Selemia 4:31 - Tosi Tapu

³¹ Talie e kau logo ki ni tagi ofaipe ni tagi i le mamae a se fafine e lolotoga gaoi, Ni tagi o le mamae ofaipe se uluaki fanau. Ko le leo o le taine o Sione ; e tukumanava a ia, e siki e ia ona lima, O pati : Malaia kiate au ! E gaegae loku laumalie o tupu ko le kau tukipo !

Selemia 4:31 ပူးပေါင်းရင်းမြစ်များ

Senesi 27:46

Na pati loa Lepeka kia Isaake : Kua kau fakalialia ki le mauli o tupu ko oku fugao, a taineliki o Eti. Kapau e toe avaga loa Sakopo mo se taine o Eti, ofaipe laua anei, kolea loa le uiga o le mauli kiate au ?

Sopo 10:1

Kua fakalialia loku laumalie ki le mauli ! E leaise kau toe tataofi loa aku lauga, E kau masau loa i le mamae o loku loto.

Pesalemo 120:5

Malaia kiate au mo ka kau nofo i Meseke, mo ka kau nofo i falela o Ketale !

Esaia 1:15

Ka kotou falo mai okoutou lima, e kau fulusi kese oku mata ia koutou ; Ka kotou liuliuga a faikole, e leaise kau fakalogo atu kia koutou : E apele okoutou lima i le toto.

Esaia 13:8

Kua maua latou e le i ; Kua kaku kia latou le sosa mo le mamae ; Kua lotou mapelu ki lalo ofaipe se fafine e fanau ; Kua lotou fetioaki fakapunamauli, Ti kua fai olatou mata pe le ula o le afi.

Esaia 21:3

Koia kua kau logoi ai le mamae o oku vakavaka. Kua kau maua e ni mamae, Ofaipe ni mamae o se fafine leia kua laga lona ganea. Ku leaise koi logo oku taliga, o tupu ko le tautau laga o oku mamae, Ti e leaise koi tio oku mata i loku lulu.

Esaia 26:17

Ofaipe se fafine tinae, ka fanau, E mapelu ti e kalaga i lona mamae, Na motou fenaaki foki i le aso leia na motou mamao ai i ou mata, ei Eteleno !

Esaia 42:14

Na kau fakalologo o fualoa, Na kau fakaleemu, na kau taofi au ; E kau kalaga loa ofaipe se fafine e fanau, E kau tukumanava sosaa loa, ti e kau fakaselasela loa.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Selemia 10:19

Malaia kiate au ! kua kau fatifati ! E mamae loku lavea ! Kae e kau pati : ko malaia leia e soko mai kiate au, E kau ma kataki loa a ia !

Selemia 13:21

Kolea loa lau pati ki lou tautea e ia ? Ko koe totonu leia na ako ia latou ke liliu ko ou pule. Pe leaise maua fakafokifa loa a koe e mamae Ofaipe mamae o se fafine fanau ?

Selemia 14:18

Kapau e kau ano ki faisaga, ko leinei ni tagata na tamate e le seleta ; Kapau e kau ulu ki le kolo, ko leinei ni kakai na mate i le oge ! E ano le polofeta mo le tagata faisakilifisio i le fenua katoa, Kae e leaise lotou iloa pe ano kifea.

Selemia 15:18

Kolea e fai sosoko ai loku mamae ? Kolea e mamae ai loku lavea, ti e leaise loto ai ke mafo ? Pe kua ke fai kiate au pe se matapuna kaka, Pe se liua leia e leaise iloa papau pe i ai se vai pe leai ?

Selemia 18:21

Koia, tuku alatou fanau ki le oge, Tamate latou ki le seleta ; Ke sala fanau alatou avaga, ti ke lotou liliu o lokonui, Ti ke mamate olatou tagata i le taumasaki veli ; Ke taai olatou tagata tupulaga e le seleta i le tau !

Selemia 22:23

A koe leia e nofo i aluga o le Lipane, Leia kua fau lou ofaga i sete, E ke tagi mamae loa mo ka kaku atu loa kiate koe a mamae, Io, a mamae ofaipe la o se fafine fanau !

Selemia 30:6

Kotou afaafa, ti kotou tio pe kua fanau se tagata ! Kolea e kau tio ai ki tagata fuli e too ona lima ki lona vakavaka, Ofaipe se fafine e fanau ? Kolea kua fakalaulautetea ai a mata fuli ?

Selemia 45:2

E folafola le Eteleno, le Atua o Iselaele, kiate koe, Paluke :

Selemia 48:41

Kua too Kelisoti, Kua too e le fili a kolo tau, Ti kua fai a mafu o tagata toa o Moape i le aso lena Pe le mafu o le fafine e fanau.

Selemia 49:22

Ko leinei, ofaipe le akuila leia e au, e lele a ia, E folasi e ia ona kapakau ki Potesela, Ti ko le mafu o toa o Etome i le aso lena E faipe le mafu o se fafine leia e fanau.

Selemia 49:24

Kua gaegae Tamaso, e maliu a ia ke sola, Talie kua kaku le i kiate ia ; Kua maua a ia e le i mo mamae Ofaipe se fafine leia e fanau.

Selemia 50:43

Kua maua e le sau o Papilone le logo, Ti kua lulu ona lima, Kua kaku le i kiate ia, Ofaipe le mamae o se fafine e fanau…

Selemia 6:2

Taine fulumalie mo fakaeteete, E kau maumaui loa a koe, taine o Sione !

Tagi laulau a Selemia 1:17

Na folasi e Sione ona lima, Kae na leaise fakapelepele a ia e se tasi ; Na kakau e le Eteleno kia Sakopo a fili i ona tafatafa ; Na fai Selusalemi pe se nea fakalialia i loto malie o latou.

Tagi laulau a Selemia 1:20

Eteleno, tio mai ki loku mamae ! kua pula oku tootooga, Kua mafuli loku mafu iate au, Talie na kau agatuu lasi kiate koe. I fafo e fai e le seleta ana maumau, i loto ko le mate.

Tagi laulau a Selemia 2:21

Kua momoe a toe mo matua i le kele i ala ; Kua mamate oku taineliki taupoou mo oku tama tupulaga i le seleta ; Na ke tamate, i le aso o lou sausau, Na ke tamate sala alofa.

Oseo 13:13

E soko loa kiate ia a mamae o le fafine leia e fanau ; Ko se toe valea a ia, Leia e leaise vilo i le manava o le tinana i le temi na tonu ke fanaui ai a ia.

Mikea 4:10

Taine o Sione, mamae mo tagi ofaipe se fafine leia e fanau ! Talie i le aso nei e ke mavae loa i le kolo, ti e ke nofo loa i faisaga, Ti e ke ano loa o kaku ki Papilone ; I lena e saofaki loa a koe, Ko lena e totogi ai loa a koe e le Eteleno i le lima o ou fili.

Mikea 4:9

Kolea e ke kalaga ai i le temi nei ? Kolea e ke mapelu ai i le mamae, ofaipe se fafine leia e fanau ? Pe leaise koi ke maua se sau, pe ko se tokoi ?

Mikea 7:1

Malaia kiate au ! talie kua kau fai pe se tagata leia e ano o afa ni fuai laakau i le oki o le tau kai, Leia e ano o afa ni fui vite i le oki o le tau o le vite : E leaise maua e ia se fui vite ke kai, pe ko se fa fiki suamalie leia e manako ki ai lona laumalie.

Mateo 21:5

Pati ki le taine o Sione : Ko leinei, e au lou sau kiate koe, Apele i le agamalu, ti e eke i se asino, I se uviki asino, le uviki o se asino fafine.

Uluaki tosi ki le kau Kolinto 9:16

Kapau e kau fakasa le Evaselio, e leaise tonu ke kau fakakololia i ai, talie kua tuku mai a ia kiate au, ti e malaia kiate au mo kapau e leaise kau fakasa le Evaselio !

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.