Selemia 4:19 - Tosi Tapu

¹⁹ Oi loku manava, oi loku manava ! E kau mamae i loku mafu. Kua ta vave loku mafu, e leaise koi mafai laku fakalologo ; O tupu kua ke logo, ei loku laumalie, ki le pupusi o le fakatagi, Ki le kalaga o le tau.

Selemia 4:19 ပူးပေါင်းရင်းမြစ်များ

Senesi 49:6

Ke aua na kau loku laumalie ki ala fono fakafufu. Ke aua na fakatasi loku laumalie ki ala fakatasiga, talie na la tamate ni tagata i lola ita, Ti na la tutuuti a vae o pipi i lola agaveli.

Lua tosi o Sau 4:19

Ti na pati loa le toe ki lona tamana : Loku fa ulu, loku fa ulu ! Na pati loa le tamana ki lana tagata fakasausau : Ave a ia ki lona tinana.

Lua tosi o Sau 8:11

Na tio fakamate loa le tagata a le Atua kia Asaele o fualoa ai, ti na tagi loa a ia.

Pesalemo 103:1

A Tavite. Loku laumalie, fakafetai ki le Eteleno ! Ko nea fuli iate au, ke fakafetai ki lona suafa maokioki !

Pesalemo 116:7

Loku laumalie, toe liliu ki lou maloloaga, Talie na fai e le Eteleno kiate koe se nea malie.

Pesalemo 119:136

E liligi e oku mata ni vaitafe, Talie e leaise tausi fua lau lao.

Pesalemo 119:53

E kau maua e se itaita veli i le tio ki le kau agaveli, Ala e tiaki ia lau lao.

Pesalemo 146:1

Kotou fakafetai ki le Eteleno ! Loku laumalie, fakafetai ki le Eteleno !

Pesalemo 16:2

E kau pati ki le Eteleno : Ko loku Aliki a koe, Ko loku koloa lasi a koe !

Esaia 15:5

Kua tagi foki loku loto ki Moape, Leia kua sosola lona kakai o kaku ki Tesoale, mo Ekalate-Selisisa ; Talie kua lotou pale fetagisi ki Lukite, Ti kua lotou taukalaga i le mamae i le ala o Kolonaimi.

Esaia 16:11

Koia kua tagi ai oku tootooga ki Moape, ofaipe se alepe, Ti mo loku mafu ki Kile-Alesi.

Esaia 21:3

Koia kua kau logoi ai le mamae o oku vakavaka. Kua kau maua e ni mamae, Ofaipe ni mamae o se fafine leia kua laga lona ganea. Ku leaise koi logo oku taliga, o tupu ko le tautau laga o oku mamae, Ti e leaise koi tio oku mata i loku lulu.

Esaia 21:4

Kua gaegae loku loto, Ti kua kau lulu i loku i ; Kua liliu le pouli o oku fiafia ko se pouli fakaii.

Esaia 22:4

Koia e kau pati ai : Kotou ave kese okoutou mata iate au, Kotou tuku au ke tagi i loku mamae ! Aua na kotou afa ke fakapelepele au I le maumaui o le taine o loku kakai.

Selemia 13:17

Kapau e leaise kotou fakalogo, E kau tagi fakafufu loa, o tupu ko lokoutou fia nealasi ; E tafe loa a loimata i oku mata, Talie e ave popula loa le kau manu a le Eteleno.

Selemia 20:9

Kapau e kau pati : E leaise kau toe masau loa kiate ia, E leaise kau toe masau loa i lona suafa, E i ai i loku loto ofaipe se afi kaka, Leia e nofo i oku ivi. E kau faiga ke taofi a ia, kae e leaise kau mafai a ia.

Selemia 23:9

Ki le kau polofeta. Kua fatifati loku loto iate au, Ti kua lulu oku ivi fuli. Kua kau faipe se tagata kona, Pe se tagata kua kona i se vino, O tupu ko le Eteleno, o tupu ko ana folafola maokioki.

Selemia 4:21

E kaku loa kiafea laku tio ki le manumanu tau, Ti mo laku logo ki le leo o le fakatagi pupusi ?

Selemia 4:5

Kotou fakasa i Suta, kotou kalaga i Selusalemi, Ti kotou pati : Kotou pupusi le fakatagi pupusi i le fenua ! Kotou kalaga i le makeke katoa, ti kotou pati : Kotou fakamaopo mai, ti ke tou ano ki kolo tau !

Selemia 42:14

Ti kapau e kotou pati loa : E leaise motou nonofo loa i le fenua leinei, kae motou ano loa ki le fenua o Esipito, leia e leaise motou tio ai loa ki se tau, leia e leaise motou logo ai loa ki le pupusi o le fakatagi pupusi, leia e motou maua tuumau ai loa le pane, ti ko le ganea lena e motou nonofo ai loa,

Selemia 49:2

Koia e folafola ai le Eteleno, o pati : E soko mai loa a aso Ala e kau fakagugulu ai loa le kalaga o le tau ki Lapati o fanau a Amone ; E liliu loa a ia ko se tuuga fatu maumau, Ti e tutu loa e le afi ona kolo liliki ; I le aso lena e kapu loa e Iselaele latou ala na kapu ia a ia, e pati le Eteleno.

Selemia 50:22

E gugulu ni kalaga tau i le fenua, Ti e lasi le tamatea.

Selemia 6:24

I le logo ki lalatou saele, E gaegae omatou lima, E maua matou e le i Ofaipe le mamae o se fafine leia e fanau.

Selemia 8:18

E kau loto ke fakafimalie loku mamae ; E mamae loku mafu iate au.

Selemia 8:21

Kua kau fati i le mamae o le taine o loku kakai, Kua kau nofo i le mamae, kua kau maua e se i lasi ai.

Selemia 9:1

Oi ! ka na apele loku ulu i le vai, Ka na fai oku mata pe se matapuna loimata, E kau tagi loa i le ao mo le po Ki mate o le taine o loku kakai !

Selemia 9:10

E kau fia tagi mo tagi laulau o tupu ko atu mauga, E kau fia tagi laulau o tupu ko nofoaga o le toafa ; Talie kua vela, ti e leaise koi fakalaka se tasi i ai, E leaise koi logo i ai ki le tagi o kau manu ; Kua sosola a manu lele o le lagi mo manu o le vao, kua lotou pupuli.

Tagi laulau a Selemia 1:16

Koia leia e kau tagi ai, ti e sasali ai oku loimata ; Talie kua fakamamao iate au, leia e fakapelepele ia loa au, Leia e toe fakamakeke ia loa loku mauli. Kua mamae oku vosa, talie kua malo le fili.

Tagi laulau a Selemia 1:20

Eteleno, tio mai ki loku mamae ! kua pula oku tootooga, Kua mafuli loku mafu iate au, Talie na kau agatuu lasi kiate koe. I fafo e fai e le seleta ana maumau, i loto ko le mate.

Tagi laulau a Selemia 2:11

Kua gaegae oku mata i le tagi, kua pula oku tootooga, Kua pa loku au i le kele, O tupu kua maumau le taine o loku kakai, O tupu kua mata fakapouli a toe mo toe memea i ala o le kolo.

Taniela 4:19

Ti ko Taniela, leia e igoa ko Pelesatesale, na tuu noa mua i se ga temi, talie na sevaia lana fakakaukau. Ti na toe masau loa le sau, o pati : Pelesatesale, ke aua na ke i, o tupu ko le moe miti mo lona fakamatala ! Ti na tali loa Pelesatesale : Ei loku aliki, ke vilo le moe miti mo lona uiga ki ou fili !

Taniela 7:15

Ko au Taniela, na sevaia loa loku loto, ti na fakaii loa kiate au a nea ala na kau tio ki ai i loku loto.

Taniela 7:28

Na fakaoki loa i nea anei lana masau. Ko au Taniela, na kau sevaia lasi loa i aku fakakaukau, ti na faikese loa oku mata, ti na kau taupau loa a masau ana i loku loto.

Taniela 8:27

Ko au Taniela, na kau gaegae veli ai ti na kau masaki loa i ni aso e mauke ; ti oki, na kau tuu loa ki aluga ti na kau tokaga loa ki gaoi a le sau. Na kau punamauli i le nea leia na kau tio ki ai, ti na leaise iloa a ia e se tasi.

Amosi 3:6

Pe pupusi le fakatagi pupusi i se kolo, Kae e leaise i le kakai ? Pe soko se malaia i se kolo, Kae e leikiaise fakataga e le Eteleno ?

Apakuki 3:16

Na kau logo… Ti na aloalofa oku tootooga. I le leo lena, e tete oku laugutu, E okioki oku ivi, Ti e lulu oku tuli : E tonu ke kau talitali fakalologo ki le aso o le mamae, Le aso leia e saele ai loa le tagata fakaveliveli ki le kakai.

Numelo 10:9

I lokoutou fenua, ka kotou ano loa o tau ki le fili leia na osoi ia koutou, e kotou pupusi fakamakeke loa a fakatagi pupusi, ti e manatui loa koutou e le Eteleno, ko lokoutou Atua, ti e saofaki loa e ia koutou mei okoutou fili.

Loma 10:1

Fetaina, ko le fakaamu o loku loto ti ko laku kole ki le Atua o uiga mo latou, ke lotou saofaki.

Uluaki tosi ki le kau Kolinto 14:8

Ti kapau e leaise matala le tagi o le fakatagi pupusi, ko ai e teuteu loa ki le tau ?

Kalate 4:19

Ei aku fanau, ala kua kau toe logoi ki ai a mamae o le fanauga, o kaku ki le katoa o Kilisito ia koutou,

Tuifakamaau 5:21

Na ave latou e le liua o Kisoni, Io, e le liua o temi afea, le liua o Kisoni. Ei loku laumalie, ke ke takatakafi ki ou vae le kau toa !