Selemia 4:20 - Tosi Tapu

²⁰ E fakasa le malaia ki le malaia, Talie kua maumaui le fenua katoa ; Kua maumaui fakafokifa oku falela, Mo oku puipui i se temi e tasi.

Selemia 4:20 ပူးပေါင်းရင်းမြစ်များ

Pesalemo 42:7

E mamae loku laumalie i loku loto : Koia e kau manatu ai kiate koe, mei le fenua o Solotane, Mei le mauga o Elemoni, mei le mauga o Miseale.

Pesalemo 72:19

Ke fakafetai ki lona suafa fakakololia o lee gato ! Ke apele le malama nei katoa i lona kololia ! Amene ! Amene !

Ekesote 33:5

Ti na pati loa le Eteleno kia Moisese : Pati ki fanau a Iselaele : Ko se kakai ua fefeka koutou ; kapau e kau ano i se ga temi ikiiki fua i loto malie o koutou, e kau fakapuli loa koutou. Koia ke kotou tatala ai okoutou nea fakateuteu, ti e kau tio loa pe kolea le nea leia e kau fai loa kia koutou.

Esaia 13:6

Kotou fetagisi, talie kua ofi mai le aso o le Eteleno : Kua au a ia ofaipe se maumau mei le Mafimafi.

Esaia 15:5

Kua tagi foki loku loto ki Moape, Leia kua sosola lona kakai o kaku ki Tesoale, mo Ekalate-Selisisa ; Talie kua lotou pale fetagisi ki Lukite, Ti kua lotou taukalaga i le mamae i le ala o Kolonaimi.

Esaia 33:20

Tio ki Sione, le kolo o otatou aso lalasi ! E tio loa ou mata ki Selusalemi, nofoaga fimalie, Falela leia e leaise toe siki loa, Leia e leaise toe too loa ona pou i se aso, Ti e leaise toe tatala loa ona maea.

Esaia 47:9

Ko nea ana e lua e soko fakapunamauli loa kiate koe, i le aso e tasi, Lau nofo sala fanau ti mo lau nofo lokonui ; E la vilo fakaagatonu loa kiate koe, Logo ai le mauke o au puleaki fakatemonio fuli, Logo ai le lasi o au fakalaulaakau.

Esaia 54:2

Fakalasi lou falela ; Folasi a puipui o lou nofoaga : Aua na ke tataofi ! Fakaloloa ou maea, Ti fakamakeke ou pou !

Selemia 12:11

E lotou fakaliliu a ia ko se toafa ; E mamae a ia, e tagi a ia i oku mua. Kua maumau le fenua katoa, Talie e leaise tokaga se tasi ki ai.

Selemia 17:18

Ke luma latou ala e fakaveliveli mai kiate au, kae ke aua na kau luma ; Ke lotou lulu, kae ke aua na kau lulu, a au ! Tuku ke au kia latou le aso o le malaia, Taai latou ki se tautea o tua lua !

Selemia 4:21

E kaku loa kiafea laku tio ki le manumanu tau, Ti mo laku logo ki le leo o le fakatagi pupusi ?

Selemia 4:27

Talie e folafola le Eteleno, o pati : E maumaui loa le fenua katoa ; Kae e leaise kau fai loa se maumau katoa.

Selemia 4:6

Kotou toso se manumanu o fakaagaaga ki Sione ; Kotou sosola, aua na kotou toe tutuu ! Talie e kau kakau loa mei le potu noleto le malaia Ti mo se maumau lasi.

Selemia 9:18

Ke lotou fakatavili o sua mai kia tatou se tagi laulau ! Ti ke sali ni loimata mei omatou mata, Ke tafe se vai i omatou laumata !

Tagi laulau a Selemia 3:47

Ko lomatou vaega ko le i mo le popoko, Mo le kaia mo le maumau.

Esekiele 14:21

Io, e folafola le Aliki, le Eteleno : E logo ai na kau tuku ki Selusalemi aku tautea fakaii e fa, ko le seleta, mo le oge, mo manu fekai, mo le taumasaki, ke tuuti i ai a tagata mo manu,

Soele 1:15

Oi, se aso fakaii ! Talie kua ofi mai le aso o le Eteleno : E au a ia ofaipe se maumau mei le Mafimafi.

Levitiko 26:18

Ti kapau e logo ai le nea lena, e leaise kotou fakalogo aifai kiate au, e kau toe liuga loa o tua fitu le tautea o lakoutou agasala.

Levitiko 26:21

Ti kapau e kotou fakatutuu aifai kiate au, ti kapau e leaise kotou fia fakalogo aifai kiate au, e kau toe liuga loa kia koutou o tua fitu le tautea o lakoutou agasala.

Levitiko 26:24

e kau toe soko atu loa laku fakatutuu kia koutou, ti e kau toe liuga loa kia koutou o tua fitu le tautea o lakoutou agasala.

Levitiko 26:28

e kau toe soko atu aifai laku fakatutuu makeke kia koutou, ti e kau toe liuga loa kia koutou o tua fitu le tautea o lakoutou agasala.

Apakuki 3:7

E kau tio kua nonofo i le mamae a falela o Etiopia, Ti kua nonofo i le i a falela o le fenua o Matiane.

Numelo 16:21

Kolua mavae kese i le fakatasi leinei, ti e kau tamate loa a ia i se temi e tasi.

Numelo 16:45

Ke kolua fakamamao mei le fakatasi lena, ti e kau tamate loa latou i se temi e tasi. Na la fakapulou loa ki le kele ;

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Lua tosi ki le kau Tesalonika 1:9

E tautea loa latou ki se maumau lee gato, o mamao mei mata o le Aliki ti mo le kololia o lona makeke,