Selemia 38:17 - Tosi Tapu

¹⁷ Ti na pati loa Selemia kia Setesiasi : E folafola le Eteleno, le Atua o kau tau, le Atua o Iselaele, o pati : Kapau e ke ano loa ki le kau pule a le sau o Papilone, e ke mauli loa, ti e leaise tutu loa le kolo leinei ; io, e ke mauli loa, a koe mo lou fale.

Selemia 38:17 ပူးပေါင်းရင်းမြစ်များ

Senesi 12:13

E kau kole atu kiate koe ke ke pati loa, ko loku tuagaane a koe, o tupu ke lotou agamalie kiate au o tupu ko koe, ti ke lotou fakamauli loa au o tupu ko koe.

Lua tosi o Sau 24:12

Ti na ano loa Sosakini, sau o Suta, ki le sau o Papilone, mo lona tinana, mo ana tagata fakasausau, mo ana kau tagata pule, ti mo ana kau enuke. Ti na fakapilisoni loa a ia e le sau o Papilone i le fetuu valu o lana sau.

Lua tosi o Sau 25:27

I le fetuu kau tolu tupu fitu o le popula o Sosakini, sau o Suta, i le aso kau lua tupu fitu o le kau agafulu tupu lua o masina, na toe lagai loa e Evile-Melotake, sau o Papilone, i le uluaki fetuu o lana sau, le fa ulu o Sosakini, sau o Suta, o fakamavae a ia mei le pilisoni.

Uluaki tosi o Koloniko 17:24

Io, fakasoko a ia, o tupu ke fakakololia ki lou suafa o lee gato, ti ke pati : Ko le Eteleno o malama nei ko le Atua o Iselaele, ko se Atua a ia ki Iselaele ! Ti ke tuu makeke i ou mua le fale o Tavite, lau tagata fakasausau !

Esetalasi 9:4

Na fakatasi mai loa ki oku tafa latou fuli ala na i ki folafola a le Atua o Iselaele, o tupu ko le patigataa o vosa o le popula ; ti ko au, na kau tonatona loa i le mamae o kaku ki le temi o le moliga o le afiafi.

Sopo 23:13

Kae kua oki lana fakatuutuu i le fai ; ko ai e toe fakatuu ia loa a ia ? E fai e ia le nea leia e oli ki ai lona loto.

Pesalemo 80:14

E sue a ia e le puaka vao o le vaomatua, Ti e kai a ia e manu o le ulu fenua.

Pesalemo 80:7

E ke fakaliliu matou ko se nea ke visi ai ala e nonofo i omatou tafatafa, Ti e kakata omatou fili kia matou.

Selemia 27:12

Na kau fakasa foki a nea fuli anei kia Setesiasi, sau o Suta : Kotou peluki lokoutou ua o tali le amoga a le sau o Papilone, kotou fakalogo kiate ia mo lona kakai, ti e kotou mauli loa.

Selemia 27:17

Aua na kotou fakalogo kia latou ; kotou fakalogo ki le sau o Papilone, ti e kotou mauli loa. Kolea e liliu ai loa le kolo leinei ko se kolo maumau ?

Selemia 27:8

Ti kapau e leaise fia fakalogo loa se kakai, pe ko se puleaga, kiate ia, Nepukatenesale, sau o Papilone, ti e leaise fia tuku loa e ia lona ua ke tau ki ai le amoga a le sau o Papilone, e kau tautea loa le puleaga lena ki le seleta, mo le oge, mo le taumasaki, e pati le Eteleno, o kaku ki laku maumaui a ia ki le lima o le sau o Papilone.

Selemia 38:2

E folafola le Eteleno, o pati : Ko leia e nofo loa i le kolo leinei e mate loa i le seleta, mo le oge, mo le taumasaki ; kae ko leia e mavae loa o ano ki le kau Kaletea e saofaki loa e ia lona mauli ; ti ko lona totogi ko lona mauli, io, e mauli loa a ia.

Selemia 39:3

Ti na au loa a kau pule fuli a le sau o Papilone, o nofo i le matapa i loto malie : ko Nekale-Saletesele, mo Samekale-Nepu, mo Salesekime, pule o le kau enuke, mo Nekale-Saletesele, pule o le kau masi, mo la ake kau pule fuli a le sau o Papilone.

Selemia 40:9

Ti na fakapapau loa Ketalia, vosa o Asikame, vosa o Safani, kia latou mo alatou kakai, o pati : Aua na kotou i ki le tausi ki le kau Kaletea ; kotou nonofo i le fenua, ti kotou tausi le sau o Papilone, ti e kotou malie loa i ai !

Selemia 44:7

I le aso nei, e folafola le Eteleno, le Atua o kau tau, le Atua o Iselaele : Kolea e kotou fai ai kia koutou totonu se veli lasi felaaki, ke tuuti ai mei loto malie o Suta a tagata, mo fafine, mo fanau, mo toe memea, ke aua na toe maua loa se ga toetoega o koutou ?

Esekiele 8:4

Ti ko leinei, na i ai le kololia o le Atua o Iselaele, ofaipe laku tio ki ai i le tio i le vaivailiua.

Amosi 5:27

Ti e kau ave loa koutou o fakapopula i muli atu o Tamaso, E pati le Eteleno, leia ko lona igoa ko le Atua o kau tau.