Selemia 39:4 - Tosi Tapu

⁴ I le tio loa a Setesiasi, sau o Suta, mo kau tagata tau fuli kia latou, na lotou sosola loa, ti na lotou mavae loa mei le kolo i le pouli i le ala o le oloto o le sau, mo le matapa i loto o paa e lua, ti na lotou too loa le ala o le toafa.

Selemia 39:4 ပူးပေါင်းရင်းမြစ်များ

Lua tosi o Koloniko 32:5

Na loto makeke loa Esekiasi ; na toe fau loa e ia le paa leia na maumau, ti na toe siki ake loa e ia a ia ke taualuga o kaku ki tule leo, na toe fai loa e ia mo le tasi ake paa ki tafa, na fakamakeke loa e ia a Milo i le kolo o Tavite, ti na teuteui loa e ia ni masafu mo ni paletau o lasi ai.

Esaia 22:11

E kotou fau loa se tanakiaga vai i le vasa o paa e lua Ke tanaki ai a vai o le fa tane afea. Kae e leaise kotou tagaki loa ki leia na fakataga ia a nea ana, E leaise kotou tio loa ki leia na teuteu ia a nea ana talu mei mamao.

Esaia 22:3

Kua sosola fakatasi ou pule fuli, Ti kua fakapilisoni latou e le kau faikalolo ; Kua fakapilisoni lou kakai i le temi e tasi, Tatau mo latou ala na sosola ki mamao.

Esaia 29:2

Ti e kau taui loa a koe, Aliele ; Ti e ke tagi loa mo mamae loa ; Ti e fai loa le kolo kiate au pe se Aliele.

Selemia 32:4

Ti e leaise sao loa Setesiasi, sau o Suta i le kau Kaletea, kae e tuku loa a ia ki lima o le sau o Papilone, ti e masau totonu loa a ia kiate ia, ti e tio loa ona mata ki ona mata.

Selemia 32:5

E ave loa Setesiasi e le sau o Papilone ki Papilone, ti e nofo loa a ia i Papilone o kaku ki laku toe manatui loa a ia, e pati le Eteleno. Kapau e kotou tau ki le kau Kaletea, e leaise kotou maua loa se manuia.

Esekiele 12:12

Ko le pule leia e nofo i loto malie o latou, E teki ia loa lana kavega ki lona ua i le pouli, ti e ano loa ; E puui loa le paa ke fakaulu ai a ia ki fafo ; E pulou loa ona mata, Ke aua na tio ona mata ki le kele.

Esekiele 12:4

Ke ke ave ou nea fanoga i le ao i olatou mua ; ti ko koe, ke ke ano loa i le afiafi i olatou mua, ofaipe le ano a ni kau popula.

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Levitiko 26:36

E kau fakagaegae ia loa a loto o latou ala o koutou e mauli loa i fenua o olatou fili ; e lotou sosola loa i le ga pakaka fua o se lau laakau i le matagi ; e lotou fesolaki loa ofaipe le fesolaki i mua o le fili i le tau, ti e lotou sisiga loa ki le kele kae e leaise tuli latou e se tasi.

Amosi 2:14

Ko leia e mauvave e leaise mafai loa ke sola, Ko leia e makeke e leaise mafai loa ke fakaaoga ia lona makeke, Ti e leaise saofaki loa e le tagata toa lona mauli ;

Tetelonome 28:25

E tuku loa e le Eteleno ke ke sola i mua o lou fili ; e ke ano loa o tau kia latou i se ala e tasi, ti e ke sola loa i ona mua i ni ala e fitu. E ofolele loa puleaga fuli o le kele i le nea leia kua soko loa kiate koe.