Selemia 4:4 - Tosi Tapu

⁴ Kotou silikosisio koutou ki le Eteleno, kotou silikosisio okoutou loto, Tagata o Suta ti mo le kakai o Selusalemi, O tupu ke aua na natu kia koutou loku sausau ofaipe se afi, Ti ke aua na vela a ia, kae e leaise feala ke toe tamate, O tupu ko le veli o akoutou gaoi.

Selemia 4:4 ပူးပေါင်းရင်းမြစ်များ

Lua tosi o Koloniko 34:25

Talie na lotou tiaki au kae lotou momoli ni kaloni ki ni iki ake atua, ke kau itaita ai ki gaoiaga fuli o olatou lima, kua maligi loa loku sausau ki le ganea leinei ti e leaise toe taofi loa a ia.

Esaia 10:17

E liliu loa le malama o Iselaele ko se afi, Ti ko lona Sagato ko se ula, Leia e tutu ia loa o okioki ona uluvao gaoa mo talatala I le aso fai e tasi ;

Esaia 30:33

Talie kua teuteui se mata afi talu mei fualoa ; Kua teuteui a ia ki le sau, kua fai a ia ke loloto mo lau lasi ; Kua fakatuuga i ai se fafie lasi mo se afi ; E tutu loa a ia e le tukumanava a le Eteleno, ofaipe se vaitafe sulifa.

Esaia 51:17

Ke ke alaala, ke ke alaala ! Ke ke tuu ki aluga, Selusalemi, Leia na inu ia le ipu o lona sausau mei le lima o le Eteleno, Leia na inu ia, na mimiti ia le ipu o le galivale o kaku ki le takele !

Selemia 15:14

E kau tuku a koe ke ano mo lou fili ki se fenua leia e leaise ke iloa, Talie kua mu le afi o loku sausau, Kua ula a ia kia koutou.

Selemia 21:12

Fale o Tavite ! E folafola le Eteleno, o pati : Kotou kamata okoutou aso i le fai o ni fakamaau i le faitotonu, Kotou fakalauatea le tagata popula i lima o lona pule, Ke aua na vilo loku sausau ofaipe se afi, Ti ke aua na ula a ia kae e leaise mafai loa lona tamate, O tupu ko le agaveli o akoutou gaoi.

Selemia 21:5

Ti e kau tau loa kia koutou ki loku lima falo mo loku lima makeke, i loku sausau kaka mo fakaii.

Selemia 23:19

Ko leinei, kua to le afa a le Eteleno, Kua mu lona sausau, Kua oso le veli, Kua vilo a ia ki ulu o le kau agaveli.

Selemia 36:7

E lagi logo loa le Eteleno ki alatou kolekole, ti e lagi tasi tafoki mai loa le tagata mei lona ala veli ; talie kua lasi ai le ita mo le sausau o le Eteleno leia ka to ki le kakai leinei.

Selemia 44:22

Na leaise mafai loa e le Eteleno ke toe kataki atu a ia, o tupu ko le agaveli o akoutou gaoi, o tupu ko nea fakalialia ala kua kotou fai ; ti kua liliu lokoutou fenua ko se fenua maumau, ko se toafa, ko se nea fakatupu malaia, ofaipe le nea leia kua kotou tio ki ai i le aso nei.

Selemia 9:25

Ko leinei, e soko mai loa a aso, e pati le Eteleno, Ala e kau tautea ai loa latou fuli ala na silikosisio kae na leaise silikosisio i lolatou loto :

Selemia 9:26

Esipito, Suta, Etome, fanau o Amone, Moape, Latou fuli ala e tele ia olatou ma, Latou ala e nonofo i le toafa ; Talie e lee silikosisio a atu puleaga fuli, Ti e lee silikosisio le loto o le fale katoa o Iselaele.

Tagi laulau a Selemia 4:11

Kua fakakatoa e le Eteleno lona sausau, Kua liligi e ia lona sausau lasi ; Kua tafu e ia i Sione se afi, Leia e kai ia ona fakatafito.

Esekiele 16:38

E kau fakamaui loa a koe ofaipe le fakamaui o fafine faiaga mo fafine ala e liligi ia le toto. E kau fakaliliu loa a koe ko se vikitima kua apele i le toto, talie e vilo loa loku sausau mo loku finenonofo kiate koe.

Esekiele 18:31

Kotou tiaki ki mamao akoutou agaveveli fuli ala na kotou agasala ai ; kotou fai kia koutou ni loto foou mo ni laumalie foou. Kolea e kotou mamate ai loa, fale o Iselaele ?

Esekiele 20:33

E kau mauli ! E pati le Aliki, le Eteleno, e kau pule loa kia koutou, ki loku lima makeke mo loku lima falo, ti mo le liligi o loku sausau.

Esekiele 21:17

Tagi mo tagi laulau, vosa o le tagata ! Talie kua tosoi a ia ki loku kakai, Ki aliki fuli o Iselaele ; Kua tuku latou ki le seleta mo loku kakai : Koia ke ke pa ki lou tega !

Esekiele 24:13

Selusalemi, kua ke kelekele o tupu ko au aga fakalialia fuli. Na kau loto ke fakamea a koe, kae na leaise ke tuku ke fakamea a koe. Koia e leaise feala loa ke ke liliu o mea, o kaku ki laku liligi kiate koe loku sausau katoa.

Esekiele 24:8

Koia na kau liligi ai lona toto i aluga o le utu, i le ganea leia e leaise mafai ke tanumia ai, o tupu ke tupu ai loku sausau, ti ke kau tautea a ia.

Esekiele 44:7

Talie kua kotou fakaulu ki loto o loku sagatualio ni kau matapule lee silikosisio i le loto ti lee silikosisio i le kanofi, ke kelekele ai loku fale ; ti kua kotou momoli laku pane, le gako mo le toto, ki akoutou nea fakalialia fuli, ti kua kotou motusi laku sai.

Esekiele 6:12

Ko leia e nofo mamao loa e mate loa i le masaki veli, Ko leia e nofo ofi loa e mate loa i le seleta, Ko leia e toe loa ti e nofo loa i le kolo e mate loa i le oge. E kau fakamakona loa i ai loku sausau lasi kia latou.

Esekiele 8:18

Ko au foki, e kau gaoi loa o mulimuli ki loku sausau ; e leaise toe aloalofa loa loku mata, ti e leaise kau toe maua loa se manava alofa ; ka lotou tagi leo lasi loa ki oku taliga, e leaise kau fakalogo loa kia latou.

Levitiko 26:28

e kau toe soko atu aifai laku fakatutuu makeke kia koutou, ti e kau toe liuga loa kia koutou o tua fitu le tautea o lakoutou agasala.

Levitiko 26:41

e lotou matala loa i ai na kau fakatutuu kia latou ti na kau ave ia loa latou o fakapopulai i fenua o latou fili. E lotou fakasemala loa ki alatou agatuu ti e lotou tali loa le tautea o alatou agasala.

Amosi 5:6

Kotou afa le Eteleno, ti e kotou mauli loa ! Kotou i na too e ia ofaipe se afi le fale o Sosefo, Ti na kai a ia e le afi lena, kae leai se tasi i Petele ke tamate ia le afi !

Sofoni 2:2

I mua o le fakasoko o le fakatotonu, Ti mo le fakalaka o le aso aia ofaipe le penui fulumeto, I mua o le vilo o le sausau kaka o le Eteleno kia koutou, I mua o le vilo o le aso o le sausau o le Eteleno kia koutou !

Loma 2:25

E aoga le silikosisio mo kapau e ke fai le lao, kae kapau e ke maumaui le lao, e leaise uiga o lou silikosisio.

Tetelonome 10:16

Koia, ke kotou silikosisio ai okoutou loto, ti ke aua na kotou toe fakafefeka okoutou ua.

Tetelonome 30:6

E silikosisio loa e le Eteleno, lou Atua, lou loto mo le loto o lou sakoga, o tupu ke ke alofa loa ki le Eteleno, lou Atua, i lou loto katoa mo lou laumalie katoa, o tupu ke ke mauli ai loa.

Tetelonome 32:22

Talie kua tutu le afi o loku sausau, Ti e mu loa a ia o kaku ki le tafito o le nofoaga o le kau mate ; E tutu loa e ia le kele mo ona nea fuli, E tutu loa e ia a tafito o mauga.

Kolose 2:11

Ti kua silikosisio foki koutou iate ia ki se silikosisio leia na leaise fai e le lima o tagata, kae ki le silikosisio a Kilisito, leia ko le fakamativa o le tino fakakanofi :