Selemia 31:2 - Tosi Tapu

² E folafola le Eteleno, o pati : Na maua e ia le kalasia i le toafa, Le kakai o latou ala na sao i le seleta ; E saele Iselaele ki lona maloloaga.

Selemia 31:2 ပူးပေါင်းရင်းမြစ်များ

Pesalemo 78:52

Kae na tuku loa e ia lona kakai ke ano ofaipe se kau ovi fafine, Na taki loa e ia latou i le toafa ofaipe se kau manu.

Pesalemo 95:11

Koia na kau fakapapau ai i loku ita : E leaise lotou ulu loa ki loku malolo !

Ekesote 1:16

Na pati loa a ia kia laua : Ka kolua fakafanaui loa a fafine o le kau Epeleo, ti kapau e kolua tio loa i le vilo ake o le toe, ko se toe tagata, ti kolua tamate a ia, kae kapau ko se toe fafine, ti kolua tuku a ia ke mauli.

Ekesote 1:22

Ti na tuku loa e Falaone le fakatotonu leinei ki lona kakai katoa : E kotou ti loa ki le vaitafe a toe tagata fuli ala e tupu loa, kae e kotou tuku loa ke mauli a toe fafine fuli.

Ekesote 12:37

Na mavae loa fanau a Iselaele mei Lamisese ki Sukoti ; na fakaano lolatou api ki tino lelau afe e ono tagata saele, kae na leaise lau a toe.

Ekesote 2:23

Na sili loa ki ai se temi fualoa ai, ti na mate loa le sau o Esipito. Na fetagisi fanau a Iselaele i le mamafa o le popula, ti na lotou kalaga ki le Atua. Na kaku loa ki le Atua alatou tagi i le lasi o lolatou mamae.

Ekesote 33:14

Na tali loa le Eteleno : E kau ano loa mo koe, ti e kau soli loa kiate koe se maloloaga.

Ekesote 5:21

Na lotou pati loa kia laua : Ke tio mai le Eteleno kia koulua, ti ke fakamaaui e ia ! Kua kolua fakaliliu matou o fakalialia ki mata o Falaone mo ana tagata fakasausau, ti kua kolua teki se seleta ki olatou lima ke tamate ai matou.

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Esekiele 20:35

E kau ave loa koutou ki le toafa o kakai, ti e kau fakamaaui loa koutou i oku mua.

Oseo 11:4

Na kau takitaki fakaeteete latou, ki ni maea o le alofa. Na kau fai kia latou pe se tamana leia e luluku ia lona toe o fakapipiki ki lona kalaafau. Ti na kau tonatona i ona tafa o fagai a ia.

Numelo 10:33

Na lotou mavae loa mei le mauga o le Eteleno, ti na lotou saele loa i aso e tolu : na muamua loa ia latou le aleka o le fakamaoki o le Eteleno, ti na fai loa e ia se saele i aso e tolu, o afa se ganea malolo kia latou.

Numelo 14:20

Ti na masau loa le Eteleno kia Moisese mo Alone, o pati : E kau fakamolemole, ofaipe lau kole.

Mateo 11:28

Kotou au kiate au, koutou fuli ala e gagae mo mafaia, ti e kau soli atu loa kia koutou se malolo.

Tetelonome 1:30

Ko le Eteleno, lokoutou Atua, leia e saele i mua o koutou, e tau loa kia koutou, ofaipe lana fai kia koutou i Esipito, i okoutou mua,

Tetelonome 1:33

leia na ano i mua o koutou i le ala, o afa se ganea leia ke fakatuu ai okoutou falela ; i le pouli i se afi ke fakasa ia le ala leia e tonu ke kotou saele ai ; i le ao i se pou afu ke fakamalumalu ai koutou.

Tetelonome 12:9

talie e leikiaise kotou kaku ki le fenua o le malolo leia e soli kia koutou e le Eteleno, lokoutou Atua.

Tetelonome 2:7

Talie na tapuaki le Eteleno, lou Atua, kiate koe i au gaoi fuli, ti na leoleo e ia a koe i le lolotoga o lou fanoga i le toafa lasi leinei. Na nofo le Eteleno, lou Atua, mo koe i fetuu e kau fa, ti na leaise puli fua se nea e tasi leia na aoga kiate koe.

Tetelonome 8:16

leia na fagai ia a koe i le toafa ki le mane leia na leaise iloa e ou tamana, o tupu ke fakamamae ai a koe mo asiasii ai a koe, talie ke fai kiate koe se nea leia e malie loa ki muli.

Sosue 1:13

Ke kotou manatui le nea leia na fakatotonu atu kia koutou e Moisese, tagata fakasausau a le Eteleno i le aso leia na pati ai : kua soli atu e le Eteleno, lokoutou Atua, kia koutou le malolo ; kua soli atu e ia kia koutou le fenua leinei.