Selemia 4:30 - Tosi Tapu

³⁰ Ti ko koe, leia na maumaui, kolea loa ka ke fai ? E ke teu kula loa, e ke tui loa ni nea fakateuteu aulo, E ke pena loa ou mata ki vali ; Kae e leaise aoga fua o lou fakafulumalie, Talie e vesia au feauaki kiate koe, E lotou loto ki lou mauli.

Selemia 4:30 ပူးပေါင်းရင်းမြစ်များ

Lua tosi o Sau 9:30

Na ulu loa a Seu ki Siseleele. I le logo loa a Sesapele ki le nea lena, na pena loa e ia ona mata mo teuteui loa e ia lona fa ulu, ti na tuu loa a ia o tio mei le katupa.

Taagapati 6:25

Aua na ke manumanu i lou loto ki lona fulumalie, Ti aua na ke tuku ke sese lou loto i ona laumata.

Taagapati 7:10

Ti ko leinei, na fakafetaulaki mai kiate ia se fafine, Leia na kofu ofaipe se fafine faiaga ti na nofo mo le kaka i le loto.

Esaia 10:3

Kolea ka kotou fai loa i le aso o le tautea Ti mo le maumau leia ka vilo loa kia koutou mei se fenua mamao ? Ko ai leia ka kotou sosola loa ki ai, ke tokoi atu kia koutou, Ti kofea ka kotou tuku ai loa lokoutou kololia ?

Esaia 20:6

Ti e pati loa le kakai o le potu tai lena i le aso lena : Ko le ikuaga loa leinei o atatou amanaki malie ! Na tou fanaki ke tokoi mai a ia kia tatou, ke saofaki e ia tatou mei le sau o Asilia ! Ti e feaki loa lotatou sao ?

Esaia 33:14

Kua i le kau agasala i Sione, Kua maua e se lulu le kau agatuu ki le Atua : Ko ai leia ia tatou e mafai ke nofo i se afi kaka ? Ko ai leia ia tatou e mafai ke nofo i ni ulaula lee gato ?

Selemia 13:21

Kolea loa lau pati ki lou tautea e ia ? Ko koe totonu leia na ako ia latou ke liliu ko ou pule. Pe leaise maua fakafokifa loa a koe e mamae Ofaipe mamae o se fafine fanau ?

Selemia 22:23

A koe leia e nofo i aluga o le Lipane, Leia kua fau lou ofaga i sete, E ke tagi mamae loa mo ka kaku atu loa kiate koe a mamae, Io, a mamae ofaipe la o se fafine fanau !

Selemia 30:14

Kua galoi a koe e latou fuli ala na alofa kiate koe, E leaise tasi fua koi afa kiate koe ; Talie kua kau taai a koe ofaipe se fili, Io, kua kau tautea fakamakeke a koe, O tupu ko le lasi o au agaveveli, O tupu ko le mauke o au agasala.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Tagi laulau a Selemia 1:19

Na kau kalagai oku kaukau nea, ti na lotou kakaai au. Na tukumanava fakaoki aku tagata faisakilifisio mo aku kau matua i le kolo : Na lotou afa se nea kai, Ke toe fakamakeke ai lolatou mauli.

Tagi laulau a Selemia 1:2

E tagi a ia i le pouli, Ti kua apele ona kalaafau i loimata ; E leaise tasi e fakapelepele ia a ia ia latou fuli ala na alofa kiate ia ; Kua agatuu ona kaukau nea fuli kiate ia, Kua lotou liliu ko ona fili.

Tagi laulau a Selemia 4:17

E soko atu le gaegae o omatou mata, Ti e motou talitali noa ki se tokoi. Na amanaki malie omatou mata Ki se puleaga leia na leaise saofaki ia matou.

Esekiele 28:13

Na ke nofo i Eteni, i le oloto o le Atua ; Na kofu a koe ki fatu mauiga fuli, Ki le saletuane, mo le topasi, mo le taimane, Ki le kilisolite, mo le onise, mo le sasepe, Ki le safile, mo le kelenate, mo le emelote ti mo le aulo : I le aso leia na fakatupu ai a koe, Na ke teu ki ni nea fakateuteu mauiga.

Esekiele 28:9

Pe ke pati loa i mua o le tagata leia e tamate ia loa a koe : E kau Atua ? E ke tagata loa kae e leaise ke Atua, I le lima o leia e tamate ia loa a koe.

Apetiasi 1:7

Kua kapu a koe e latou fuli ala na kau mo koe o kaku ki le koiga, Kua kakaai a koe e ou kaukaunea, ti kua lotou pule kiate koe, Ko latou ala na kai ia lau pane kua fakatuu ia ni masele kiate koe, Kae na leaise ke tio ki se nea !

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;

Apokalipisi 17:13

Ti e lotou loto tasi loa, ke lotou soli olatou makeke mo olatou pule ki le manu fekai.

Apokalipisi 17:2

Na fai feauaki a ia mo sau o le malama nei, ti na kona le kakai o le malama nei i le vino o lana fai feauaki.

Apokalipisi 17:4

Ti na kofu le fafine lena ki ni kofu kula fakapouli mo kula malama, ti na teuteu a ia ki le aulo, mo fatu mauiga, ti mo fuai kasoa. Ti na too e ia i lona lima se ipu aulo, kua apele i nea fakalialia mo kelekele o lana fai feauaki.