Selemia 4:21 - Tosi Tapu

²¹ E kaku loa kiafea laku tio ki le manumanu tau, Ti mo laku logo ki le leo o le fakatagi pupusi ?

Selemia 4:21 ပူးပေါင်းရင်းမြစ်များ

Lua tosi o Koloniko 35:25

Na fai loa e Selemia se lau mate o Sosiasi ; na masau a tagata sua fuli mo fafine sua fuli kia Sosiasi i alatou sua o kaku mai ki le aso nei, ti na lotou fakatuu loa a ia ko se agai fenua i Iselaele. Kua tosi a sua ana i tosi o tagi laulau.

Lua tosi o Koloniko 36:10

I leia ake fetuu, na ave loa a ia e le sau ko Nepukatenesale ki Papilone mo nea gaoi mauiga o le fale tapu o le Eteleno. Ti na fakanofo loa e ia ke sau i Suta mo Selusalemi a Setesiasi, taina o Sosakini.

Lua tosi o Koloniko 36:17

Koia na aumai ai loa e le Eteleno kia latou le sau o le kau Kaletea, ti na tamate loa e ia ki le seleta o lotou kau tupulaga i le fale o lolatou sagatualio ; na leaise fakasao fua e ia se tama pe ko se taine, se tagata atuatu pe ko se matua sina ; na tuku loa e ia a nea fuli ki ona lima.

Lua tosi o Koloniko 36:3

Na fakaifo loa a ia e le sau o Esipito i Selusalemi, ti na teki loa e ia ki le fenua se tua ko fa tenalio paaga e kau lelau mo le fa tenalio aulo e tasi.

Selemia 4:19

Oi loku manava, oi loku manava ! E kau mamae i loku mafu. Kua ta vave loku mafu, e leaise koi mafai laku fakalologo ; O tupu kua ke logo, ei loku laumalie, ki le pupusi o le fakatagi, Ki le kalaga o le tau.

Selemia 4:20

E fakasa le malaia ki le malaia, Talie kua maumaui le fenua katoa ; Kua maumaui fakafokifa oku falela, Mo oku puipui i se temi e tasi.

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Selemia 42:14

Ti kapau e kotou pati loa : E leaise motou nonofo loa i le fenua leinei, kae motou ano loa ki le fenua o Esipito, leia e leaise motou tio ai loa ki se tau, leia e leaise motou logo ai loa ki le pupusi o le fakatagi pupusi, leia e motou maua tuumau ai loa le pane, ti ko le ganea lena e motou nonofo ai loa,

Selemia 6:1

Kotou sosola, fanau o Pesamino, i loto malie o Selusalemi, Kotou pupusi le fakatagi pupusi i Tekoa, Kotou toso se manumanu i Pete-Akelemi ! Talie kua sa mei le potu noleto se malaia, Ti mo se maumau lasi.