Selemia 32:34 - Tosi Tapu

³⁴ Kae na lotou fakatuu olatou fakatata fakalialia I le fale leia e fetapa ai ki loku suafa, O tupu ke fakakelekele a ia.

Selemia 32:34 ပူးပေါင်းရင်းမြစ်များ

Lua tosi o Sau 21:1

Na sau Manase i lona fetuu kau agafulu tupu lua, ti na sau loa a ia i fetuu e kau lima tupu lima i Selusalemi. Na igoa lona tinana ko Efesipa.

Lua tosi o Sau 23:6

Na too loa e ia mei le fale o le Eteleno le fakatata o Asetalate, leia na ave loa e ia ki le tua kolo o Selusalemi ki le liua o Setolone ; na tutu loa e ia a ia i le liua o Setolone o okioki, ti na laku loa e ia le mugalafu ki tanuma o fanau o le kakai.

Lua tosi o Koloniko 33:15

Na fakapuli loa e ia mei le fale o le Eteleno a taulaatua mo le fakatata leia na ta e ia, ti na maumaui loa e ia a aletale fuli ala na fau e ia i le mauga o le fale o le Eteleno mo Selusalemi ; ti na laku loa e ia latou ki le tua kolo.

Lua tosi o Koloniko 36:14

Na toe liuga foki e le kau pule fuli o le kau tagata faisakilifisio mo le kakai alatou agatuu, o fakatatau ki aga fakalialia fuli a atu puleaga ; ti na lotou fakakelekele loa le fale o le Eteleno, leia na fakatapui e ia i Selusalemi.

Selemia 19:4

O tupu kua lotou tiaki au, ti kua lotou fakakelekele le ganea leinei, Kua lotou momoli i ai le iseso ki ni atua kese Ala na leaise lotou iloa, e latou, mo olatou tamana, mo sau o Suta, Ti kua lotou fakaapele le ganea leinei ki le toto mea ;

Selemia 23:11

Kua fakalialia le kau polofeta mo le kau faisakilifisio ; Ti kua kau maua foki i loku loto fale totonu alatou agaveli, E pati le Eteleno.

Selemia 30:14

Kua galoi a koe e latou fuli ala na alofa kiate koe, E leaise tasi fua koi afa kiate koe ; Talie kua kau taai a koe ofaipe se fili, Io, kua kau tautea fakamakeke a koe, O tupu ko le lasi o au agaveveli, O tupu ko le mauke o au agasala.

Selemia 34:15

Kae ko koutou, kua kotou toe maliu mai, o fai le nea leia e totonu ki oku mata, o kotou tuku okoutou fetaina ke lauatea, ti kua kotou fai se fakapapau i oku mua, i le fale leia e kalagai ai loku suafa.

Selemia 44:4

Na kau kakau atu kia koutou aku tagata fakasausau, le kau polofeta, na kau kakau atu latou koi usu, ke pati kia koutou : Aua na kotou fai a nea fakalialia ana, ala e kau vesia ki ai.

Selemia 7:10

Ti oki, ti kotou au o tutuu i oku mua, I le fale leinei e fetapa ai ki loku suafa, Ti e kotou pati : Kua saofaki matou !… Ti e kotou soko atu aifai le fai o nea fakalialia fuli ana !

Selemia 7:30

Talie na fai e fanau a Suta le nea leia e veli ki oku mata, E pati le Eteleno ; Na lotou fakatuu alatou nea fakalialia i le fale leia e fetapa ai ki loku suafa, O tupu ke fakakelekelei ai latou.

Selemia 7:31

Na lotou fakatuu ni ganea taualuga i Tofete, i le vaivailiua o Pene-Inome, ke tutu ai i le afi olatou vosa mo olatou taineliki : Nea leia na leaise kau fakatotonu fua ke fai, Nea leia na leaise au fua ki laku fakakaukau.