Selemia 38:20 - Tosi Tapu

²⁰ Ti na tali loa Selemia : E leaise tuku loa a koe kia latou. Fakalogo ki le leo o le Eteleno i le nea leinei kua kau fakasa kiate koe ; e ke maua loa i ai le malie, ti e ke mauli loa.

Selemia 38:20 ပူးပေါင်းရင်းမြစ်များ

Senesi 12:13

E kau kole atu kiate koe ke ke pati loa, ko loku tuagaane a koe, o tupu ke lotou agamalie kiate au o tupu ko koe, ti ke lotou fakamauli loa au o tupu ko koe.

Senesi 19:20

Ko leinei, e ofi mai le kolo leinei ke kau sola ki ai, ti e ikiiki a ia. Oi ! Ke mafai laku sola ki ai… Pe leaise ikiiki a ia ?… ti ke kau mauli !

Lua tosi o Koloniko 20:20

I leia ake a aso, na lotou usuusu loa ki le toafa o Tekoa. I mua o lalatou mavae, na tuu loa Sosafate i olatou mua, o pati : Kotou fakalogo mai kiate au, Suta mo le kakai o Selusalemi ! Kotou fanaki ki le Eteleno lokoutou Atua, ti e kotou tuu makeke loa ; kotou fanaki ki ana polofeta ti e kotou manuia loa.

Taagapati 4:4

I le temi lena, na ako e ia au, ti na pati a ia kiate au : Ke fakamaumau e lou loto aku masau ; Taupau aku pelesepeto, ti e ke mauli loa.

Taagapati 7:2

Tausi aku pelesepeto, ti e ke mauli loa ; Taupau aku akonaki ofaipe le fa tiloga o ou fa mata.

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Selemia 11:4

Leia na kau tuku ki okoutou tamana, I le aso leia na kau fakamavae ai latou mei le fenua o Esipito, Mei le gutuumu ukamea kaka, o pati : Kotou fakalogo ki loku leo, ti kotou fai a nea fuli ala e kau fakatotonu atu loa kia koutou ; Ti e kotou liliu loa ko loku kakai, Ti e kau liliu loa ko lokoutou Atua.

Selemia 11:8

Kae na leaise lotou fakalogo, Na leaise tokaga olatou taliga, Na lotou tasi mulimuli ki oli o lolatou loto veli ; Koia na kau fakasoko ai kia latou a kupu fuli o le sai leinei, Leia na kau fakatotonu ke lotou tausi, ti na leaise lotou tausi.

Selemia 26:13

I le lakaga nei, kotou fetogi okoutou ala mo akoutou gaoi, kotou fakalogo ki le leo o le Eteleno, lokoutou Atua, ti e fakasemala loa le Eteleno ki le veli leia kua fakatotonu e ia ke fai kia koutou.

Selemia 38:21

Kae kapau e ke fakafiti ke mavae, ti ko leinei le nea leia kua fakasa mai e le Eteleno kiate au :

Selemia 7:23

Kae ko leinei le fakatotonu leia na kau tuku kia latou : Kotou fakalogo ki loku leo, Ti e kau liliu loa ko lokoutou Atua, Ti e kotou liliu loa ko loku kakai ; Kotou saele i ala fuli ala na kau fakatotonu atu kia koutou, O tupu ke kotou manuia.

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Amosi 5:4

Talie e folafola le Eteleno ki le fale o Iselaele, o pati : Kotou afa au ! ti e kotou mauli loa !

Amosi 5:6

Kotou afa le Eteleno, ti e kotou mauli loa ! Kotou i na too e ia ofaipe se afi le fale o Sosefo, Ti na kai a ia e le afi lena, kae leai se tasi i Petele ke tamate ia le afi !

Gaoi 26:29

Ti na tali loa Paulo : Pe soko vave a ia pe soko tuvai, e kau kole ki le Atua ke aua na gato fua kiate koe, kae kia latou fuli foki ala e fakalogo mai kiate au i le aso nei, ke kotou liliu ofaipe au, kae sala fua mo tini anei !

Lua tosi ki le kau Kolinto 5:11

I lama iloa le sausau o le Aliki, e ma faiga ke fakalotoi a tagata ; e iloa maua e le Atua, ti e kau amanaki e kotou iloa foki maua i okoutou loto.

Lua tosi ki le kau Kolinto 5:20

Ti ko leinei, e ma fai a gaoi a tagata fakafofoga o Kilisito, o sakinake e fakakolekole le Atua ia maua ; e ma kolekole atu kia koutou i le igoa o Kilisito : Kotou fakatokatoka mo le Atua !

Lua tosi ki le kau Kolinto 6:1

Talie e ma kaukau gaoi mo le Atua, e ma fakakolekole foki kia koutou ke aua na kotou tuku ke to noa le kalasia o le Atua.

Sakopo 1:22

Kotou fai le folafola, kae aua fai na gato i lakotou logo ki ai, o kotou kakai ai koutou totonu ki ni fakakaukau sala.