Selemia 39:5 - Tosi Tapu

⁵ Kae na tuli loa latou e le solia a le kau Kaletea, ti na tapo loa e ia Setesiasi i le toafa o Seliko. Na lotou too loa a ia, o ave kia Nepukatenesale, sau o Papilone i Lipela, i le fenua o Amati ; ti na fakamaui loa e ia aia i ai.

Selemia 39:5 ပူးပေါင်းရင်းမြစ်များ

Lua tosi a Samuele 8:9

Na logo loa a Toi, sau o Amate, ki le taai e Tavite o le solia katoa a Atatesele,

Lua tosi o Sau 17:24

Na aumai loa e le sau o Asilia ni kakai mei Papilone, mo Kuta, mo Ava, mo Amate, mo Sefalevaimi, ti na fakanonofo loa e ia latou i kolo o Samalia, o fetogi ai fanau a Iselaele. Na lotou maua loa Samalia, ti na lotou nonofo loa i ona kolo.

Lua tosi o Sau 23:33

Na fui loa a ia e Falaone Neko ki ni tini i Lipela, i le fenua o Amate, ke aua na toe sau i Selusalemi ; ti na tuku loa e ia ki le fenua se tukusau ko fa tenalio paaga e kau lelau mo se fa tenalio aulo e tasi.

Lua tosi o Sau 25:6

Na too loa e le kau Kaletea le sau, o ave ki le sau o Papilone i Lipela ; ti na fakamaaui loa a ia.

Lua tosi o Koloniko 33:11

Koia na kakau ai loa e le Eteleno kia latou a pule solia a le sau o Asilia, ala na too ia loa Manase o tuku ki ukamea, o fakapiki ni ukamea ki lona gutu mo saisai a ia ki ni tini o ave ki Papilone.

Esaia 22:3

Kua sosola fakatasi ou pule fuli, Ti kua fakapilisoni latou e le kau faikalolo ; Kua fakapilisoni lou kakai i le temi e tasi, Tatau mo latou ala na sosola ki mamao.

Selemia 21:7

E pati le Eteleno : I le oki o le nea lena, e kau tuku loa Setesiasi, sau o Suta, mo ana tagata fakasausau, mo le kakai, mo latou o le kolo leinei ala na sao loa mei le taumasaki, mo le seleta, mo le oge, ti e kau tuku loa latou ki lima o Nepukatenesale, sau o Papilone, mo lima o olatou fili, mo lima o latou ala e loto ki lolatou mauli ; ti e taai loa latou e Nepukatenesale ki le mata o le seleta, ti e leaise fakamauli loa e ia latou, ti e leaise maua loa e ia se ga alofa pe ko se ga manava alofa e tasi.

Selemia 24:8

Ti e pati le Eteleno : Ofaipe fiki veveli ala e leaise feala ke kai o tupu ko lolatou fua veveli, e kau fai fenaaki loa kia Setesiasi, sau o Suta, mo lana kau pule, mo le toetoega o Selusalemi, latou ala na nonofo i le fenua leinei ti mo latou ala e nonofo i le fenua o Esipito.

Selemia 38:18

Ti kapau e leaise ke ano loa ki pule a le sau o Papilone, e tuku loa le kolo leinei ki lima o le kau Kaletea, ti e lotou tutu loa a ia ki le afi ; ti ko koe, e leaise ke sao loa mei olatou lima.

Selemia 38:23

E taki loa au avaga fuli mo au fanau ki le kau Kaletea ; ti ko koe, e leaise ke sao loa mei olatou lima, e too loa a koe e le lima o le sau o Papilone, ti e tutu loa le kolo leinei e le afi.

Selemia 4:12

Kae ko se matagi makeke leia e au mei ai kiate au. I le aso nei, e kau tuku loa kia latou lolatou tua.

Selemia 44:30

Ti e folafola le Eteleno, o pati : E kau tuku loa Falaone Ofala, sau o Esipito, ki lima o ona fili, mo lima o latou ala e loto ki lona mauli, ofaipe laku tuku Setesiasi, sau o Suta, ki lima o Nepukatenesale, sau o Papilone, lona fili, leia na loto ki lona mauli.

Selemia 49:23

Ki Tamaso. Kua luma Amati mo Alepati, Talie kua la maua se logo veli, e la lulu ; Ko se tai malagalaga Leia e leaise feala ke toe tokamalie.

Tagi laulau a Selemia 1:3

Kua ano Suta ki le popula, vikitima o le taomia mo popula lasi ; Kua nofo a ia i loto malie o atu puleaga, Ti e leaise maua fua e ia se malolo i ai ; Na fakamautoka a ia i lona mamae e latou fuli ala na fakaveliveli kiate ia.

Tagi laulau a Selemia 4:20

Ko leia na fakalogo ki ai lamatou tukumanava, le filifiliia a le Eteleno, Na vilo ki olatou popoko, A ia leia na motou pati ki ai, E motou mauli loa i lona malu i atu puleaga.

Esekiele 23:24

E lotou au loa kiate koe mo ni masafu, mo ni saliote tau, mo nea fuli e maua ia ni teka, Ti mo se solia toka api ; Mo le paletau lasi ti mo le paletau ikiiki, mo puloga ukamea. E lotou au mei potu fuli kiate koe. E kau tuku loa le fakamaau kia latou, Ti e lotou fakamaau loa a koe o mulimuli ki alatou lao.

Apakuki 1:7

Ko se kakai mamalu mo fakaii ; E fakalogo fai a ia kiate ia mo lona makeke.

Numelo 13:21

Na lotou pale loa, ti na lotou tioi loa le fenua, o kamata mei le toafa o Sini o kaku ki Leopoti, i le uluaga o Amati.

Sosue 13:5

mo le fenua o Kipiloti, ti mo le Lipane i le sopoaga o le laa, mei Paale-Kati i vae o le mauga ko Elemoni, o kaku ki le matapa o Amati ;

Sosue 4:13

Na tino fa afe a tagata ala na too ia alatou masafu tau, ti kua tokamalie ki le tau, o saele i mua o le Eteleno ki le fenua o Seliko.

Sosue 5:10

Na nofo loa a fanau a Iselaele i Kilikale ti na lotou fai loa le Pasikate i le aso kau agafulu tupu fa o le masina, i le afiafi, i le fenua o Seliko.

Tuifakamaau 3:3

Ko latou ala na nonofo loa i le fenua : ko kakai o puleaga e lima o le kau Filisitini, mo le kau Kanaane fuli, mo le kau Sitone, ti mo le kau Evi ala na nonofo i le mauga o Lipane, mei le mauga o Paale-Elemoni o kaku ki le matapa o Amate.