Selemia 30:8 - Tosi Tapu

⁸ I le aso lena, e pati le Eteleno o kau tau, E kau fatii loa lana laakau taki i lou ua, E kau motumotusi loa ou sai, Ti e leaise toe pule loa le kau matapule kiate koe.

Selemia 30:8 ပူးပေါင်းရင်းမြစ်များ

Pesalemo 107:14

Na fakamavae loa e ia latou i le fakapouli mo le malu o le mate, Ti na motusi loa e ia olatou sai.

Esaia 10:27

I le aso lena, e too loa e ia lana amoga i lou tuauma, Ti mo lana laakau taki i lou ua Ti e maumaui loa e ia le laakau taki i lou ua.

Esaia 14:1

Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Esaia 14:25

E kau fatii loa le Asilia i loku fenua ; E kau takatakafi loa a ia ki oku vae i oku mauga ; Ti e too loa lana laakau taki i loku kakai ko Iselaele, Ti e too loa lana kavega i olatou tuauma.

Esaia 14:3

Ti ka soli atu loa kiate koe e le Eteleno se malolo, I le oki o ou mamae mo ou i, Ti mo le oki o le popula mamae leia na taomi ia a koe,

Esaia 9:4

Talie ko taka fuli ala na taka ki ai i le tau, Ti mo teu tau fuli ala na kelekele i le toto, E laku loa ki ulaula, Ke tutu latou e le afi.

Selemia 2:20

Kua fualoa ai lau fatii lau amoga, Lau motusi ou sai, Ti na ke pati : E leaise koi kau loto ke kau popula ! Kae i atu mauga liliki taualuga fuli, Ti mo lalo o laakau lalasi fuli, Kua ke punou ofaipe se fafine faiaga.

Selemia 25:14

Talie e toe fakapopulai loa latou e ni puleaga makeke mo ni sau lalasi, ti e kau totogi loa kia latou o mulimuli ki alatou faiaga mo le gaoi o olatou lima.

Selemia 27:2

Na pati mai le Eteleno kiate au : Fai kiate koe ni sai mo ni amoga, o teki ki lou ua.

Selemia 27:7

E fakalogo loa a puleaga fuli kiate ia, mo lona vosa, mo le vosa o lona vosa, o kaku ki le tatae mai o le temi o lona fenua, leia e pule ai loa kiate ia ni puleaga makeke mo ni sau lalasi.

Selemia 28:10

Ti na too loa e Anania, le polofeta, le amo mei le ua o Selemia, le polofeta, o fatii a ia.

Selemia 28:13

Ano, o pati kia Anania : E folafola le Eteleno, o pati : Kua ke fatii le amo laakau, kae e ke maua loa se amo ukamea o fetogi ai.

Selemia 28:4

E pati le Eteleno : E kau toe fakaliliu mai loa ki le ganea leinei a Sekonia, vosa o Sosakimi, sau o Suta, mo le kau popula fuli o Suta, ala na ano ki Papilone ; talie e kau fatii loa le amo a le sau o Papilone.

Esekiele 30:18

E fakapouli loa le aso i Takepanese, Mo ka kau fatii loa i ai le laakau a Esipito, Ti mo ka kau fakagato loa i ai le fia nealasi o lona makeke ; E uufi loa e se ao Takepanese, Ti e ano loa ona taineliki ki le popula.

Esekiele 34:27

E tuku loa e le laakau o faisaga lona fua, ti e soli loa e le kele ona fua. E fimalie loa aku ovi i lolatou fenua ; ti e lotou iloa loa ko au ko le Eteleno, i le aso leia e kau motusi ai loa a sai o lolatou popula, ti e kau saofaki ai loa latou i le lima o latou ala e fakamakeke kia latou.

Naume 1:13

E kau fatii loa i le aso nei lana amoga iate ia, Ti e kau motusi loa ou sai…