Selemia 32:7 - Tosi Tapu

⁷ Ko leinei e au loa a Anameele, le vosa o lou tuatinana ko Salume, o pati atu kiate koe : Totogi laku faisaga leia e tuu i Anatote, talie e ke maua le lao o le toe totogi ke ke maua a ia.

Selemia 32:7 ပူးပေါင်းရင်းမြစ်များ

Uluaki tosi o Sau 14:5

Na pati loa le Eteleno kia Akisa : E au loa le avaga o Selopoamo kiate koe o uiga mo lona tama, talie e masaki. E ke masau loa kiate ia o felaaki mo felaaki. Ka kaku mai loa a ia, e tuku loa e ia ko se tasi ake fafine.

Selemia 1:1

Masau a Selemia, vosa o Ilekisa, ko se tasi i le kau faisakilifisio o Anatote, i le fenua o Pesamino.

Selemia 11:21

Koia e folafola ai le Eteleno ki le kakai o Anatote, Ala e loto ki lou mauli, ti e pati : Aua na ke kikite i le suafa o le Eteleno, Pe ke mate loa i lomatou lima !

Selemia 32:6

Ti na pati loa Selemia : Na tuku mai kiate au le folafola a le Eteleno, o pati :

Selemia 32:8

Ti na au loa kiate au Anameele, vosa o loku tuatinana, o mulimuli ki le folafola a le Eteleno, i le malae o le pilisoni, ti na pati mai loa a ia kiate au : Totogi laku faisaga leia e tuu i Anatote, i le fenua o Pesamino, talie ko koe leia e tonu ke maua tofiga a ia ti e tonu ke totogi ia a ia, totogi a ia ! Na kau iloa loa ko le folafola a ia a le Eteleno.

Levitiko 25:23

Aua na ke fakatau loa se kele o tukupau : talie ko le fenua a aku, talie e kotou nonofo i loku kaiga ofaipe ni matapule, mo ni iki ala e nonofo fakatemi.

Levitiko 25:24

I le fenua katoa leia ka kotou maua ia loa, e kotou fakatuu loa ki le kele le lao o le toe totogi.

Levitiko 25:25

Kapau e liliu loa o mativa lou taina ti e fakatau loa e ia se koga o lona kele, e au loa lona famili ofi o toe totogi le kele o lona taina.

Levitiko 25:34

E leaise feala loa ke fakatau a faisaga ala e tuu i tafatafa o kolo o le kau Levi ; talie ko olatou tofiga ana o lee gato.

Levitiko 25:49

E feala loa ke toe totogi a ia e se taina o lona tamana, pe ko sona taina mataitama, pe ko se tasi o lona famili. E feala foki kiate ia totonu ke toe totogi e ia a ia mo kapau e maua loa e ia le totogi.

Numelo 35:2

Fakatotonu ki fanau a Iselaele ke lotou soli ki le kau Levi ni kolo i olatou tofiga, ke lotou nonofo ai. Ke lotou soli foki mo faisaga ala e tuu i tafatafa o kolo ana.