Selemia 4:13 - Tosi Tapu

¹³ Ko leinei e saele mai le tagata maumau ofaipe ni ao ; E fai ana saliote pe se asesio, E gasolo ake ana osi i akuila. Malaia kia tatou, talie kua maumaui tatou !

Selemia 4:13 ပူးပေါင်းရင်းမြစ်များ

Lua tosi a Samuele 1:23

Na fealofani Saulo mo Sonatane i lola mauli katoa, Na leaise la mavete foki i lola mamate ; Na la maamaa ake i akuila, ti na la makeke ake i laione.

Esaia 13:5

Kua lotou au mei se fenua mamao, Mei potupotu o le lagi : Ko le Eteleno mo nea gaoi o lona sausau ka maumau ia loa le fenua katoa.

Esaia 19:1

Folafola ki Esipito. Ko leinei, kua eke le Eteleno i se ao gasolo, o au ki Esipito ; Ti kua lulu a taulaatua o Esipito i ona mua, Ti kua gaegae le loto o le kau Esipito.

Esaia 3:8

Talie kua malaia Selusalemi, Ti kua siga mo Suta, O tupu e agatuu ala masau mo ala gaoi ki le Eteleno, Ti e lotou matatuu ki lona agai.

Esaia 5:28

Kua matakakai ana gasau, Ti kua toso fakakitakita ana kalolo ; Kua fai a vae o ana osi pe ni fatu, Ti kua fai a teka o ana saliote pe se asesio.

Esaia 66:15

Talie ko leinei, e au le Eteleno i se afi, Ti e fai ana saliote pe se sasataki ; E fakaliliu e ia lona sausau ko se vela, Ti mo ana valoki ko ni ulai afi.

Selemia 10:19

Malaia kiate au ! kua kau fatifati ! E mamae loku lavea ! Kae e kau pati : ko malaia leia e soko mai kiate au, E kau ma kataki loa a ia !

Selemia 4:12

Kae ko se matagi makeke leia e au mei ai kiate au. I le aso nei, e kau tuku loa kia latou lolatou tua.

Selemia 4:31

Talie e kau logo ki ni tagi ofaipe ni tagi i le mamae a se fafine e lolotoga gaoi, Ni tagi o le mamae ofaipe se uluaki fanau. Ko le leo o le taine o Sione ; e tukumanava a ia, e siki e ia ona lima, O pati : Malaia kiate au ! E gaegae loku laumalie o tupu ko le kau tukipo !

Selemia 46:18

E kau mauli ! e pati le sau, Leia e igoa ko le Eteleno o kau tau : Ofaipe le Tapole i loto malie o atu mauga, Ofaipe le Kalemelo leia e oso ki le tai, E au loa le fili.

Selemia 48:40

Talie folafola le Eteleno, o pati : Ko leinei, e lele a ia ofaipe se akuila, Ti e folasi e ia ona kapakau ki Moape.

Selemia 49:22

Ko leinei, ofaipe le akuila leia e au, e lele a ia, E folasi e ia ona kapakau ki Potesela, Ti ko le mafu o toa o Etome i le aso lena E faipe le mafu o se fafine leia e fanau.

Selemia 6:23

E lotou too le kalolo mo le tao ; E lotou tukipo, sala manava alofa. E gugulu lolatou leo ofaipe le tai. E lotou eke i ni osi, O fakaatu pe se tagata e tasi, Ke taui a koe, taine o Sione !

Selemia 9:19

Talie kua logo mai ni tagi mamae mei Sione : Kolea ! Kua motou maumaui ! Kua motou apele i le luma ! Kua tonu ke motou tiaki le fenua ! Kua maumaui omatou nofoaga !

Tagi laulau a Selemia 4:19

Na gasolo ake omatou kau fakaveliveli I akuila o le lagi ; Na lotou tilii matou i mauga, Na lotou fakatuu ni masele i le toafa kia matou.

Esekiele 26:10

E ufiufi loa a koe e le efu o lana kau osi lasi ; ti e galulu loa ou paa i le logoa o le kau ekeosi, mo le teka o saliote, mo ka e ulu loa le sau i ou matapa ofaipe le ulu ki se kolo kua lava.

Esekiele 38:9

E ke pale loa kia latou, e ke fakafeofi loa ofaipe se afa, E kotou fai loa pe se ao leia ka ufiufi ia loa le fenua,. A koe, mo au kau solia, mo le kakai toka api leia e kau mo koe.

Taniela 11:40

I le temi o le fakaoki, e toe malaga loa le sau o le saute kiate ia. Kae e oso loa le sau o le noleto kiate ia ofaipe se afa makeke, mo ni saliote, mo ni tagata ekeosi, ti mo se fua vaka tau lasi ; ti e ulu loa le sau o le noleto mo lana solia ki ni fenua mauke, ti e mafolafola loa a ia ofaipe se vaitafe leia kua puke.

Taniela 7:4

Na fai le uluaki pe se laione, ti na maua e ia ni kapakau o le akuila ; na kau tio loa o kaku ki le temi leia na taaki ai loa ona kapakau ; na siki loa a ia mei le kele o fakatuu ki ona vae muli ofaipe se tagata, ti na soli loa kiate ia se mafu fakatagata.

Oseo 8:1

Fakatuu le fakatagi pupusi ki lou gutu ! E oso le fili ofaipe se akuila ki le fale o le Eteleno, O tupu na lotou maumaui laku sai, Ti na lotou patigataa ki laku lao.

Mikea 2:4

I le aso lena, e fakaliliu loa koutou ko se nea fakakata. E fai loa ni tagi mamae, E pati loa : Kua motou maumau katoa ! E soli e ia ki iki le vaega o loku kakai ! Kolea koia ! E too e ia loku vaega ! E tufa e ia amatou faisaga ki le fili !…

Naume 1:3

E kataki fualoa e le Eteleno lona sausau, e lasi a ia i lona makeke ; E leaise tuku e ia leia e agasala sala tautea. E saele le Eteleno i le afa, mo le asesio ; Ko ao ko efu o ona vae.

Apakuki 1:8

E gasolo ake ana osi i leopale, Ti e lotou makamu ake i lupo o le afiafi. E saele ana tagata eke osi i le fia nealasi, E au ana tagata eke osi mei mamao, E lotou lele ofaipe le akuila leia e oso ki lana nea kai.

Sakalia 6:1

Na kau toe siki ake loa oku mata, o tio, ti ko leinei, na ulu loa ni saliote e fa mei le vasa o mauga e lua ; ti ko mauga ko ni mauga sila.

Mateo 24:30

Ti e sa mai loa le fakamailoga o le Vosa o le tagata i le lagi, ti e fetagisi loa a faasiga fuli o le malama nei, ti e lotou tio loa ki le Vosa o le tagata e au i ao o le lagi mo se makeke ti mo se kololia lasi.

Tetelonome 28:49

E lagai loa e le Eteleno kiate koe se puleaga mei mamao, mei potupotu o le malama nei, se puleaga leia e oso ofaipe le akuila fekai, se puleaga leia e leaise ke matala ki lana masau,

Apokalipisi 1:7

Ko leinei, e au a ia mo ni ao. Ti e tio loa kiate ia a mata fuli, ti mo latou foki ala na sokai ia a ia ; ti e tagi mamae loa a faasiga fuli o le malama nei o tupu ko ia. Io. Amene !