Selemia 32:5 - Tosi Tapu

⁵ E ave loa Setesiasi e le sau o Papilone ki Papilone, ti e nofo loa a ia i Papilone o kaku ki laku toe manatui loa a ia, e pati le Eteleno. Kapau e kotou tau ki le kau Kaletea, e leaise kotou maua loa se manuia.

Selemia 32:5 ပူးပေါင်းရင်းမြစ်များ

Lua tosi o Koloniko 13:12

Ko leinei, e nofo le Atua mo ana tagata faisakilifisio mo matou, e lotou takitaki matou, ti e motou maua a fakatagi pupusi ke pupusi o fakafesagai kia koutou. Fanau o Iselaele, aua na kotou tau ki le Eteleno, le Atua o okoutou tamana, talie e leaise kotou malo loa.

Lua tosi o Koloniko 24:20

Na ifo loa le Laumalie o le Atua kia Sakalia, vosa o le tagata faisakilifisio ko Seosata, ti na ano loa a ia ki mua o le kakai, o pati kia latou : Ko leinei le folafola a le Atua : Kolea e kotou maumaui ai a folafola a le Eteleno ? E leaise kotou manuia loa ; o tupu na kotou tiaki le Eteleno, kua tiaki loa e ia koutou.

Taagapati 21:30

E leaise tuu se poto, pe ko se atamai, Pe ko se tokoi i mua o le Eteleno.

Selemia 2:37

Mei lena foki e ke mavae loa, mo lima i le ulu ; Talie e tiaki e le Eteleno latou ala e ke fanaki ki ai, Ti e leaise ke manuia loa i olatou tafa.

Selemia 27:22

E ave loa latou ki Papilone, ti e tuku loa latou i ai o kaku ki le aso leia e kau afa ai loa latou, ti e kau too loa latou mei ai, o toe aumai latou ki le ganea leinei, e pati le Eteleno.

Selemia 32:24

Ko leinei, kua laga ni palepale tau ki le kolo ti kua lotou valoki a ia. E tuku loa le kolo ki lima o le kau Kaletea ala e osoi ia a ia, Ti e lava loa a ia i le seleta, mo le oge, ti mo le taumasaki. Kua soko le nea leia na ke pati ki ai, ti e ke tio ki ai.

Selemia 32:6

Ti na pati loa Selemia : Na tuku mai kiate au le folafola a le Eteleno, o pati :

Selemia 33:5

I le aso leia e kotou ano ai loa o tau ki le kau Kaletea, Ti e lotou apele ai loa i mate o tagata, Ti e kau tamate ai loa i loku sausau mo loku ita lasi ; Ti e kau fufu loa oku mata ki le kakai o Selusalemi, O tupu ko le lasi o lana agaveli.

Selemia 37:10

Ti kapau foki e kotou tamate loa le solia katoa a le kau Kaletea leia e tau kia koutou, ti kapau foki e toe loa ia latou ni kau lavelavea ata, e lotou toe tutuu ake loa o taki toka tasi mei lona falela, ti e lotou tutu loa le kolo leinei ki le afi.

Selemia 39:4

I le tio loa a Setesiasi, sau o Suta, mo kau tagata tau fuli kia latou, na lotou sosola loa, ti na lotou mavae loa mei le kolo i le pouli i le ala o le oloto o le sau, mo le matapa i loto o paa e lua, ti na lotou too loa le ala o le toafa.

Selemia 39:5

Kae na tuli loa latou e le solia a le kau Kaletea, ti na tapo loa e ia Setesiasi i le toafa o Seliko. Na lotou too loa a ia, o ave kia Nepukatenesale, sau o Papilone i Lipela, i le fenua o Amati ; ti na fakamaui loa e ia aia i ai.

Selemia 39:7

Ti na fakatotonu e ia ke kape a mata o Setesiasi, ti ke saisai a ia ki ni tini sila, o ave ki Papilone.

Tagi laulau a Selemia 1:14

Na sai e lona lima le kavega o aku agaveli ; Ti na lotou fui ia ti mo sai ia loku ua ; Na fatii e ia loku makeke ; Na tuku au e le Aliki ki ni lima ala e leaise mafai ke kau tuu ki ai.

Esekiele 12:12

Ko le pule leia e nofo i loto malie o latou, E teki ia loa lana kavega ki lona ua i le pouli, ti e ano loa ; E puui loa le paa ke fakaulu ai a ia ki fafo ; E pulou loa ona mata, Ke aua na tio ona mata ki le kele.

Esekiele 12:13

E kau folasi loa laku kupega kiate ia, Ti e maua loa a ia i laku masele ; E kau ave loa a ia ki Papilone, ki le fenua o le kau Kaletea ; Kae e leaise tio loa a ia ki ai, ti e mate loa a ia i ai.

Esekiele 17:15

Kae na agatuu a ia kiate ia, o kakau ni ana tagata avelogo ki Esipito, o tupu ke lotou aumai i ai kiate ia se kau osi mo se kau solia lasi. Pe manuia loa leia na fai ia le nea lena ? pe sao loa a ia ? Kua maumaui e ia le sai, ti e sao feaki loa a ia !

Numelo 14:41

Na pati loa Moisese : Kolea e kotou maumaui ai le fakatotonu a le Eteleno ? E leaise manuia loa le nea lena kia koutou.