Selemia 32:20 - Tosi Tapu

²⁰ Na ke fai ni milakulo mo ni nea fakamanamana i le fenua o Esipito o kaku mai ki le aso nei, Ki le kakai o Iselaele mo kakai fuli, Ti kua logologona lou suafa, ofaipe lona sa i le aso nei.

Selemia 32:20 ပူးပေါင်းရင်းမြစ်များ

Lua tosi a Samuele 7:23

Pe ia se tasi ake puleaga i le malama nei e tatau mo lou kakai, ke faipe Iselaele, leia na au le Atua o totogi ke liliu ko lona kakai, ti ke logologona, ti ke fai kiate ia ni milakulo mo ni nea fakamanamana i lou fenua, o kapu ni puleaga mo olatou atua, i mua o lou kakai, leia na ke totogi mei Esipito ?

Uluaki tosi o Koloniko 17:21

Pe i ai i le malama nei se tasi ake puleaga leia e tatau mo lou kakai ko Iselaele, leia na au le Atua o totogi a ia ke fakaliliu ko lona kakai, ke fai kiate koe se igoa lasi ti mo fakasoko ni milakulo mo ni nea fakaii, o kapu ni puleaga i mua o lou kakai leia na ke totogi mei Esipito ?

Neemia 9:10

Na ke fai loa ni milakulo mo ni nea fakamanamana kia Falaone, mo ana tagata fakasausau ti mo le kakai katoa o lona fenua, talie na ke iloa lalatou fakavelivelii omatou tamana, ti na ke fakasa loa lou kololia ofaipe lau fakasa i le aso nei.

Neemia 9:11

Na ke fakamavaa loa le tai i olatou mua, ti na lotou saele loa i le malo i loto malie o le tai ; kae na ke ti loa ki le tai latou ala na tuli ia latou, ti na lotou ogo loa ofaipe se fa fatu i le vai loloto.

Pesalemo 135:9

Na kakau loa e ia ni fakamailoga mo ni milakulo kiate koe, Esipito ! Kia Falaone mo ana tagata fakasausau fuli.

Ekesote 10:2

Ti toe tupu foki ke ke fakamatala ki lou vosa mo le vosa o lou vosa le nea leia na kau fai ki le kau Esipito, ti mo fakamailoga ala na kau fakasa i loto malie o latou. Ti ke kotou iloa ko au ko le Eteleno.

Ekesote 3:20

E kau falo loa loku lima, ti e kau tautea loa Esipito ki nea fakamanamana kesekese ala e kau fakasoko ia loa i le fenua. I le oki loa o nea ana, e tuku loa e ia ke kotou ano.

Ekesote 7:3

Ti ko au, e kau fakafefeka loa le loto o Falaone, ti e kau liuliuga loa aku fakamailoga mo aku milakulo i le fenua o Esipito.

Ekesote 9:16

Kae na kau fakamauli a koe, o tupu ke fakasa iate koe loku makeke, ti ke fakamafola loku suafa i le malama nei katoa.

Esaia 63:12

Leia na taki ia le lima atamai o Moisese, Ki lona lima fakakololia ; Leia na vaelua ia a vai i olatou mua, Ke logologona ai lona suafa o lee gato ;

Esaia 63:14

Ofaipe le manu leia e ifo ki le vaivailiua, Na taki latou e le Laumalie o le Eteleno ki le malolo. Na fenaaki lau taki lou kakai, O logologona ai lou suafa.

Selemia 13:11

Talie e faipe le nonoa o le kilipipi i vakavaka o se tagata, Na kau sai foki kiate au le fale katoa o Iselaele Ti mo le fale katoa o Suta, e pati le Eteleno, O tupu ke la liliu ko loku kakai, Mo loku igoa, mo loku fakavikiviki, ti mo loku kololia. Kae na leaise la fakalogo fua kiate au.

Taniela 6:28

Na tapuakina loa Taniela i le sau o Taliusi, ti mo le sau o Silusi, tagata Pelesi.

Taniela 9:15

I le aso nei, Aliki ko lomatou Atua, a koe leia na fakamavae ia lou kakai mei le fenua o Esipito ki lou lima makeke, a koe leia na logologona talu mei ai o kaku mai ki le aso nei, kua motou agasala, kua motou fai le nea leia e veli.

Gaoi 7:36

Ko ia leia na fakamavae ia loa latou mei Esipito, ti na fai ia loa ni nea fakaofolele mo ni milakulo i le fenua o Esipito, mo le Tai Kula, ti mo le toafa, lolotoga o fetuu e kau fa.

Tetelonome 11:3

Na fakasa e ia kia koutou ana milakulo mo ana gaoi : Na kotou tio ki le nea leia na fai e ia i loto malie o Esipito, kia Falaone, sau o Esipito, mo lona fenua katoa.

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?

Tetelonome 6:22

Na fai loa e le Eteleno, i omatou mata, ni milakulo, mo ni nea fakaofolele lalasi mo fakaii, ki Esipito, mo Falaone, mo lona fale katoa.

Tetelonome 7:19

a asiasi lalasi ala na tio ki ai ou mata, mo milakulo, mo nea fakaofolele, mo le lima makeke mo le lima falo, i le aso leia na fakamavae ai a koe e le Eteleno, lou Atua. Ko lena le nea leia e fai loa e le Eteleno, lou Atua, ki kakai fuli ala e ke i ki ai.