Selemia 4:27 - Tosi Tapu

²⁷ Talie e folafola le Eteleno, o pati : E maumaui loa le fenua katoa ; Kae e leaise kau fai loa se maumau katoa.

Selemia 4:27 ပူးပေါင်းရင်းမြစ်များ

Lua tosi o Koloniko 36:21

o tupu ke fakasoko le folafola a le Eteleno leia na fakasa e le polofeta ko Selemia ; E tiaki loa le fenua i fetuu e kau fitu, o kaku ki le oki o lona temi malolo, ke fetogi ai a fetuu malolo ala na leaise taupau.

Neemia 9:31

Kae i lou manava alofa lasi, na leaise ke pulii latou, na leaise ke tiaki oki latou, talie ko koe ko se Atua agamalie mo manava alofa.

Esaia 17:6

E toe loa se ganea ke taetaega, ofaipe le oki leia o le lulu o se olive, Lua, tolu fa olive, i le tumutumu, Fa, lima, i ona laa ala na fua.

Esaia 24:1

Ko leinei, kua maumaui e le Eteleno le fenua, o fakaliliu a ia ko se toafa ; Kua fakamaveuveu e ia le malama nei, ti kua fakamavetevete e ia lona kakai.

Selemia 18:16

Kua lotou fakaliliu lolatou fenua ko se nea fakaaloalofa, ko se nea fakagologolo ; Ko latou fuli ala e fakalaka i ai e punamauli ti e lu olatou ulu.

Selemia 25:11

E liliu loa le fenua katoa leinei ko se kele maumau, mo se toafa, ti e popula loa a puleaga ana ki le sau o Papilone i fetuu e kau fitu.

Selemia 30:11

Talie kau nofo mo koe, e pati le Eteleno, o saofaki a koe ; E kau fakapuli loa a puleaga fuli ala na kau fakamavetevete a koe ki ai, Kae ko koe, e leaise kau fakapuli loa a koe ; E kau tautea loa a koe i le faitotonu, Talie e leaise mafai ke kau tuku a koe sala tautea.

Selemia 4:20

E fakasa le malaia ki le malaia, Talie kua maumaui le fenua katoa ; Kua maumaui fakafokifa oku falela, Mo oku puipui i se temi e tasi.

Selemia 4:7

E sopo le laione mei lona ulu vao, Ko leia e maumau ia a atu puleaga e saele, kua mavae a ia i lona nofoaga, Ke maumaui lou fenua. E maumaui loa ou kolo, e leaise toe nofo loa se tasi i ai.

Selemia 44:6

Ti na kau liligi loa loku sausau mo loku mafaia, ti na tutu loa a kolo o Suta, mo ala o Selusalemi, ala kua liliu ko ni kolo maumau ata ti ko se toafa, ofaipe le nea e tio ki ai i le aso nei.

Selemia 46:28

Ko koe, laku tagata fakasausau ko Sakopo, aua na ke i ! e pati le Eteleno ; Talie e kau nofo mo koe. E kau fakapuli loa a atu puleaga fuli ala na kau fakamavetevete a koe ki ai, Kae ko koe, e leaise kau fakapuli loa a koe ; E kau tautea loa a koe i le faitotonu, Talie leaise mafai ke kau tuku a koe sala tautea.

Selemia 5:10

Kotou kava ki ona paa, ti kotou soloi, Kae aua na kotou maumaui katoa ! Kotou tatai ona tafito vite Ala e leaise kau ki le Eteleno !

Selemia 5:18

Kae i aso ana, e pati le Eteleno, E leaise kau maumaui fuli loa koutou.

Selemia 7:34

E kau fakagato loa i kolo o Suta ti mo ala o Selusalemi A kalaga fakafiafia, mo kalaga nekenekea, A sua a le tama feauaki ti mo sua a le taine feauaki ; Talie e liliu loa le fenua ko se toafa.

Selemia 9:11

Io, e kau fakaliliu loa Selusalemi ko se kolo maumau, ko se mumuniaga o kuli vao, Ti e kau fakaliliu loa a kolo o Suta ko se toafa lavaki.

Tagi laulau a Selemia 2:7

Na vesia le Aliki ki lona aletale, na tiaki e ia lona sagatualio, Na tuku e ia ki lima o le fili a paa o fale fakaalialiki o Sione ; Na gugulu ni kalaga i le fale o le Eteleno Ofaipe se aso lasi.

Esekiele 11:13

Koi kau lolotoga kikite, kae mate loa Pelatia, vosa o Penasa. Na kau fakasiga loa ki oku mata, ti na kau tagi leo lasi : Ei Aliki Eteleno, pe ke fakapuli loa le nea leia e toe i Iselaele ?

Esekiele 20:17

Kae na logo ai le nea lena, na mamae loa loku mata kia latou, ti na leaise kau maumaui loa latou, ti na leaise kau fakapuli loa latou i le toafa.

Esekiele 33:28

E kau fakaliliu loa le fenua o toafa ; ti e kau fakagato loa lona fia taualuga i lona makeke, ti e tuu noa loa a mauga o Iselaele, talie e leaise toe fakalaka loa i ai se tasi.

Esekiele 6:14

E kau siki loa loku lima kia latou, Ti e kau fakaliliu loa le fenua ke toe lavaki ake mo malo ake I le toafa o Tipela, I ganea fuli ala e lotou nonofo ai. Ti e lotou iloa loa ko au ko le Eteleno.

Levitiko 26:31

E kau fakaliliu loa okoutou kolo o toafa, ti e kau maumaui loa okoutou fale tapu, o tupu ke aua na kau toe sauga ki le manogi malie o okoutou kaloni.

Levitiko 26:44

Kae, kapau e lotou nonofo loa i le fenua o olatou fili, e leaise kau tiaki oki loa latou, ti e leaise kau vesia oki loa kia latou o kaku ki laku fakapuli oki loa latou, o kaku ki laku tuuti oki loa laku sai kia latou ; talie ko au ko le Eteleno, ko lolatou Atua.

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.