Selemia 32:2 - Tosi Tapu

² Na takatakai e le solia a le sau o Papilone a Selusalemi i le temi a ia ; ti na tuku a Selemia, ko le polofeta, i le malae o le pilisoni leia na tuu i le fale o le sau o Suta.

Selemia 32:2 ပူးပေါင်းရင်းမြစ်များ

Lua tosi o Sau 25:1

I le fetuu iva o le sau o Setesiasi, i le aso kau agafulu o le kau agafulu o masina, na au loa Nepukatenesale, sau o Papilone, mo lana solia katoa, o taui Selusalemi ; na fakatuu loa e Nepukatenesale lona nofolaga tau i mua o Selusalemi, ti na kenu loa e ia ni popoko i le takatakai katoa o Selusalemi.

Neemia 3:25

Na gaoi loa a Palale, vosa o Usai, i le vasa o le tuliki mo le tule lasi, leia na tuu i mua o le fale sau, o ofi ki le malae o le pilisoni. Na olo mai loa kiate ia a Petasa, vosa o Paleoke.

Pesalemo 88:8

Na vilo lou sausau kiate au, Ti na ke taotao au ki au galu fuli. - Manava.

Selemia 32:3

Talie na fakatotonu e le sau ko Setesiasi ke tuku a ia ki ai, o pati kiate ia : Kolea e ke kikite ai, o pati : E folafola le Eteleno, o pati : Ko leinei, e kau tuku le kolo leinei ki lima o le sau o Papilone, ti e too loa e ia a ia ;

Selemia 32:8

Ti na au loa kiate au Anameele, vosa o loku tuatinana, o mulimuli ki le folafola a le Eteleno, i le malae o le pilisoni, ti na pati mai loa a ia kiate au : Totogi laku faisaga leia e tuu i Anatote, i le fenua o Pesamino, talie ko koe leia e tonu ke maua tofiga a ia ti e tonu ke totogi ia a ia, totogi a ia ! Na kau iloa loa ko le folafola a ia a le Eteleno.

Selemia 33:1

Na tuku loa le folafola a le Eteleno kia Selemia, ko lona tua lua, ka koi nofo a ia i le malae o le fale pilisoni, o pati :

Selemia 34:1

Na folafola loa le Eteleno kia Selemia, o pati, i le temi leia na fai ai le tau ki Selusalemi mo kolo fuli ala na fakalogo kiate ia, e Nepukatenesale, sau o Papilone, mo lana solia katoa, mo puleaga fuli ala na fakalogo kiate ia, mo kakai fuli.

Selemia 36:5

Ti oki, na tuku loa e Selemia le fakatotonu leinei kia Paluke : E kau nofo popula, e leaise mafai ke kau ano ki le fale o le Eteleno.

Selemia 37:15

Na itaita loa le kau pule kia Selemia ti na lotou lalava a ia, o velo ki le pilisoni, i le fale o Sonatane, le sekalaipe ; talie kua lotou fakaliliu lona fale ko se fale pilisoni.

Selemia 37:21

Ti na fakatotonu loa e le sau ko Setesiasi ke ave Selemia ki le malae o le fale pilisoni, ti ke soli kiate ia i aso taki tasi se fa pane e tasi mei le ala o le kau tao pane, o kaku ki le oki o le pane i le kolo. Ti na nofo loa Selemia i le malae o le fale pilisoni.

Selemia 37:4

I le temi lena na ano ti au Selemia i le kakai ; na leikiaise tuku a ia ki le pilisoni.

Selemia 38:13

Ti na lotou toso ake loa Selemia ki maea, ti na lotou paleaki ake aia i le sosoni ki tafa. Ti na nofo loa Selemia i le malae o le fale pilisoni.

Selemia 38:6

Koia na lotou too loa Selemia, o ti ki loto o le sosoni a Malekisa, vosa o le sau, leia na tuu i le malae o le fale pilisoni ; na lotou fakaifo loa Selemia ki ni maea. Na leaise i ai se vai i le sosoni, kae na i ai se pela ; ti na ogo loa Selemia i le pela.

Mateo 5:12

Kotou fimalie ti kotou fiafia lasi, talie e lasi loa lokoutou fakapale i le atu lagi ; talie na fenaaki foki le fakavelivelii o le kau polofeta ala na muamua atu ia koutou.