Selemia 4:24 - Tosi Tapu

²⁴ E kau tio ki atu mauga, ti ko leinei, kua lotou lulu ; Ti kua sisiga a mauga liliki fuli.

Selemia 4:24 ပူးပေါင်းရင်းမြစ်များ

Uluaki tosi o Sau 19:11

Na pati loa le Eteleno : Ulu ki fafo, ti ke tuu i le mauga i mua o le Eteleno ! Ti ko leinei na saele mai loa le Eteleno. Ti na i ai loa i mua o le Eteleno se matagi makeke leia na fakamafaafaa ia a mauga ti mo fakamomoliki ia a utu : na leaise nofo le Eteleno i le matagi. Ti na oki loa le matagi, na to loa se mafuike : na leaise nofo le Eteleno i le mafuike.

Pesalemo 18:7

I loku mamae na kau fetapa ki le Eteleno, na kau tagi ki loku Atua : Mei lona fale sau, na logo a ia ki loku leo, Ti na kaku laku tagi ki ona mua, ki ona taliga.

Pesalemo 77:18

Na liligi loa e ao ni ua lalasi, Na gugulu loa le mana i ao, Ti na mafitifiti loa au gasau i potu fuli.

Pesalemo 97:4

E fakamalama e ona uila le malama nei, E tio le malama nei ki ai ti e lulu ;

Ekesote 19:18

Na afu katoa loa le mauga o Sinai, talie na ifo loa le Eteleno ki ai i loto malie o se afi ; na malaga ake le afu lena ki aluga ofaipe se afu o se gutuumu kaka, ti na galulu le mauga katoa.

Esaia 13:13

Koia e kau luui loa le lagi, Ti e galulu loa le kele i lona fakatafito I le sausau o le Eteleno o kau tau, I le aso o lona sausau.

Esaia 24:20

Kua matuletule le malama nei ofaipe se tagata kona, Kua matule a ia ofaipe se fale pola ; Kua taomi a ia e lana agasala, Kua siga a ia ki lalo, Ti e leaise toe tuu ake a ia ki aluga.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Selemia 10:10

Kae ko le Eteleno ko le Atua maoki, Ko ia ko se Atua mauli ti ko se sau lee gato ; E galulu le malama nei i mua o lona sausau, Ti e leaise ma tatali e atu puleaga lona sausau.

Selemia 8:16

E logo mai le tagi o osi mei le fetuu o Tane, Ti e galulu le kele katoa i le logoa o olatou tagi ; E lotou au, e lotou kai le fenua ti mo nea fuli e maua i ai, Le kolo ti mo latou e nonofo i ai.

Selemia 9:10

E kau fia tagi mo tagi laulau o tupu ko atu mauga, E kau fia tagi laulau o tupu ko nofoaga o le toafa ; Talie kua vela, ti e leaise koi fakalaka se tasi i ai, E leaise koi logo i ai ki le tagi o kau manu ; Kua sosola a manu lele o le lagi mo manu o le vao, kua lotou pupuli.

Esekiele 38:20

E lulu loa i oku mua a ika o le tai mo manu lele o le lagi, A manu o faisaga ti mo manu totolo fuli o le kele, Ti mo tagata fuli ala e mauli i aluga o le kele ; E sosolo loa a mauga ki lalo, E maluluku loa a utu fefeka ki lalo, Ti e sisiga loa ki le kele a kaua fuli.

Mikea 1:4

I ona vae e susua a mauga, E mafaafaa a vaivailiua, Ofaipe le silo i le afi, Ofaipe le vai leia e sali mei se mauga.

Apakuki 3:10

E lulu a mauga i lalatou tio kiate koe, E fakalofia e ua makeke le kele, E gugulu le moana loloto, E lagai e ia ona galu o kaku ki le lagi.

Apakuki 3:6

E tuu a ia, ti e fuafua e ia le malama nei ki lona mata ; E tio a ia, ti e fakalulu e ia a atu puleaga. E mavasivasi a mauga lalasi afea, E sosolo a mauga liliki afea, E mavaavaa a ala afea i ona mua.

Apokalipisi 6:14

Ti na puli loa le lagi ofaipe se tosi leia e takai ; ti na siki loa a mauga fuli mo motu fuli mei olatou tuuaga.