Selemia 38:19 - Tosi Tapu

¹⁹ Ti na pati loa le sau ko Setesiasi kia Selemia : E kau i ki le kau Sutea ala kua sosola ki le kau Papilone ; talie na lotou tuku au ki olatou lima, ti ke lotou gologolo kiate au.

Selemia 38:19 ပူးပေါင်းရင်းမြစ်များ

Lua tosi o Koloniko 30:10

Na ano loa le kau tagata avelogo i kolo fuli o le fenua o Efalaimi mo Manase, o kaku ki Sapulone. Kae na kakata mo gologolo kia latou.

Neemia 4:1

I le logo a Sanepala kua motou toe lagai le paa fatu, na ita lasi loa a ia, o fakainaina kia matou.

Sopo 31:34

Talie na kau i ki le toka api, Ti na vesia mai kiate au ni famili, Ti na leaise kau masau ai, kae kau nofo i loku fale…

Taagapati 29:25

Ko le i ki tagata ko se masele, Kae ko leia e fanaki ki le Eteleno e puipui a ia.

Esaia 57:11

Ti ko ai na ke tuania ia mo ke i ki ai, ke ke agatuu ai, Ke aua na ke manatu ai kiate au, ke aua na ke tokaga ai kiate au ? Pe na leaise kau fakalologo talu mei fualoa ? Koia leia na leaise i ai kiate au.

Selemia 20:7

Eteleno, na ke akonaki mai kiate au, ti na kau tui ki au folafola ; Na ke too au ki lou lima, ti na ke malo iate au. Ti kua kau liliu ko se nea fakagologolo i le aso katoa, Kua gologolo le fenua katoa kiate au.

Selemia 38:22

E ave loa a fafine fuli ala na toe i le fale o le sau o Suta ki le kau pule a le sau o Papilone, ti e lotou pati loa : Na kakaai a koe, ti na pulei a koe e latou ala na fakasa ia kiate koe le tokamalie ; ti ko leinei kua ogo ou vae i le pela, kua lotou sosola.

Selemia 38:5

Ti na tali loa le sau ko Setesiasi : Ko leinei kua tuku atu a ia ki okoutou lima ; talie e leaise mafai e le sau se nea kia koutou.

Selemia 39:9

Ti na ave loa e Nepusalatane, pule o le kau leo, o fakapopula i Papilone latou o le kakai ala na nofo i le kolo, mo latou ala na ano kiate ia, ti mo le toetoega o le kakai.

Soane 12:42

Kae na tui loa kiate ia se toka api i le kau pule foki ; kae o tupu ko le kau faliseo, na leaise lotou fakasa a ia, talie na kapu latou mei le sinakoka.

Tuifakamaau 16:25

I le lasi o le fiafia o olatou loto, na lotou pati loa : Ke aumai Samisoni, ti ke fai e ia ni manogi ke fakafiafia ai otou loto ti ke tou kakata ai. Na lotou too loa Samisoni mei loto o lona pilisoni, ti na lotou kakata loa i le tio kiate ia. Na lotou fakatuu loa a ia i loto malie o pou o le fale tapu.

Tuifakamaau 9:54

Ti na pati fakatavili loa Apimeleke ki le tama tupulaga leia na too ia ana masafu : ke ke tosoi lau seleta, ti ke ke fakaoki loku mauli, ke aua na lau loa kiate au : Na tamate a ia e le fafine. Na tooi loa e le tama tupulaga lana seleta kia Apimeleke, o mate ai loa a ia.

Uluaki tosi a Samuele 15:24

Ti na pati loa Saulo kia Samuele : Kua kau agasala, talie kua kau maumaui le fakatotonu a le Eteleno, ti na leaise kau fakalogo ki au masau ; na kau i ki le kakai, ti na kau fakalogo ki lona leo.

Uluaki tosi a Samuele 31:4

Na pati loa Saulo ki leia na amo ia ana masafu : Tosoi lau seleta, ti ke sukii au, ke aua na au a nea pagani ana o tamate au mo nukinuki kiate au. Kae na leaise loto leia na amo ia ana masafu, talie na maua loa e ia se i lasi.