Selemia 4:1 - Tosi Tapu

¹ Iselaele, kapau e ke tafoki mai, kapau e ke tafoki mai kiate au, e pati le Eteleno, Kapau e ke too au nea fakalialia i oku mua, E leaise ke toe sese loa.

Selemia 4:1 ပူးပေါင်းရင်းမြစ်များ

Senesi 35:2

Ti na pati loa Sakopo ki lona famili, mo latou fuli ala na nonofo mo ia : Kotou too ia koutou a atua kese fuli ala e maua ia koutou, ti kotou fakamea mo fetogi okoutou kofu.

Lua tosi o Sau 23:13

Ti na fakakelekele loa e le sau a ganea taualuga ala na tuu i mua o Selusalemi, i le fetuu atamai o le mauga o le malaia, ala na fakatuu e le sau ko Salomone kia Asetalate, le fakatata fakalialia o le kau Sitone, mo Kemosi, le fakatata fakalialia o le kau Moape, ti mo Milekome, le atua fakalialia o vosa o Amone.

Lua tosi o Sau 23:24

Ti na fakapuli foki e Sosiasi latou fuli ala na masau ki laumalie veli, mo latou ala na fai kikite, mo fakatata, mo taulaatua, ti mo nea fakalialia fuli ala na maua i le fenua o Suta mo Selusalemi, o tupu ke fakasoko ai a folafola o le lao, ala na tuu i le tosi leia na maua e le tagata faisakilifisio ko Ilekisa, i le fale o le Eteleno.

Lua tosi o Koloniko 15:8

I le logo a le sau ki folafola ana, ti mo le folafola fakakikite a Oteto, le polofeta, na fakamakeke loa Asa, ti na fakapuli loa e ia a taulaatua fuli i le fenua katoa o Suta mo Pesamino ti mo kolo ala na too e ia i le mauga o Efalaimi, ti na fakafoou loa e ia le aletale o le Eteleno leia na tuu i mua o le fale o le Eteleno.

Lua tosi o Koloniko 33:8

E leaise kau toe siki loa Iselaele mei le fenua leia na kau soli ki okoutou tamana, kae ke lotou fai fua aku folafola, mo nea fuli ala na kau fakatotonu kia latou, o mulimuli ki le lao katoa, mo pelesepeto, mo fakamaau ala na tuku e Moisese.

Lua tosi o Koloniko 34:33

Na fakapuli loa e Sosiasi a nea fakalialia fuli i fenua fuli ala na maua e fanau a Iselaele, ti na fakamaua loa e ia latou fuli ala na nonofo i Selusalemi ke tausi ki le Eteleno, lolatou Atua. I le lolotoga o lona mauli katoa, na leaise lotou maliu kese loa mei le Eteleno, le Atua o olatou tamana.

Esaia 31:6

Fanau a Iselaele, Kotou toe liliu mai ki leia na kotou agatuu veli ki ai !

Selemia 15:19

Koia e folafola ai le Eteleno, o pati : Kapau e ke toe pipiki mai kiate au, e kau tali atu loa kiate koe, ti e ke tuu loa i oku mua ; Kapau e ke vaei kese le nea leia e mauiga mei le nea leia e noa, e ke tatau loa mo loku gutu. Ko latou ala e tonu ke toe au kiate koe, Kae e leaise ko koe leia e tonu ke ano kia latou.

Selemia 15:4

E kau fakaliliu loa latou ko se nea fakaii ki puleaga fuli o le kele, O tupu ko Manase, vosa o Esekiasi, sau o Suta, Ti mo nea fuli ala na fai e ia i Selusalemi.

Selemia 18:11

Masau i le aso nei ki tagata o Suta ti mo le kakai o Selusalemi, o pati : E folafola le Eteleno, o pati : Ko leinei, e kau teuteu kia koutou se malaia, E kau Fakakaukau se fakatuutuu kia koutou. Ke tasi tafoki mai le tagata mei lona ala veli ! Kotou fai ke malilie okoutou ala mo akoutou gaoi !

Selemia 24:9

E kau fakaliliu loa latou ko se nea fakaii mo se nea fakatupu lauveli ki puleaga fuli o le malama nei, ko se nea fakalumaluma, mo se nea fakagologolo, mo se nea fakakata, ti mo se nea fakatupu malaia i ganea fuli ala e kau kapu loa latou ki ai.

Selemia 25:5

Na lotou pati : Kotou tasi tafoki mai mei lona ala veli, mei le agaveli o akoutou gaoi, ti e kotou nonofo loa i le fenua leia na kau soli kia koutou mo okoutou tamana, mei tautupu ki tautupu.

Selemia 3:1

E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 3:12

Ano, kalaga a masau anei ki le potu noleto, o pati : E pati le Eteleno : Tafoki mai kiate au, fafine agatuu ko Iselaele ! E leaise kau tio fakaitaita loa kia koutou, Talie e kau manava alofa, E leaise kau taupau loku sausau o lee gato.

Selemia 3:14

Kotou tafoki mai kiate au, fanau agatuu, e pati le Eteleno, Talie ko au ko lokoutou pule. E kau too loa koutou, tasi i se kolo, lua i se famili, Ti e kau toe aumai loa koutou ki Sione.

Selemia 3:22

Kotou tafoki mai kiate au, fanau agatuu : E kau fakamolemole loa akoutou agatuu. Ko nei matou, e motou ano kiate koe, Talie ko le Eteleno a koe, lomatou Atua.

Selemia 35:15

Na kau kakau atu kia koutou aku tagata fakasausau fuli, le kau polofeta, na kau kakau atu latou koi usu, o pati kia koutou : Kotou tasi toe liliu mai mei lona ala veli, kotou fai akoutou gaoi ke malilie, aua na kotou ano o tausi ki ni iki ake atua kese, o tupu ke kotou nonofo loa i le fenua leia kua kau soli kia koutou mo okoutou tamana. Kae na leaise tokaga mai okoutou taliga, ti na leaise kotou fakalogo mai kiate au.

Selemia 36:3

I le aso leia e logo ai loa le fale o Suta ki le veli katoa leia e kau manatu ke fai kiate ia, e lagi lotou toe liliu taki toka tasi mai loa mei lona ala veli ; ti e kau fakamolemole loa ki alatou agaveli mo alatou agasala.

Selemia 4:4

Kotou silikosisio koutou ki le Eteleno, kotou silikosisio okoutou loto, Tagata o Suta ti mo le kakai o Selusalemi, O tupu ke aua na natu kia koutou loku sausau ofaipe se afi, Ti ke aua na vela a ia, kae e leaise feala ke toe tamate, O tupu ko le veli o akoutou gaoi.

Selemia 7:3

E folafola le Eteleno o kau tau, le Atua o Iselaele, o pati : Kotou fetogi okoutou ala mo akoutou gaoi, Ti e kau tuku loa koutou ke nofo i le fenua leinei.

Selemia 7:5

Kapau e kotou fetogi okoutou ala mo akoutou gaoi, Kapau e kotou fai le faitotonu i okoutou vasaa,

Selemia 7:7

Ti e kau tuku loa koutou ke nonofo i le ganea leinei, I le fenua leia na kau tuku ki okoutou tamana, I tautupu ki tautupu.

Esekiele 11:18

Ko lena le ganea e lotou ano loa ki ai, Ti e lotou too loa i ai a taulaatua fuli mo nea fakalialia fuli.

Esekiele 18:13

Ti kapau e soli e ia lana paaga talie ke toe liufaki ake kiate ia mo se tupu, pe mauli loa le vosa lena ? Leai, e leaise mauli loa a ia ; kua fai e ia a nea fakalialia fuli ana ; e mate maoki loa a ia ! ti e vilo loa lona toto kiate ia !

Esekiele 43:9

I le aso nei, e lotou fakamamao loa iate au alatou nea fakalialia mo mate o olatou sau, ti e kau nofo loa i loto malie o latou o lee gato.

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Oseo 2:2

E fakatasi loa fanau o Suta mo fanau o Iselaele, ti e lotou filifili loa se pule kia latou, ti e lotou mavae loa i le fenua ; talie e fakaii loa le aso o Siseleele.

Oseo 7:16

E leaise ko le Taualuga leia e lotou tafoki ki ai ; E lotou pikopiko ofaipe se gasau kaka. E mamate loa olatou pule i le seleta, O tupu ko le matasoka o lolatou alelo. Ko le nea lena e katai ai loa latou i Esipito.

Soele 2:12

I le aso nei foki, e pati le Eteleno, Kotou toe liliu mai kiate au i lokoutou loto katoa, Mo ni sesunio, mo ni tagi, ti mo ni tagi laulau !

Sakalia 1:4

Aua na kotou faipe okoutou tamana, ala na masau ki ai le kau polofeta i mua, o pati : E folafola le Eteleno o kau tau : Kotou maliu mei okoutou ala veveli, ti mo akoutou gaoi veveli ! Kae na leaise lotou fakalogo, ti na leaise lotou tokaga fua kiate au, e folafola le Eteleno.

Tetelonome 27:15

Ke malaia le tagata leia e fai ia loa se fakatata ta, pe ko se fakatata saka, o fakatuu a ia i se ganea fakapulipuli ! Talie e fakalialia le Eteleno ki le nea a ia, ki le nea leia na gaoi e lima o le tagata tufuga. Ti e tali loa le kakai katoa : Amene !

Tetelonome 4:30

I le mamae, mo ka soko loa a nea fuli ana kiate koe, e soko loa i se temi ki muli, e ke toe liliu loa ki le Eteleno, lou Atua, ti e ke fakalogo loa ki lona leo ;

Sosue 24:14

I le aso nei, ke kotou i ki le Eteleno ti ke kotou tausi kiate ia i lokoutou loto katoa mo le loto agatonu. Ke kotou maumaui a atua ala na tausi ki ai okoutou tamana, i leia fetuu o le vaitafe ko le Eufalate ti mo Esipito, kae ke kotou tausi ki le Eteleno.

Tuifakamaau 10:16

Ti na lotou too loa a atua kese ala na nofo mo latou kae lotou tausi loa ki le Eteleno, leia na logoi ia loa i lona loto a mamae o Iselaele.

Uluaki tosi a Samuele 7:3

Na pati loa Samuele ki le fale katoa o Iselaele : Kapau kua kotou toe liliu i lokoutou loto katoa ki le Eteleno, ke kotou too i lotomalie o koutou a atua kese mo fakatata o Asetalate, ti ke pipiki okoutou loto ki le Eteleno, o tausi kiate ia toka tasi ; ti e saofaki loa e ia koutou i le lima o le kau Filisitini.