Selemia 32:22 - Tosi Tapu

²² Na ke soli kia latou le fenua leinei, Leia na ke fakapapau ki olatou tamana ke soli kia latou, Fenua leia e sali ai le sua u mo le meli.

Selemia 32:22 ပူးပေါင်းရင်းမြစ်များ

Senesi 13:15

talie ko le fenua katoa leia e ke tio ki ai, e kau soli atu loa a ia kiate koe mo lou sakoga, o tuumau.

Senesi 24:7

Ko le Eteleno, le Atua o le lagi, leia na fakamavae ia au mei le fale o loku tamana mo loku fenua, leia na masau mai kiate au o fakapapau feneeki mai : E kau soli loa le fenua leinei ki lou sakoga. E kakau loa e ia totonu lana aselo i ou mua ; ti e ke aumai loa mei le ganea lena se avaga ki loku vosa.

Senesi 50:24

Na pati loa Sosefo ki ona fetaina : Kua tatae loku temi mate ; kae e fakatele maoki loa le Atua kia koutou, ti e fakamavae loa e ia koutou i le fenua leinei ki le fenua leia kua fakapapau e ia ke soli kia Apalaamo, mo Isaake, mo Sakopo.

Neemia 9:15

Na ke soli loa kia latou se pane mei lagi, i le temi leia na lotou fia kai ai, ti na ke fakasali loa se vai mei le utu i le temi leia na lotou fia inu ai.

Ekesote 13:5

Ka fakaulu loa a koe e le Eteleno ki le fenua o le kau Kanaane, mo le kau Eti, mo le kau Amole, mo le kau Evi, ti mo le kau Sepusi, fenua leia na fakapapau e ia ki ou tamana ke soli kiate koe, fenua leia e tafe ai le sua manu mo le meli, e ke fai loa ki le Eteleno le atolasio leinei i le masina totonu leinei.

Ekesote 3:17

ti kua kau pati : E kau fakamavae loa koutou mei Esipito, mei le ganea leia e kotou mamae ai, ti e kau ave loa koutou ki le fenua o le kau Kanaane, mo le kau Eti, mo le kau Amole, mo le kau Felesi, mo le kau Evi, mo le kau Sepusi, ki se fenua leia e tafe ai le sua manu mo le meli.

Ekesote 3:8

Kua kau ifo mai o fakamauli latou mei lima o le kau Esipito, mo fakamavae latou mei le fenua lena ki se fenua malie mo laulasi, ki se fenua leia e tafe ai le sua manu mo le meli, ki le fenua leia e nofo ai le kau Kanaane, mo le kau Eti, mo le kau Amole, mo le kau Felesi, ti mo le kau Sepusi.

Selemia 11:5

Ti e kau fakasoko loa le fakapapau leia na kau fai ki okoutou tamana, Ke soli kia latou se fenua leia e tafe ai le sua u mo le meli, Ofaipe le nea leia e kotou tio ki ai i le aso nei. Ti na kau tali loa : Amene, Eteleno !

Esekiele 20:15

I le toafa, na kau siki loa loku lima kia latou, o tupu ke aua na taki latou ki le fenua leia na kau fakatuutuu kia latou, fenua leia e tafe ai le sua manu mo le meli, fenua fulumalie kese i fenua fuli,

Esekiele 20:6

I le aso lena, na kau siki loku lima kia latou, o fakamavae latou i le fenua ko Esipito ki se fenua leia na kau aga o afa kia latou, fenua e tafe ai le sua manu mo le meli, fenua fulumalie kese i fenua fuli.

Numelo 14:16

Na leaise mafai loa e le Eteleno ke ave e ia le kakai leinei ki le fenua leia na fakapapau e ia ke soli kiate ia : koia leia kua tamate ai e ia a ia i le toafa.

Numelo 14:30

e leaise kotou ulu loa ki le fenua leia na kau fakapapau ke fakanonofo ai koutou, gato fai kia Kalepo, vosa o Sefune, mo Sosue, vosa o Nune.

Tetelonome 1:35

e leaise tio loa se tagata e toka tasi o le tautupu agaveli leinei ki le fenua malie leia na kau fakapapau ke soli ki okoutou tamana,

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.

Tetelonome 6:10

I le aso leia e fakaulu ai loa a koe e le Eteleno ki le fenua leia na fakapapau e ia ki ou tamana, ko Apalaamo, mo Isaake, mo Sakopo, ke soli atu kiate koe, e ke maua loa i ai ni kolo lalasi mo fulumalilie ala na leaise ke fakatuu ia,

Tetelonome 6:18

Ke ke fai loa le nea leia e totonu mo le nea leia e malie ki mata o le Eteleno, o tupu ke ke manuia loa, ti mo ke ulu loa o maua tofiga le fenua malie leia na fakapapau e le Eteleno ki ou tamana ke soli atu kiate koe,

Tetelonome 6:23

Ti na fakamavae loa e ia matou mei ai, o aumai matou ki le fenua leia na fakapapau e ia ki omatou tamana ke soli kia matou.

Tetelonome 7:13

E alofa loa a ia kiate koe, ti e tapuaki loa a ia kiate koe, ti e liuliuga loa e ia a koe. E tapuaki loa a ia ki fua o lou manava mo fua o lou kele, ki lau fulumeto, mo lau vino foou, mo lau lolo, ki le fua o lau kau pipi fafine, mo le fua o lau kau ovi fafine, i le fenua leia na fakapapau e ia ki ou tamana ke soli atu kiate koe.

Tetelonome 8:1

Ke kotou tausi loa ti mo kotou fai loa a folafola fuli ala e kau tuku kia koutou i le aso nei, o tupu ke kotou mauli, ti ke kotou liuliuga, ti ke kotou ulu o maua tofiga le fenua leia na fakapapau e le Eteleno ke soli ki okoutou tamana.

Sosue 1:6

Ke ke fakamakeke mo ke loto toa, talie ko koe leia e ave ia loa le kakai leinei ki le fenua leia na kau fakapapau ki olatou tamana ke soli kia latou.

Sosue 21:43

Na soli loa e le Eteleno ki Iselaele le fenua katoa leia na fakapapau e ia ke soli ki olatou tamana ; na lotou too loa a ia ti na lotou nonofo loa i ai.