Selemia 4:16 - Tosi Tapu

¹⁶ Kotou fakasa a ia ki atu puleaga, kotou fakasa a ia ki Selusalemi : E au se kau tau mei se fenua mamao ; E lotou kalaga ki kolo o Suta.

Selemia 4:16 ပူးပေါင်းရင်းမြစ်များ

Esaia 34:1

Atu puleaga, kotou fakafeofi mai, o fakalogo ! Kakai, kotou tokaga ! Ke logo le kele, a ia mo nea fuli e fakaapele ia a ia, Ke fakamaoki le malama nei, a ia mo nea fuli na tupu i ai !

Esaia 39:3

Ti na ano loa le polofeta ko Esaia ki le sau ko Esekiasi, o pati kiate ia : Koa masau a tagata ana ? Na lotou au meifea ? Ti na tali loa Esekiasi : Na lotou au kiate au mei se fenua mamao, mei Papilone.

Selemia 1:15

Talie e pati le Eteleno : Tio, e kau kalagai loa a kakai fuli o atu puleaga i le noleto ; ti e lotou au loa, ti e lotou tasi fakatuu loa lona nofolaga tau i le mua o matapa o Selusalemi, ki ona paa takatakai, mo kolo fuli o Suta.

Selemia 16:6

E mamate loa a kakai lalasi mo toe liliki i le fenua leinei ; E leaise tanu loa latou ; E leaise tagi loa kia latou, E leaise toe vaku loa a mata pe tele loa a ulu kia latou.

Selemia 2:15

E gugulu kiate ia a uviki laione, mo itaita kiate ia, Ti e lotou maumaui lona fenua. Kua tutu ona kolo, ti e leaise koi nofo i ai ni kakai.

Selemia 31:10

Atu puleaga, kotou fakalogo mai ki le folafola a le Eteleno, Ti kotou fakasa ia i atu motu mamao ! Kotou pati : Ko leia na fakamavetevete ia Iselaele e toe fakatasi ia loa a ia, Ti e taupau loa e ia a ia ofaipe le tagata tausi manu e taupau ia lana kau manu.

Selemia 39:1

I le too o Selusalemi, i le fetuu iva o Setesiasi, sau o Suta, i le masina kau agafulu, na au loa Nepukatenesale, sau o Papilone, mo lana solia katoa o takatakai Selusalemi.

Selemia 4:17

E lotou takatakai Selusalemi ofaipe latou ala e taupau ia se faisaga, O tupu na agatuu a ia kiate au, e pati le Eteleno.

Selemia 5:15

Ko leinei, e kau aumai loa mei mamao se puleaga kia koutou, fale o Iselaele ; E pati le Eteleno ; Ko se puleaga makeke a ia, ko se puleaga afea, Se puleaga leia e leaise ke iloa lana masau, Ti e leaise ke matala loa ki ana masau.

Selemia 5:6

Koia e tamate ai latou e le laione o le vao, E maumaui ai latou e le lupo o le toafa, E lamalama ai latou e le taika i mua o olatou kolo ; Ko latou fuli ala e mavae loa i kolo e sae loa ; Talie kua lasi ai alatou agasala, ti kua liuliuga ai alatou agatuu.

Selemia 50:2

Kotou fakasa le nea leinei ki atu puleaga, kotou futi se manumanu ! Kotou logologo a ia, aua na kotou fufu se nea e tasi ! Kotou pati : Kua too Papilone ! Kua luma Pele, kua fati Melotake ! Kua luma ona taulaatua, kua fatifati ona fakatata !

Selemia 6:18

Koia kotou fakalogo mai, ei atu puleaga ! Ke kotou iloa le nea leia e soko loa kia latou, fakatasiga a atu kakai !

Selemia 6:19

Kele, fakalogo mai ! Ko leinei, e kau kakau mai ki le kakai leinei le malaia, Fua o ana manatu ; Talie na leaise lotou tokaga ki aku folafola, Na lotou tiaki aku lao.

Selemia 6:22

E folafola le Eteleno, o pati : Ko leinei, e au se kakai mei le fenua o le potu Noleto, E malaga ake ki aluga se puleaga lasi mei potupotu o le malama nei.

Selemia 6:23

E lotou too le kalolo mo le tao ; E lotou tukipo, sala manava alofa. E gugulu lolatou leo ofaipe le tai. E lotou eke i ni osi, O fakaatu pe se tagata e tasi, Ke taui a koe, taine o Sione !

Selemia 8:19

Ko leinei kua logo a tagi o le taine o loku kakai Mei se kele mamao : Pe leaise koi nofo le Eteleno i Sione ? Pe leaise koi nofo lona sau iate ia ? Kolea na lotou fakatupu ai loku sausau ki alatou fakatata laakau, Ki ni taulaatua matapule ?

Esekiele 21:22

Ko loku temi loa leinei, E kau pasipasi loa oku lima Ti e kau tuku loa loku ita ke faitalisa. Ko au, le Eteleno, leia e folafola !