Selemia 32:8 - Tosi Tapu

⁸ Ti na au loa kiate au Anameele, vosa o loku tuatinana, o mulimuli ki le folafola a le Eteleno, i le malae o le pilisoni, ti na pati mai loa a ia kiate au : Totogi laku faisaga leia e tuu i Anatote, i le fenua o Pesamino, talie ko koe leia e tonu ke maua tofiga a ia ti e tonu ke totogi ia a ia, totogi a ia ! Na kau iloa loa ko le folafola a ia a le Eteleno.

Selemia 32:8 ပူးပေါင်းရင်းမြစ်များ

Uluaki tosi o Sau 2:26

Na pati loa le sau ki le tagata faisakilifisio ko Apiatale : Ano ki ou kele i Anatote, talie e tonu a koe ke mate ; kae e leaise kau tamate loa a koe i le aso nei, talie na ke amo ia le aleka o le Aliki, le Eteleno, i mua o Tavite, loku tamana, ti na ke kau ki mamae fuli o loku tamana.

Uluaki tosi o Sau 22:25

Na tali loa Mikea : E ke tio loa ki ai i le aso leia e ke sola ai loa mei leia kogafale ki leia kogafale o mumuni.

Uluaki tosi o Koloniko 6:60

Na soli loa ki le faasiga o Pesamino a Kepa mo ona tafatafa, mo Alemete mo ona tafatafa, mo Anatote mo ona tafatafa. Ko le lasi o olatou kolo ko le kau agafulu tupu tolu, o mulimuli ki olatou famili.

Selemia 1:1

Masau a Selemia, vosa o Ilekisa, ko se tasi i le kau faisakilifisio o Anatote, i le fenua o Pesamino.

Selemia 32:2

Na takatakai e le solia a le sau o Papilone a Selusalemi i le temi a ia ; ti na tuku a Selemia, ko le polofeta, i le malae o le pilisoni leia na tuu i le fale o le sau o Suta.

Selemia 32:25

Kae logo ai le nea aia, Aliki Eteleno, na ke pati mai kiate au : Totogi se faisaga ki le paaga, too ni tagata fakamaoki… Ti ko leinei, kua tuku le kolo ki lima o le kau Kaletea !

Selemia 32:7

Ko leinei e au loa a Anameele, le vosa o lou tuatinana ko Salume, o pati atu kiate koe : Totogi laku faisaga leia e tuu i Anatote, talie e ke maua le lao o le toe totogi ke ke maua a ia.

Selemia 33:1

Na tuku loa le folafola a le Eteleno kia Selemia, ko lona tua lua, ka koi nofo a ia i le malae o le fale pilisoni, o pati :

Selemia 37:12

Na loto Selemia ke mavae mei Selusalemi, o ano ki le fenua o Pesamino, o sola mei le kakai.

Esekiele 12:7

Na kau fai ki le nea leia na fakatotonu mai kiate au : Na kau too loa i le ao a kavega ki loku fanoga, ti na kau puui loa le kaua ki loku lima i le afiafi, ti na kau fakaulu aku nea fanoga ki fafo i le pouli, ti na kau teki loa latou ki loku tuauma i olatou mua.

Sakalia 11:11

Na motusi loa le sai i le aso lena ; ti ko ovi fakaaloalofa ala na tokaga kiate au, na fakamaoki loa i ai ki le folafola a le Eteleno.

Soane 4:53

Na iloa loa e le tamana ko le ola fai lena na pati ai Sesu kiate ia : Kua mauli lou vosa. Ti na tui loa a ia, a ia mo lona fale katoa.