Selemia 4:22 - Tosi Tapu

²² Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Selemia 4:22 ပူးပေါင်းရင်းမြစ်များ

Senesi 39:16

Ti na tuku loa e le fafine le kofu o Sosefo i ona tafa, o kaku ki le ulu ake o lona pule ki fale.

Lua tosi a Samuele 13:3

Kae na i ai se kaukau nea o Amone leia na igoa ko Sonatape, vosa o Simea, taina o Tavite, ti ko se tagata kaka ai a Sonatape.

Pesalemo 36:3

Talie e fanaki valea a ia kiate ia totonu, Ke fagai ai lona agaveli Ke fakamakona ai lona vesia.

Pesalemo 36:4

Ko masau o lona gutu ko le loi mo le kaka ; E fakafiti a ia ki le poto mo le malie.

Pesalemo 53:4

Kua lotou sese fuli, kua lotou fakalialia fuli ; E leaise toka tasi e fai ia le malie, e leaise fa toka tasi fua.

Pesalemo 82:5

E leaise lotou maua le iloa mo le atamai, E lotou saele i le fakapouli ; Kua taugaoi a fakatafito fuli o le malama nei.

Taagapati 28:5

Ko tagata ala e fai ia le veli e leaise matala ki le nea leia e totonu ; Kae ko latou ala e afa ia le Eteleno e matala ki nea fuli.

Esaia 1:3

E iloa e le pipi lona pule, Ti mo le asino le fale manu o lona pule : Kae e leaise iloa e Iselaele se nea fua e tasi, E leaise maua fua e loku kakai sona ga atamai.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Selemia 13:23

Pe feala ke fetogi e se tagata Etiopia lona kili, Ti mo se leopale ona pulepule ? E tatau foki mo koutou, pe feala ke kotou fai le malie, Koutou ala kua masani i le fai o le veli ?

Selemia 2:8

Na leaise pati a tagata faisakilifisio : Kofea le Eteleno ? Ko latou ala na maua ia le lao na leaise iloa ia au, Na leaise agatonu le kau tausi ovi kiate au, Na faikikite le kau polofeta i le igoa o Paale, Ti na lotou mulimuli ia latou ala e leaise mafai ke tokoi kia latou.

Selemia 4:21

E kaku loa kiafea laku tio ki le manumanu tau, Ti mo laku logo ki le leo o le fakatagi pupusi ?

Selemia 5:21

Kotou fakalogo mai ki le nea leinei, kakai valea, kakai leia e leai sona mafu ! E lotou maua ni mata kae e leaise lotou tio fua, E lotou maua ni taliga kae e leaise lotou logo fua.

Selemia 5:4

Na kau pati : Ko toe liliki fai ana e fai fenaaki, Talie koi lotou valelea, ti e leaise lotou iloa le ala o le Eteleno, Le lao o lolatou Atua.

Selemia 9:2

Oi ! ka na kau maua i le toafa se falepola talifanoga, E kau tiaki loa loku kakai, e kau fakamamao loa i ai, Talie ko ni kau fai tono fuli latou, Ko ni kau kaka.

Selemia 9:3

E lotou maua le alelo kita ofaipe se kalolo ti e lotou fana le loi ; E leaise lotou makeke i le fenua o tupu ko le maoki ; Talie e lotou ano mei le agaveli ki le agaveli, Ti e leaise lotou iloa au, e pati le Eteleno.

Selemia 9:5

E lotou feloiaki pe se fakamanogi, Ti e leaise lotou masau fua i se temi i le maoki ; E lotou ako olatou alelo ki le loi, E lotou tokaga ata ki le fai o le veli.

Esekiele 16:30

Oiau ! Ki le lasi o le gaegae o lou loto, e pati le Aliki, le Eteleno, i lau aga o fai a nea fuli ana, ala ko le gaoi a se fafine pule i le faiaga.

Oseo 4:1

Kotou fakalogo ki le folafola a le Eteleno, fanau o Iselaele ! Talie e fakamaau e le Eteleno le kakai o le fenua, Talie kua puli le maoki, kua puli le manava alofa, Kua puli le iloa o le Atua i le fenua ;

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Oseo 5:4

Ko alatou gaoi e leaise fakataga ia kia latou ke toe liliu ki le Atua, Talie e nofo le laumalie o le faiaga i loto malie o latou, Talie e leaise lotou iloa le Eteleno.

Amosi 3:10

E leaise lotou iloa le fai o le nea leia e totonu, e pati le Eteleno, E lotou tanaki fakatuuga i olatou fale sau a fua o le agamakeke mo le kaia.

Mikea 2:1

Malaia kia latou ala e fakakaukau ia le agaveli mo teuteu ia le veli i olatou moeaga ! I le mafoata e lotou fai a ia, Mo ka e lotou maua ia le pule i olatou lima.

Mikea 7:3

Kua poto olatou lima i le fai o le veli : Kua fakamakeke e le aliki ni nea alofa, Kua fakamaua e le tui fakamaau se totogi, Kua fakasa e le tagata lasi lona manumanu, Ti kua lotou kau fakatasi fuli latou ana.

Luka 16:8

Na vikiviki loa e le pule le tagata taupau koloa lee agatonu lena, i lona poto i le fai o ni puleaki kaka. Talie e poto ake a fanau o le sekulo leinei i le fai koloa mo olatou tautagata i fanau o le malama.

Soane 16:3

Ti e lotou fai loa a nea ana kia koutou, talie na leaise lotou iloa le Tamana, pe ko au.

Loma 1:22

I lalatou pati e lotou poto, kua lotou liliu o valea ;

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Loma 16:19

Kia koutou, kua iloa lakoutou fakalogo e tagata fuli. Koia e kau fiafia ai o uiga mo koutou, kae e kau loto ke kotou fakapotopoto i le nea e malie, ti ke kotou mea i le nea e veli.

Loma 3:11

E leai se tasi fua e poto, Eleai se tasi fua e afa ia le Atua ; Kua lotou sese fuli, kua lotou fakalialia fuli ;

Uluaki tosi ki le kau Kolinto 14:20

Fetaina, aua na kotou fakatoe i le potu o le fakamaau ; kae kotou faipe ni toe liliki i le potu o le agaveli, ti kotou faipe ni tagata kua katoa i potu o le fakakaukau.

Tetelonome 32:28

Talie ko Iselaele ko se puleaga leia e sese o tupu ko lona loto, E leaise maua ia latou se atamai.

Tetelonome 32:6

Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?