Selemia 39:18 - Tosi Tapu

¹⁸ E kau saofaki loa a koe, ti e leaise ke mate loa i le seleta ; ko lou totogi ko lou mauli, talie na ke fanaki kiate au, e pati le Eteleno.

Selemia 39:18 ပူးပေါင်းရင်းမြစ်များ

Selemia 38:2

E folafola le Eteleno, o pati : Ko leia e nofo loa i le kolo leinei e mate loa i le seleta, mo le oge, mo le taumasaki ; kae ko leia e mavae loa o ano ki le kau Kaletea e saofaki loa e ia lona mauli ; ti ko lona totogi ko lona mauli, io, e mauli loa a ia.

Pesalemo 34:22

E tamate e le malaia le tagata agaveli, Ti e tautea a fili o le tagata agatonu.

Selemia 21:9

Ko leia e nofo loa i le kolo leinei e mate loa i le seleta, mo le oge, mo le taumasaki ; kae ko leia e mavae loa o ano ki le kau Kaletea ala e takatakai ia koutou e mauli loa a ia, ti e liliu loa lona mauli ko lona koloa.

Efeso 1:12

o tupu ke tou fakavikiviki ki lona kololia, tatou ala kua amanaki malie fakatomua kia Kilisito.

Pesalemo 84:12

Talie ko le Eteleno Atua ko se laa ti ko se paletau : E soli e le Eteleno le kalasia mo le kololia, E leaise fakafiti e ia se nea malie kia latou ala e saele i le maoki.

Pesalemo 147:11

E alofa le Eteleno kia latou ala e i kiate ia, Latou ala e amanaki malie ki lona agamalie.

Uluaki tosi o Koloniko 5:20

Na tokoi loa le Atua kia latou, ti na lotou malo loa i le kau Akale mo latou ala na kau mo le kau Akale. Talie i le lolotoga o le tau, na lotou tagi ki le Atua ti na tali loa le Atua kia latou talie na lotou fanaki kiate ia.

Pesalemo 37:3

Ke ke fanaki ki le Eteleno, ti ke fai le nea leia e malie ; Ke ke maua le fenua ko lou nofoaga, ti ke ke fai le malie ko lau nea kai.

Pesalemo 33:18

Ko leinei, e tio a mata o le Eteleno kia latou ala e i kiate ia, Kia latou ala e amanaki malie ki lona agamalie,

Uluaki tosi a Petelo 1:21

Iate ia e kotou tui ki le Atua leia na toe fakatuuake ia a ia mei le kau mate, ti na soli ia kiate ia le kololia, o tupu ke fakatuu lakoutou tui mo lakoutou amanaki malie i le Atua.

Loma 2:12

Ko latou fuli ala na agasala sala lao e mamate loa sala lao, ti ko latou fuli ala na agasala i le lao e fakamaaui loa e le lao.

Esaia 26:3

Ki leia e tuu makeke i ana manatu loto E ke tuku maoki le tokamalie, io, le tokamalie, Talie e fanaki a ia kiate koe.

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Sopo 5:20

E saofaki loa e ia a koe mei le mate i le temi o le oge, Ti mo lou mauli mei le makeke o le seleta i le tau.

Pesalemo 91:7

Pe mamate se tino afe i ou tafa, Ti mo se tino agafulu afe i lou lima atamai, E leaise soko loa a ia o ofi kiate koe.