Selemia 32:10 - Tosi Tapu

¹⁰ Na kau tosi loa se pepa fakamaoki, leia na kau fakamau loa, ti na kau too loa ni tagata fakamaoki, ti na kau fuafua loa le paaga i se fua.

Selemia 32:10 ပူးပေါင်းရင်းမြစ်များ

Senesi 23:16

Na matala loa Apalaamo kia Efelone ; ti na fua loa e Apalaamo kia Efelone le lasi o le paaga leia na fakasa e ia i mua o vosa o Eti, ko fa paaga siliva e kau lelau fa, i le paaga leia na fakaaoga e le kau.

Senesi 23:20

Na fakalaka loa le faisaga mo le ana leia na tuu i ai mei lima o vosa o Eti, o liliu loa ko le kele o Apalaamo ke tanu ai ona mate.

Sopo 14:17

Kua ke sai fakamaumau aku sala i se taga, Ti e ke toe fakakaukaui ni iki ake agaveli kiate au.

Katiko o Katiko 8:6

Tuku au ofaipe se fakamau ki lou mafu, Ofaipe se fakamau ki lou lima ; Talie e makeke le alofa ofaipe le mate, Ko le finenonofo e leaise ma peluki ofaipe le nofoaga o le kau mate ; Ko ona fifita ko ni fifita o le afi, Ko se afi mei le Eteleno.

Esaia 30:8

Ano i le lakaga nei, o tosi a nea ana i olatou mua i se laupapa, Ti ke tosi latou i se tosi, O tupu ke lotou tuu i temi ka au, I tautupu fuli o lee gato.

Esaia 44:5

E pati loa le tasi : Ko au a le Eteleno ; E loto loa le tasi ki le igoa o Sakopo ; E tosi loa e le tasi ake ki lona lima : ki le Eteleno ! Ti e puaki loa e ia i le alofa le igoa o Iselaele.

Selemia 32:12

Ti na kau tuku loa le pepa fakamaoki kia Paluke, vosa o Nelisa, vosa o Makesesa, i mua o Anameele, vosa o loku tuatinana, mo mua o tagata fakamaoki ala na fakamaoki ia le pepa fakamaoki, ti mo mua o le kau Sutea fuli leia na nonofo i le malae o le fale pilisoni.

Selemia 32:25

Kae logo ai le nea aia, Aliki Eteleno, na ke pati mai kiate au : Totogi se faisaga ki le paaga, too ni tagata fakamaoki… Ti ko leinei, kua tuku le kolo ki lima o le kau Kaletea !

Selemia 32:44

E totogi loa ni faisaga ki le paaga, E fai loa ni pepa fakamaoki, e fakamau loa latou, e too loa ni tagata fakamaoki, I le fenua o Pesamino ti mo tafatafa o Selusalemi, I kolo o Suta, mo kolo o le mauga, I kolo o le toafa, mo kolo o le potu saute ; Talie e kau toe aumai loa olatou kau popula, e pati le Eteleno.

Taniela 8:26

E maoki le tio o afiafi mo usu. Kiate koe, taupau fakafufu le nea leia na ke tio ki ai, talie ko se nea o uiga mo ni temi koi mamao.

Mateo 27:66

Na lotou ano loa, o leo le tanuma : na lotou fakamaumau loa ki le sima le fatu tapono o le tanuma, ti na lotou fakanofo loa i mua le kau solia ke leo ia a ia.

Soane 3:33

Ko leia kua tui ki lana fakamaoki, na fakamaoki a ia e maoki le Atua ;

Soane 6:27

Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.

Lua tosi ki le kau Kolinto 1:22

leia kua fakamailoga ia foki tatou, o soli mai kia tatou se fakamaoki, ko le Laumalie i otatou loto.

Efeso 1:13

Iate ia ko koutou foki, i le oki o lakotou fakalogo ki le folafola o le maoki, le Evaselio o lokoutou saofaki, na kotou tui ti na fakamailoga koutou e le Atua ki le Laumalie Maokioki o le fakapapau,

Efeso 4:30

Aua na kotou fakamamae le Laumalie Maokioki o le Atua leia na fakamailoga ia koutou ki le aso o le letamisio.

Tetelonome 32:34

Ko au ko le Eteleno au, Ko lena le nea leia na kau teuteui fakafufu, Ti na kau fakamau i oku koloa fakapulipuli.

Sosue 18:9

Na ano loa a tagata ana, ti na lotou folii loa le fenua, ti na lotou fai loa le tosi isi o le fenua ki vaega e fitu, o mulimuli ki kolo. Ti oki, na lotou toe liliu loa kia Sosue i le nofolaga i Silo.

Apokalipisi 7:2

Ti na kau tio loa ki se tasi ake aselo, na pale ake i le potu o le sopoaga o le laa, ti na too e ia le fakamau a le Atua mauli ; ti na kalaga loa a ia o leo lasi ki aselo e fa ala na tuku ki ai ke tautea ia le kele mo le tai, ti na pati loa a ia :

Apokalipisi 9:4

Ti na pati loa kia latou ke aua na lotou fai ia se nea veli ki le mutie o le kele, mo le vao sesega, ti mo laakau, kae ke gato fai ki tagata ala e leaise maua ia le fakamailoga o le Atua i olatou lae.

Lute 4:1

Na pale loa Poase ki le matapa o le kolo, ti na tuu loa a ia i ai. Ti ko leinei, na nake loa ki ai leia na kaiga feofi, ti na masau loa Poase kiate ia. Na pati loa Poase kiate ia : A koe leia, au, o nofo i leinei. Ti na ano loa a ia, o nofo ki lalo.