Selemia 31:3 - Tosi Tapu

³ Mei mamao na sa mai le Eteleno kiate au, o pati : E kau alofa kiate koe i se alofa lee gato ; Koia e kau taupau ai kiate koe loku agamalie.

Selemia 31:3 ပူးပေါင်းရင်းမြစ်များ

Uluaki tosi o Sau 10:9

Ke fakafetai ki le Eteleno, lou Atua, leia na tuku ia kiate koe le kalasia ke nofo i le ekeekeaga fakasau o Iselaele ! E tupu ko le alofa lee gato o le Eteleno ki Iselaele, leia kua fakanofo ai a koe e le Eteleno ko le sau o tupu ke ke fai le fakamaau mo le faitotonu.

Pesalemo 103:17

Kae e lee gato le agamalie o le Eteleno kia latou ala e i kiate ia, Ti mo lona manava alofa ki fanau o alatou fanau,

Pesalemo 25:6

Eteleno, ke ke manatui lou manava alofa mo lou agamalie ; Talie e la lee gato.

Katiko o Katiko 1:4

Toso atu au kiate koe ! Ta makape ! Ko loku sau a koe, ave au ki lou kogafale, E ta fiafia loa toka lua, e ta nekenekea loa iate koe ; E ta sua loa lou alofa leia e malie ake i le vino. E tonu ai le mamana o taineliki kiate koe.

Esaia 43:4

Talie e ke mauiga ki oku mata, Talie e ke lasi kiate au ti e kau alofa kiate koe, E kau soli ni tagata ke fetogi ai a koe, Ti mo ni kakai ke totogi ai lou mauli.

Esaia 45:17

Kae ko le Eteleno leia e maua ai e Iselaele le fakamauli, Se fakamauli lee gato. E leaise kotou luma loa pe fakasemala loa, o lee gato.

Esaia 49:14

Kae na pati Sione : Kua tiaki au e le Eteleno ! Kua galoi au e le Aliki !

Oseo 11:1

I le ikiiki o Iselaele, na kau alofa kiate ia, Ti na kau kalagai loku vosa ke mavae mei Esipito.

Oseo 11:4

Na kau takitaki fakaeteete latou, ki ni maea o le alofa. Na kau fai kia latou pe se tamana leia e luluku ia lona toe o fakapipiki ki lona kalaafau. Ti na kau tonatona i ona tafa o fagai a ia.

Malakia 1:2

Na kau alofa kia koutou, e pati le Eteleno. Kae e kotou pati : Kolea le nea leia na ke alofa ai kia matou ? Pe leaise ko le taina o Esau ko Sakopo ? e pati le Eteleno. Kae na kau alofa kia Sakopo,

Loma 8:30

Ti ko latou ala na fakatuutuu fakatomua e ia, na kalagai foki e ia latou ; ti ko latou ala na kalagai e ia, na fakamatatonu foki e ia latou ; ti ko latou ala na fakamatatonu e ia, na fakakololia foki e ia latou.

Loma 9:13

Na kau alofa kia Sakopo Ti na kau vesia kia Esau.

Tetelonome 10:15

Kae, i le temi mua, na gato tasi ki ou tamana ala na pipiki ki ai le Eteleno, talie na alofa a ia kia latou. I le temi nei, ko koutou, ala ko lolatou sakoga, na filifili e ia i puleaga fuli, ofaipe lakoutou tio ki ai i le aso nei.

Tetelonome 33:26

E leaise tatau se tasi mo le Atua o Iselaele, E amo a ia i le lagi ke au o tokoi mai kiate koe, E amo a ia fakaalialiki a ia i aluga o ao.

Tetelonome 33:3

Io, e alofa a ia ki puleaga ; E nofo ana kau sagato fuli i lona lima. E lotou tutuu i lalo o ou vae, E lotou tali au folafola.

Tetelonome 4:37

Kua alofa a ia ki ou tamana, ti na filifili e ia lolatou sakoga ; ti na fakamavae e ia totonu a koe mei Esipito ki lona makeke lasi ;

Lua tosi kia Timoteo 1:9

leia kua fakamauli ia tatou, ti kua kalagai ia tatou ke tou liliu ko lona kakai maokioki, o leaise tupu ko atatou gaoi, kae o mulimuli ki lana fakatuutuu totonu, ti mo le kalasia leia kua soli mai kia tatou ia Sesu-Kilisito i mua o le kamataaga o sekulo.

Sakopo 1:18

Na fakatupu e ia tatou ki le folafola o le maoki o mulimuli ki lona finegalo, o tupu ke tou liliu ko le kau uluaki tupu o lana kakai.

Uluaki tosi a Petelo 1:3

Ke fakafetai ki le Atua ko le Tamana o lotatou Aliki ko Sesu-Kilisito, leia kua tuku ia kia tatou se mauli foou, o fakatatau ki lona manava alofa lasi, ki se amanaki mauli i le toe tuuake a Sesu-Kilisito mei le kau mate,

Uluaki tosi a Soane 4:19

Kia tatou, e tou alofa kiate ia, talie na uluaki alofa a ia kia tatou.