kolea e tou tonatona ai i le kele ? Kotou fakatasi, ti tou ano ki kolo tau, O mamate i ai ! Talie kua tuku tatou e le Eteleno, lotatou Atua, ki le mate, Ti kua fakainu e ia tatou ki ni vai kona, O tupu na tou agasala ki le Eteleno.

Selemia 9:12

Kofea le tagata poto leia e matala ki nea anei ? Ke fakasa e ia a ia, e leia na masau ki ai le gutu o le Eteleno ! Kolea kua maumau ai le fenua, Kua vela ai ofaipe se toafa leia e leaise fakalaka ai se tasi ?

Esekiele 7:14

Kua pupusi le fakatagi pupusi, kua tokamalie nea fuli, Kae e leaise saele se tasi ki le tau ; Talie e vilo loku sausau ki le kakai katoa.

Oseo 8:1

Fakatuu le fakatagi pupusi ki lou gutu ! E oso le fili ofaipe se akuila ki le fale o le Eteleno, O tupu na lotou maumaui laku sai, Ti na lotou patigataa ki laku lao.

Soele 2:1

Kotou pupusi le fakatagi pupusi i Sione ! Kotou fakagugulu le fakatagi pupusi i loku mauga tapu ! Ke lulu kakai fuli o le fenua ! Talie kua au le aso o le Eteleno, talie kua ofi mai a ia,

Amosi 3:6

Pe pupusi le fakatagi pupusi i se kolo, Kae e leaise i le kakai ? Pe soko se malaia i se kolo, Kae e leikiaise fakataga e le Eteleno ?

Amosi 3:8

E gugulu le laione : Ko ai e leaise i loa ? E folafola le Aliki, le Eteleno : ko ai e leaise kikite loa ?

Numelo 10:2

Fai kiate koe ni fakatagi pupusi siliva e lua ; e ke fai loa laua ki se siliva leia kua tuki ki le amale. E fakaaoga loa laua ki le fakatasii o le kakai ti mo le fakasa o le mavae o le nofolaga.

Numelo 10:3

Ka pupusi loa laua, e fakatasi loa le kakai katoa kiate koe, i le uluaga o le falela tapu.

Sosue 10:20

I le oki o le tuku e Sosue mo fanau a Iselaele se lava lasi kia latou, ti mo lalatou tamate latou o veli ai, ko latou ala na feala loa ke sao na sosola loa ki kolo tau,