Selemia 4:11 - Tosi Tapu

¹¹ I le aso lena, e pati loa ki le kakai leinei mo Selusalemi : E agi se matagi vevela mei potu taualuga o le toafa Ki le ala o le taine o loku kakai, Ti e leaise ko se matagi maamaa ke tu ia mo fakamea ia le fulumeto.

Selemia 4:11 ပူးပေါင်းရင်းမြစ်များ

Pesalemo 11:6

E fakato e ia ofaipe se ua ki le kau agaveli Ni malala kaka, mo se afi, mo se sufele ; Mo se matagi vevela, ko le kalise lena e tonu ke lotou inu.

Esaia 22:4

Koia e kau pati ai : Kotou ave kese okoutou mata iate au, Kotou tuku au ke tagi i loku mamae ! Aua na kotou afa ke fakapelepele au I le maumaui o le taine o loku kakai.

Esaia 27:8

Leai ! Na ke fakafuafua lona tautea i lona ave fakapopula, I lona ave e le matagi fakaii o le potu esite.

Esaia 41:16

E ke tuui loa latou, ti e ave loa latou e le matagi, Ti e fakamavete loa latou e se sasataki. Kae ko koe, e ke fiafia loa i le Eteleno, Ti e tuku loa lou kololia ki le Maokioki o Iselaele.

Esaia 64:6

E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.

Selemia 13:24

E kau fakamavetevete loa latou, ofaipe le fakamavetevete o le mutie malo E le matagi o le toafa.

Selemia 14:17

Fakasa kia latou le folafola lena : E tafe a loimata i oku mata i le po mo le ao, Ti ke leaise toe gato lona sali, Talie ko le taine taupoou o loku kakai na taai o veli, E mamae ai lona lavea.

Selemia 23:19

Ko leinei, kua to le afa a le Eteleno, Kua mu lona sausau, Kua oso le veli, Kua vilo a ia ki ulu o le kau agaveli.

Selemia 4:12

Kae ko se matagi makeke leia e au mei ai kiate au. I le aso nei, e kau tuku loa kia latou lolatou tua.

Selemia 8:19

Ko leinei kua logo a tagi o le taine o loku kakai Mei se kele mamao : Pe leaise koi nofo le Eteleno i Sione ? Pe leaise koi nofo lona sau iate ia ? Kolea na lotou fakatupu ai loku sausau ki alatou fakatata laakau, Ki ni taulaatua matapule ?

Selemia 9:1

Oi ! ka na apele loku ulu i le vai, Ka na fai oku mata pe se matapuna loimata, E kau tagi loa i le ao mo le po Ki mate o le taine o loku kakai !

Selemia 9:7

Koia leia e masau ai le Eteleno o kau tau, o pati : Ko leinei, e kau oono loa latou, e kau asiasii loa latou, Talie kolea ke fai ki le taine o loku kakai ?

Tagi laulau a Selemia 2:11

Kua gaegae oku mata i le tagi, kua pula oku tootooga, Kua pa loku au i le kele, O tupu kua maumau le taine o loku kakai, O tupu kua mata fakapouli a toe mo toe memea i ala o le kolo.

Tagi laulau a Selemia 3:48

E tafe ni vaitafe mei oku mata, O tupu ko le maumaui o le taine o loku kakai.

Tagi laulau a Selemia 4:10

Kua tao e fafine alatou fanau, Logo ai lolatou alofa fakatinana ; Ko lalatou nea kai lena I le lolotoga o le malaia o le taine o loku kakai.

Tagi laulau a Selemia 4:3

E fakaali foki e le kuli vao le u Ke fagai ona uviki, Kae kua liliu le taine o loku kakai o sala alofa Ofaipe otulusi i le toafa.

Tagi laulau a Selemia 4:6

Kua lasi ake le tautea o le taine o loku kakai I leia o Sotoma, Leia na maumaui i se kemo o le mata, Kae na leaise teki le lima o se tasi kiate ia.

Esekiele 17:10

Ko leinei, kua to le vite ; pe tupu malie loa a ia ? Pe leaise gae loa a ia mo ka agi mai kiate ia le matagi o le potu esite ? E gae loa a ia i le ganea leia na tupu ake ai.

Esekiele 19:12

Kae na taaki fakaveliveli loa a ia, o ti ki le kele ; Na fakagae loa ona fua e le matagi o le potu esite ; Na fatifatii loa ona laa makeke o malo ; Na tutu loa a ia e le afi.

Oseo 13:15

E logo ai le lasi o fua o Efalaimi i loto malie o ona fetaina, E au loa le matagi o le potu Esite, e malaga ake loa le matagi o le Eteleno i le toafa, O fakamalo ia loa ona matapuna, ti mo fakamasa ia loa ona tanakiaga vai. E kaia loa a fale koloa fuli ala e tanaki ai au nea mauiga.

Oseo 13:3

Koia e lotou fai ai loa pe le kokofu o le usu, Pe le sasau leia e puli vave, Pe le penu leia e ave e le matagi i sasaaga fulumeto, Pe le afu leia e ulu mei se katupa.

Oseo 4:19

E kofu loa latou e le matagi ki ona kapakau, Ti e lotou luma loa i alatou sakilifisio.

Apakuki 1:11

Ti e liuga tua lua e ia lona makeke, E soko atu e ia lana saele, ti e asilisili ake lana agasala. Ko lona makeke o ona, ko lena lona atua !

Apakuki 1:6

Ko leinei, e kau lagai loa le kau Kaletea, Se kakai itaita mo makeke, Leia e saele i ni fenua lalasi o too ni nofoaga o ni iki.

Mateo 3:12

E too e ia i lona lima lana laakau sasa fulumeto, ti e fakamea loa e ia lona sasaaga fulumeto, ti e tanaki loa e ia lana fulumeto ki le fale tanaki magiti, kae e tutu loa e ia a kaui fulumeto i se afi leia e leaise toe mate.

Luka 3:17

E too e ia i lona lima lana laakau sasa fulumeto ; e fakamea loa e ia lona sasaaga fulumeto, ti e tanaki loa e ia le fulumeto ki lona fale tanaki magiti, kae e tutu loa e ia a kaui fulumeto i se afi leia e leaise toe mate loa.