Selemia 38:4 - Tosi Tapu

⁴ Ti na pati loa le kau pule ki le sau : E tonu ke tamate le tagata leinei ! O tupu e fakalotogaegae e ia a tagata tau ala koi toe i le kolo leinei, mo le kakai katoa, i lana fai kia latou a tau masau ana ; e leaise afa e le tagata leinei le malie o le kakai, kae e loto a ia ki lona malaia.

Selemia 38:4 ပူးပေါင်းရင်းမြစ်များ

Uluaki tosi o Sau 21:20

Na pati loa Akapo kia Elia : Kua ke toe maua au, ei loku fili ? Ti na tali loa Elia : Kua kau maua a koe, talie kua ke fakatau a koe ke fai le nea leia e veli ki le Eteleno.

Lua tosi o Koloniko 24:21

Ti na fono loa e le kakai ke tamate a ia, ti na lotou tuki fatui loa a ia o mulimuli ki le fakatotonu a le sau, i le lotoa o le fale o le Eteleno.

Esetalasi 4:12

Ke iloa e le sau ko le kau Sutea leia na mavae mei lou fenua ti kua kaku mai kia matou i Selusalemi nei, kua lotou toe laga le kolo agatuu mo agaveli, io, kua lotou laga ona paa ti kua lotou fakafoou ona fakatafito.

Neemia 6:9

Talie na faiga latou fuli ana ke fakaii kia matou, o pati : E lotou loto gaegae loa, ti e leaise fai loa le gaoi. I le lakaga nei, ei loku Atua, ke ke fakamakeke au !

Ekesote 5:4

Ti na pati loa le sau o Esipito kia laua : Moisese mo Alone, kolea e kolua taofi ai le gaoi a le kakai leinei ? Kotou ano ki akoutou gaoi.

Selemia 11:21

Koia e folafola ai le Eteleno ki le kakai o Anatote, Ala e loto ki lou mauli, ti e pati : Aua na ke kikite i le suafa o le Eteleno, Pe ke mate loa i lomatou lima !

Selemia 18:23

Kae ko koe, Eteleno, e ke iloa alatou fonofono veveli fuli ke tamate au. Aua na ke fakamolemole lalatou agaveli, Aua na ke soloi lalatou agasala i ou mua ! Tautea latou i le aso o lou sausau !

Selemia 26:11

Ti na masau loa le kau faisakilifisio mo le kau polofeta ki le kau pule mo le kakai katoa, o pati : E tonu ke mate le tagata leinei, talie kua kikite a ia ki le kolo leinei ofaipe le nea leia kua logo ki ai okoutou taliga.

Selemia 29:7

Kotou afa le malie o le kolo leia kua kau ave popula koutou ki ai, ti kotou kole ki le Eteleno le malie o le kolo, talie e fakalogo lokoutou manuia ki lona manuia.

Selemia 38:16

Ti na fakapapau fakafufu loa le sau ko Setesiasi kia Selemia, o pati : E mauli le Eteleno, leia kua soli ia kia tatou le mauli ! E leaise kau tamate loa a koe, ti e leaise kau tuku loa a koe ki lima o kau tagata anei ala e loto ki lou mauli.

Selemia 38:25

Kapau e iloa loa e le kau pule na kau masau mo koe, ti kapau e lotou natu loa, o pati atu kiate koe : Fakamatala mai kia matou le nea leia na ke fakasa ki le sau, ti mo le nea leia na pati atu le sau ki ai, aua na ke fufu se nea kia matou, ti e leaise motou tamate loa a koe,

Selemia 43:3

Kae ko Paluke, vosa o Nelisa, leia e soka ia a koe kia matou, o tupu ke tuku matou ki lima o le kau Kaletea, ke lotou tamate matou pe lotou ave popula matou ki Papilone.

Esekiele 22:27

Kua fai ona pule pe ni lupo i loto malie o ona, ala e sae ia lalatou nea kai ; kua lotou liligi le toto, ti kua lotou tukipooi a laumalie, o tupu ke fakamakona ai lolatou manumanu koloa.

Amosi 7:10

I le temi lena na fakasa loa e Amatesia, le pelepitelo o Petele, kia Selopoamo, sau o Iselaele : Kua agatuu Amosi kiate koe i loto malie o le fale o Iselaele ; ti e leaise koi mafai ke kataki e le fenua ana masau fuli.

Luka 23:2

Na lotou kamata fakalakasala loa a ia, o pati : Na motou maua le tagata leinei e fakatupu maveuveu ki le kakai, o tapui e ia le totogi o le tukusau kia Sesale, ti na pati a ia ko ia ko Kilisito, ko se sau.

Gaoi 16:20

Ti na lotou ave loa laua ki mua o tui fakamaau Loma, o pati : Ko tagata anei e fakatupu maveuveu i lotatou kolo ;

Gaoi 17:6

Ti i lalatou leaise maua laua, na lotou ave loa Sasone mo ni iki fetaina ki mua o le kau pule o le kolo, o kalaga : Kua fakamaveuveu e latou anei le malama nei katoa, ti kua lotou kaku mai foki ki leinei, ti na fakatalitali latou e Sasone.

Gaoi 24:5

Na motou maua le tagata leinei, leia ko se taumasaki veli, leia e fakatupu ia ni maveuveu i le kau Sutea katoa o le malama nei, leia ko le pule o le magai lotu o le kau Nasaleti,

Gaoi 28:22

Kae e motou fia logo meiate koe totonu pe kolea lau manatu, talie kua motou iloa le fakafesagai i ganea fuli ki le magai lotu lena.