Selemia 38:22 - Tosi Tapu

²² E ave loa a fafine fuli ala na toe i le fale o le sau o Suta ki le kau pule a le sau o Papilone, ti e lotou pati loa : Na kakaai a koe, ti na pulei a koe e latou ala na fakasa ia kiate koe le tokamalie ; ti ko leinei kua ogo ou vae i le pela, kua lotou sosola.

Selemia 38:22 ပူးပေါင်းရင်းမြစ်များ

Sopo 6:15

Kua fai kaka oku kaukaunea kiate au ofaipe se liua, Ofaipe se liua kua malo lona tafeaga.

Pesalemo 41:9

E veli lona masaki, Ko lena kua moe a ia i lalo, e leaise toe tuu loa a ia ki aluga !

Pesalemo 69:14

Kae ko au, ei Eteleno, e kau fai kiate koe laku kole ! Ei Atua, ko le temi faigamalie leinei ke ke fakalogo mai kiate au, i lou agamalie lasi ! Ke ke fakamaoki mai kiate au lau tokoi !

Pesalemo 69:2

Fakamauli au, ei Atua ! Talie kua ulu a vai ki loku mauli.

Esaia 42:17

E lotou solomuli loa, e lotou luma loa, Latou ala e fanaki ki taulaatua ta, Latou ala e pati ki taulaatua ukamea saka : Ko koutou ko omatou atua !

Selemia 13:21

Kolea loa lau pati ki lou tautea e ia ? Ko koe totonu leia na ako ia latou ke liliu ko ou pule. Pe leaise maua fakafokifa loa a koe e mamae Ofaipe mamae o se fafine fanau ?

Selemia 20:10

Talie e kau logo ki masau veli a le toka api kiate au : Kua taka le fakaii i potu fuli. Kotou tukugavelii a ia, ti e motou tukugavelii loa a ia ! Kua lamalama au e latou fuli ala na tokamalie mo au pe kau siga, o pati : E siga loa a ia i se temi ti tou tapo loa a ia, Ti e tou pule loa kiate ia, E tou totogi loa kiate ia !

Selemia 27:14

Aua na kotou fakalogo ki folafola a kau polofeta ala e pati atu kia koutou : E leaise kotou tausi loa ki le sau o Papilone ! Talie ko le loi leia e lotou fakasa atu kia koutou.

Selemia 27:15

E pati le Eteleno : Na leaise kau kakau atu latou, kae e lotou kikite le loi i loku suafa, o tupu ke kau kapu koutou ti ke kotou mamate, a koutou mo kau polofeta ala e kikite kia koutou.

Selemia 38:19

Ti na pati loa le sau ko Setesiasi kia Selemia : E kau i ki le kau Sutea ala kua sosola ki le kau Papilone ; talie na lotou tuku au ki olatou lima, ti ke lotou gologolo kiate au.

Selemia 38:21

Kae kapau e ke fakafiti ke mavae, ti ko leinei le nea leia kua fakasa mai e le Eteleno kiate au :

Selemia 41:10

Na fakapilisoni loa e Isemaele latou fuli ala na toe i Misipa, a taineliki o le sau mo latou fuli o le kakai leia na nonofo i ai, latou ala na tuku e Nepusalatane, pule o tagata leo, kia Ketalia, vosa o Asikame. Ti na ave fakapopula loa latou e Isemaele, vosa o Netania, ti na ano loa a ia ki le kau Amone.

Selemia 43:6

A tagata, mo fafine, mo fanau, mo taineliki o le sau, mo le kakai katoa leia na tuku e Nepusalatane, pule o le kau leo, ke nonofo mo Ketalia, vosa o Asikame, vosa o Safani, mo Selemia, le polofeta, mo Paluke, vosa o Nelisa.

Selemia 46:21

E saele ana kau solia totogi mo ia ofaipe ni uviki pipi na fakapepeti. Kae ko latou foki, e lotou titua, e lotou sosola fuli sala ga fakatutuu fua. Talie kua soko le aso o lolatou malaia, Le aso o lolatou tautea.

Selemia 46:5

Kolea e kau tio ki ai ? E lotou i, e lotou solomuli ; Kua lava olatou tagata toa ; Kua lotou sosola, e leaise lotou toe tio ki muli… Kua takatakai latou e le i, e pati le Eteleno.

Selemia 6:12

E tuku loa olatou fale ki ni iki, Mo olatou faisaga ti mo alatou avaga, I le aso leia e falo ai loa loku lima ki le kakai o le fenua, E pati le Eteleno.

Selemia 8:10

Koia e kau soli ai loa alatou avaga ki ni tagata kese, Ti mo alatou faisaga kia latou ala e fakamativa ia loa latou. Talie mei leia e ikiiki oki o kaku ki leia e mauiga, E lotou manumanu nea fuli ; Mei le polofeta o kaku ki le tagata faisakilifisio, E lotou fai nea fuli i le kaka.

Tagi laulau a Selemia 1:13

Na ti e ia mei aluga se afi ke tutu ia oku ivi ; Na fakatuu e ia se masele i oku vae, Na sigai e ia au ki muli ; Na ti e ia au ki le tiakina, ki le gaegae i aso fuli.

Tagi laulau a Selemia 1:2

E tagi a ia i le pouli, Ti kua apele ona kalaafau i loimata ; E leaise tasi e fakapelepele ia a ia ia latou fuli ala na alofa kiate ia ; Kua agatuu ona kaukau nea fuli kiate ia, Kua lotou liliu ko ona fili.

Tagi laulau a Selemia 5:11

Na lotou fakamatagafua a fafine i Sione, Mo taupoou i kolo o Suta.

Mikea 7:5

Aua na ke tui ki se kaukau nea, Aua na ke fanaki ki sou kaiga totonu ; Tapono matapa o lou gutu I mua o le fafine leia e malolo i lou fatafata.