Selemia 30:9 - Tosi Tapu

⁹ E lotou tausi loa ki le Eteleno, lolatou Atua, Ti mo Tavite, lolatou sau, leia e kau lagai loa kia latou.

Selemia 30:9 ပူးပေါင်းရင်းမြစ်များ

Pesalemo 89:49

Pe i ai se tagata leia e mafai ke mauli kae leaise tio ki le mate, Leia e mafai ke saofaki ia lona laumalie mei le nofoaga o le kau mate ? - Manava.

Selemia 23:5

Ko leinei, e pati le Eteleno, e soko mai loa a aso, Ala e kau fakatupu ai loa kia Tavite se uli agatonu. E nofo loa a ia ko se sau poto mo manuia, E fai loa e ia le faitotonu mo le maoki i le fenua.

Selemia 29:11

Talie e pati le Eteleno, e kau iloa a fakatuutuu ala kua kau fai kia koutou, ko fakatuutuu o le tokamalie kae leai o le malaia, o tupu ke soli kia koutou se apogipogi mo se amanaki malie.

Selemia 30:21

E au loa lona pule mei lona manava, E ulu loa meiate ia leia e takitaki ia loa a ia. E kau fakafeofi mai loa a ia kiate au, ti e au loa a ia kiate au ; Talie ko ai e toa loa i le fakafeofi toka tasi mai kiate au ? E pati le Eteleno.

Selemia 33:15

I aso ana ti mo le temi lena, E kau fakatupu loa kia Tavite se uli Maokioki ; E fai loa e ia le faitotonu mo le maoki i le fenua.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Mateo 2:2

ti na lotou pati : Kofea le Sau o le kau Sutea leia nao tupu fua ? Talie kua motou tio ki lona fetuu i Olieto, ti kua motou au o atolasio kiate ia.

Luka 1:69

Ti kua tuku e ia se fakamauli mafimafi kia tatou I le fale o Tavite, lana tagata fakasausau,

Gaoi 13:23

Ti kua fakanofo e le Atua ki Iselaele i le sakoga o Tavite se fakamauli ko Sesu, o mulimuli ki lana fakapapau.

Gaoi 13:34

Ti e fakasa foki i se tasi ake ganea e toe fakatuuake e ia a ia mei le kau mate, o tupu ke aua na pala lona tino, o pati : E kau soli loa kia koutou a kalasia ala na fakapapau kia Tavite, a kalasia maoki mo lee gato.

Gaoi 2:30

Talie na polofeta a ia, ti na iloa e ia na fakapapau ake e le Atua kiate ia e fakaeke loa e ia se tasi i lona sakoga totonu ki lona ekeekeaga fakasau,