Selemia 39:9 - Tosi Tapu

⁹ Ti na ave loa e Nepusalatane, pule o le kau leo, o fakapopula i Papilone latou o le kakai ala na nofo i le kolo, mo latou ala na ano kiate ia, ti mo le toetoega o le kakai.

Selemia 39:9 ပူးပေါင်းရင်းမြစ်များ

Senesi 37:36

Na fakatau loa e le kau Matiane a Sosefo i Esipito kia Potifale, ko le ofisa a Falaone, ko le pule o le kau leo.

Lua tosi o Sau 20:18

Ti e too loa ou vosa, ala na tupu meiate koe, ala na fanaui kiate koe, o fakaliliu latou ko ni enuke i le fale sau o le sau o Papilone.

Lua tosi o Sau 25:11

Na ave popula loa e Nepusalatane, pule o le solia, latou ala o le kakai na nonofo i le kolo, mo latou ala na ano ki mua o le sau o Papilone, ti mo le toega o le kakai toka api.

Lua tosi o Sau 25:20

Na too loa latou e Nepusalatane, pule o le solia, o ave ki le sau o Papilone i Lipela.

Esaia 5:13

Koia e ave fakapunamauli loa loku kakai o fakapopula : E mamate loa ona kau lalasi i le fia kai, Ti e mamate loa lona kakai toka api i le fia inu.

Selemia 10:18

Talie e folafola le Eteleno, o pati : Ko leinei, i le faiaga leinei e kau ti loa ki mamao latou e nonofo i le fenua ; E kau fakamamae loa latou, o tupu ke lotou maemaeia.

Selemia 16:13

E kau ave loa koutou i le fenua leinei Ki se fenua leia na leaise kotou iloa, E koutou mo okoutou tamana ; I lena, e kotou tausi loa ki ni atua kese i le ao mo le po, Talie e leaise kau soli loa kia koutou se kalasia.

Selemia 24:8

Ti e pati le Eteleno : Ofaipe fiki veveli ala e leaise feala ke kai o tupu ko lolatou fua veveli, e kau fai fenaaki loa kia Setesiasi, sau o Suta, mo lana kau pule, mo le toetoega o Selusalemi, latou ala na nonofo i le fenua leinei ti mo latou ala e nonofo i le fenua o Esipito.

Selemia 38:19

Ti na pati loa le sau ko Setesiasi kia Selemia : E kau i ki le kau Sutea ala kua sosola ki le kau Papilone ; talie na lotou tuku au ki olatou lima, ti ke lotou gologolo kiate au.

Selemia 40:1

Na tuku loa le folafola a le Eteleno kia Selemia i le oki o lona kakau e Nepusalatane, pule o tagata leo mei Lama. I le temi leia na fakatotonu ai e Nepusalatane ke afa mai a ia, na saisai Selemia ki ni tini i loto malie o le kau popula katoa o Selusalemi mo Suta ala na ave ki Papilone.

Selemia 40:7

I le maua e kau pule solia fuli ala na nonofo i kolo vao, e latou mo alatou kau solia, le logo leia kua fakanofo e le sau o Papilone a Ketalia, vosa o Asikame, ko le kovana o le fenua, ti kua tuku e le sau kiate ia a tagata, mo fafine, mo fanau, mo le kau mativa o le fenua, ala na leaise ave popula ki Papilone,

Selemia 52:26

Na too loa latou e Nepusalatane, pule o le kau leo, o ave ki le sau o Papilone i Lipela.

Selemia 52:27

Na taai loa latou e le sau o Papilone, ti na tamate loa latou i Lipela, i le fenua o Amate. Na ave popula loa i ai a Suta, o mamao mei lona fenua.

Taniela 2:14

Ti na masau fakapoto loa Taniela kia Alioke, pule o le kau polisi a le sau, leia na au ke tamate ia le kau poto o Papilone.

Levitiko 26:33

E kau lagai loa se tau kia koutou ti e kau fakamavetevete loa koutou i atu puleaga : e maumaui loa lokoutou fenua, ti e lavaki loa okoutou kolo.

Tetelonome 4:27

E fakamavetevete loa koutou e le Eteleno i atu puleaga, ti e toe loa se ga toka teiki fua i puleaga ala e ave loa koutou ki ai e le Eteleno.