Selemia 39:16 - Tosi Tapu

¹⁶ Ano o masau kia Epeti-Meleke, le tagata Etiopia, o pati kiate ia : E folafola le Eteleno o kau tau, le Atua o Iselaele, o pati : Ko leinei, e kau aumai loa ki le kolo leinei le veli kae leai le malie, leia kua kau fakasa. E soko loa a ia i aso anei, ti e ke tio loa ki ai.

Selemia 39:16 ပူးပေါင်းရင်းမြစ်များ

Lua tosi o Koloniko 36:21

o tupu ke fakasoko le folafola a le Eteleno leia na fakasa e le polofeta ko Selemia ; E tiaki loa le fenua i fetuu e kau fitu, o kaku ki le oki o lona temi malolo, ke fetogi ai a fetuu malolo ala na leaise taupau.

Pesalemo 92:11

Kae e ke soli mai kiate au le makeke o le pipi vao ; E takai au ki se lolo foou.

Selemia 26:15

Kae ke kotou iloa fua, kapau e kotou tamate au, e kotou amo loa le toto mea, e koutou, mo le kolo leinei, mo lona kakai ; talie na kakau maoki mai au e le Eteleno kia koutou, ke fakasa ki okoutou taliga a folafola fuli anei.

Selemia 26:18

Na kikite a Mikea, mei Moleseti, i le temi o Esekiasi i Suta, ti na pati a ia ki le kakai katoa o Suta : E folafola le Eteleno o kau tau : E fakamalu loa Sione ofaipe se faisaga, E liliu loa Selusalemi ko se tuuga fatu, Ti mo le mauga o le fale ko se ulu vao lalasi.

Selemia 26:20

Na i ai foki se tagata leia na kikite i le suafa o le Eteleno, ko Uli, vosa o Semaesa, mei Kiliate-Sealimi. Na kikite loa a ia ki le kolo leinei mo le fenua leinei o tatau oki mo le nea leia na fakasa e Selemia.

Selemia 34:22

E pati le Eteleno : E kau tuku loa aku fakatotonu ti e kau toe fakaliliu mai loa latou ki le kolo leinei ; e lotou taui loa a ia, ti e lotou maua loa a ia, ti e lotou tutu loa a ia ki le afi. Ti e kau fakaliliu loa a kolo o Suta ko se toafa, sala kakai.

Selemia 35:17

Koia e folafola le Eteleno, le Atua o kau tau, le Atua o Iselaele, o pati : Ko leinei, e kau kakau mai loa ki Suta mo le kakai katoa o Selusalemi a malaia fuli ala kua kau fakasa kia latou, talie kua kau masau kia latou kae na leaise lotou fakalogo, ti kua kau kalaga kia latou kae na leaise lotou tali.

Selemia 36:31

E kau tautea loa a ia mo lona sakoga, mo ana kau tagata fakasausau, o tupu ko alatou agaveli, ti e kau aumai loa kia latou, mo le kakai o Selusalemi, mo tagata o Suta, a malaia fuli ala kua kau fakasa kia latou, kae na leaise lotou fia fakalogo kiate au.

Selemia 40:3

Ti ko leinei, kua fakasoko e le Eteleno, ti kua fai o mulimuli ki ana folafola, ti kua soko a nea anei kia koutou o tupu kua kotou agasala ki le Eteleno, na leaise kotou fakalogo ki lona leo.

Selemia 44:27

Ko leinei, e kau tokaga loa ke fai kia latou le veli kae leai le malie ; ti e mamate loa a tagata fuli o Suta i le fenua o Esipito i le seleta, mo le oge, o kaku ki le fakamulimuli.

Selemia 5:14

Koia e folafola ai le Eteleno, le Atua o kau tau, o pati : O tupu na kotou pati le nea lena, Ko leinei, e kau loto ke fai laku folafola i lou gutu pe se afi, Ti ke fai le kakai leinei pe se fafie, Ti ke tutu a ia e le afi lena ke okioki.

Taniela 9:12

Kua fakasoko e ia a folafola ala na puaki kia matou ti mo omatou pule ala na lagiaki ia matou, na kakau mai e ia kia matou se malaia lasi, ti e leikiaise toe soko se malaia felaaki i le lalo lagi nei, se malaia o tatau mo leia kua soko ki Selusalemi.

Amosi 9:4

Kapau e lotou ano loa ki le popula i mua o olatou fili, E kau fakatotonu loa ki le seleta ke tamate latou i ai ; E kau fakaagaaga loa oku mata kia latou, Ke kau fai se veli kae leai se malie.

Sakalia 1:6

Pe na leaise lave ki okoutou tamana aku folafola mo aku fakatotonu ala na kau tuku ki aku tagata fakasausau ko le kau polofeta ? Na lotou maliu mai, ti na lotou pati : Kua fai e le Eteleno o kau tau kia tatou o mulimuli ki le nea leia na fakapapau e ia ke fai kia tatou o mulimuli ki otou ala mo atatou gaoi.

Mateo 24:35

E puli loa le lagi mo le kele, kae e leaise toe puli loa aku folafola.